Thứ ba, 24/10/2017
GIÁO LÝ - TƯ LIỆUTƯ LIỆU KHÁC

Phau ntawv hu nkauj ntshiab - Sách hát tiếng H'mông

Cập nhật lúc 22:08 29/03/2017
Tập Sách hát PHAU NTAWV HU NKAUJ NTSHIAB này là sự nỗ lực của Nhóm dịch thuật, đã lựa chọn và tổng hợp các bài Thánh ca được nhiều người sáng tác hoặc biên dịch từ tiếng Việt sang tiếng H’mông từ trước tới nay.... Vì lợi ích của cộng đồng, xin các tác giả cho phép được in ấn các bài Thánh ca này.

PHAU NTAWV HU NKAUJ NTSHIAB - HUNG HOA 2017

SÁCH HÁT TIẾNG H'MÔNG - GP. HƯNG HÓA 2017



- Tải bản văn .DOC tại đây:   << DOWNLOAD >>

- Tải bản văn .PDF tại đây:   << DOWNLOAD >>


 
LỜI NGỎ
Cộng đồng Hmông Công giáo trong giáo phận Hưng Hóa đã được hình thành và phát triển hàng trăm năm qua, là một thành phần rất quan trọng làm nên sự đa dạng và phong phú trong những sinh hoạt của giáo phận.
Các đấng Bề trên luôn quan tâm đến anh chị em H’mông, điều này được thể hiện qua việc thiết lập các giáo xứ dành riêng; đào tạo ơn gọi và những tông đồ giáo dân; xuất bản sách, tài liệu… Tuy nhiên, những hoạt động cho anh chị em còn gặp nhiều khó khăn bởi vì khác biệt ngôn ngữ.
Tập Sách hát PHAU NTAWV HU NKAUJ NTSHIAB này là sự nỗ lực của Nhóm dịch thuật, đã lựa chọn và tổng hợp các bài Thánh ca được nhiều người sáng tác hoặc biên dịch từ tiếng Việt sang tiếng H’mông từ trước tới nay. Trong khi cố gắng giữ lại bản văn gốc, Nhóm đã điều chỉnh, sửa chữa những lỗi chính tả hoặc những câu sai nghĩa. Vì lợi ích của cộng đồng, xin các tác giả cho phép được in ấn các bài Thánh ca này.
Mặc dù cố gắng rất nhiều, nhưng chắc chắn không khỏi những thiếu sót do khả năng hạn hẹp, tuy nhiên vì nhu cầu cần một tài liệu có tính thống nhất giữa các nhóm sắc tộc thuộc cộng đồng người H’mông Công giáo, Nhóm đã thỉnh nguyện với Bề trên giáo phận cho phép phát hành để dùng trong Phụng vụ. Xin quý độc giả góp ý và bổ sung, để tập Sách hát này được đầy đủ và hoàn thiện hơn.
                 CHẤP THUẬN                    NHÓM DỊCH THUẬT
      CỦA BỀ TRÊN GIÁO PHẬN               Mùa Chay 2017
                          




 
LUS CEV
Peb tsoom Hmoob ntseeg Kav Tos Liv nyob hauv lub Koom Txoos Hung Hoa twb tau txhim tsa thiab huam vam los tau ntau pua xyoo dhau los, yog ib qho tseem ceeb muaj nuj nqis tshaj plaws uas tau ntau yam tsheej xeeb thiab nto koob meej txhawb rau peb lub Koom Txoos.
Vim yog muaj tsoom Tswv Qhia hlub tshua txog kwv tij Hmoob, qhov no tau  tshwm sim dhau los ntawm kev txhim tsa rau cov tuam tsev koom txoos. Tseg cia qhuab qhia thiab hu ib tsoom thwj tim nyob hauv tsoom neeg ntseeg; ua ntaub ntawv txhua yam pab rau Hmoob; tab sis cov hauj lwm no tseem ua rau cov thawj coj ntsib kev nyuaj ntau yam, vim yog muaj ntau xeem lus sib txawv. 
PHAU NTAWV HU NKAUJ NTSHIAB no yog peb sib pab txhais ntawm lus Nyab Laj los ua lus Hmoob. Peb tau siv tswv yim los txhais lus, tau xaiv cov zaj nkauj ntawm ntau tus kws sau nkauj thaum ub los txog nyem no. Tiam sis peb tseem tuav cov qub lus, peb tsuas kho qee lo lus kom meej. Txawm tias txhais tsis raws li cov lo lus Nyab Laj los peb muab hloov mus hloov los kom raug lub ntsiab thiaj hu tsis rov qab rov quav. Thov nej cov kws sau nkauj tso cai rau peb tau luam tawm kom muaj nqis rau tsoom Hmoob ntseeg Kav Tos Liv.
Peb twb los siv zog kho tau phau ntawv no, txawm tias tseem tshuav ntau qhov yuam kev, yog vim peb paub txuj ci tsis tas, tab sis peb cov ntseeg xav tau phau ntawv los siv thaum teev Ntuj. Vim li ntawd peb thov Tswv Qhia tso cai rau peb luam  phau ntawv no coj los siv. Thov nej sawv daws pab txhawb thiab pab kho kom PHAU NTAWV HU NKAUJ NTSHIAB no yim hnub yim zoo tuaj.
       TSWV QHIA LEES TXAIS          COV NEEG TXHAIS
                                                 Lub Caij Plaub Caug 2017


 

 MÙA VỌNG

 

001. HAUV HAV ZOOV

(TRONG RỪNG SÂU - 8HCĐ)
1. Hauv hav zoov muaj suab hu/ muaj suab hu/ txhib peb lub siab qhib tos Huab Tais tuaj mus. Lub roob siab kho kom tus/ kho kom tiaj. Cia Huab Tais tuaj nyob nto koob meej lug.
Txais: Huab Tais tuaj yam lub hnub tuaj ci qhov tsaus. Nej zoo siab, nej zoo siab Huab Tais tuaj cawm txhua haiv neeg. Huab Tais tuaj yam lub hnub tuaj ci qhov tsaus. Nej zoo siab/ nej zoo siab Huab Tais tuaj cawm txhua tiam neeg.
2. Los ntawm no hloov lub neej/ hloov dua neej. Nej npaj lub siab los mloog Huab Tais lo lus. Ruaj siab ntseeg coj ncaj ncees hauv lub neej. Lub neej kaj siab yuav nyob mus ib txhis.
3. Leej twg muaj lub siab tiag/ cia zoo siab. Vim Tswv Ntuj lub koob haum twb npaj tos lawm. Huab Tais tuaj muaj koob meej peb cia li/ tos hnub Huab Tais tuaj pub lub koob hmoov.
 

002. HUAB TSO NAG LOS

(MÂY ƠI MƯA XUỐNG- 64MV&GS,
239TCCĐ, 324TCCĐ2010)
Cov huab siab, koj tso nag los. Saum lub ntuj thov pub lub txiaj ntsim. Ntiaj teb tos ntsoov txhua caij nyoog. Cov huab siab/ tso nag los/ rau lub ntiaj teb.
Txais: Thov Ntuj tso nag/ los rau lub neej. Thov Ntuj khuv leej/ tso nag rau tib neeg, Tus Cawm Seej/ Koj yug los mas, tsoom neeg nyab xeeb/ tau hawm Tswv Ntuj. Huab Tais tsis txhob/ ncua ntev los cawm. Kuv tos ntsoov Koj/ txhua txhua lub caij nyoog. Huab Tais Ntuj! Kuv lub siab ntseeg/ ruaj nreb ntawm Koj/ ib txhis mus li.
2. Lub neej muaj/ ntau kev txom nyem, tsaus ntuj nti/ tos ntsoov pom kev kaj. Huab Tais Ntuj! Kuv cov txim ntau. Huab Tais Ntuj/ thov khuv leej/ zam kuv cov txhaum.
3. Kuv siab ntseeg/ mob siab ntxub txim/ yog zaj thov/ cev rau Huab Tais Ntuj. Ci kaj lug/ hauv kuv lub siab/ Koj coj kuv/ siab qaug lais/ rau lub neej ntshiab.
 

003. LUS THOV TOS HUAB TAIS

(NGUYỆN MÙA VỌNG- 97MVGS,
233TCCĐ, 321TCCĐ, 13 HCĐ)
 
Txais: Nyob ntiaj teb kuv tsa muag ntsia Huab Tais! Thov Koj xa Tus Cawm Seej tuaj Huab Tais! Thov Koj mloog kuv thov. Txhua hnub hmo kuv tseem thov Koj hlub kuv Huab Tais pub txiaj ntsim kev hlub cawm peb, peb tos ntsoov Nws tuaj.
1. Thov Koj tuaj xyuas peb hauv ntiaj teb. Koj yog hnub ci tuaj kaj qhov tsaus. Txhua lub caij nyoog thov Koj khuv leej/ thiab daws qab ntuj neeg cov txim txhaum.
2. Thov Tus Cawm Seej nqes los ntiaj teb. Los rhuav kev phem kev qias kev txhaum. Thov pub Leej Tub tuaj cawm tib neeg, kom rov sib haum xeeb nrog Tswv Ntuj.

004. Ntuj Siab

(Trời cao 1 -233 TCCĐ, 5 HCĐ)
 
Txais: Ntuj siab thov los nag tshauv, txhua nthwv huab thov xa Tus Cawm Dim. Ntuj siab thov los nag tshauv, txhua nthwv huab thov xa Tus Cawm Seej.
1. Hauv hmo tsaus ntuj peb tos ntsoov caij kaj ntug/
li tus tsiaj nqhis xav nrhiav lub hauv dej txhawv. Tswv Ntuj thov Koj txhob chim rau peb. Tswv Ntuj peb tig rov ntxub txim lawm.
2. Thov Koj nrog hlub/ Koj haiv neeg uas txom nyem/ tos ntsoov Yaj Ntshiab yuav tuaj hloov lub ntiaj teb/ cawm dim cov poob hauv txoj kev txhaum. Tswv Ntuj kev hlub tsis muaj hnub kawg.
 

005. TSOOM PEJ XEEM XIS YOOS

(NÀY HỠI DÂN XI-ON- 3HCĐ)
 
Txais: Tsoom pej xeem Xis Yoos Huab Tais tuaj yuav txog, nej npaj siab tos Nws. Vim yog Nws tuaj, vim yog Nws tuaj cawm Nws haiv neeg.
1. Tswv Ntuj tus pov hwm His Xas Lais thov Koj tig ntsej mloog. Koj yog tus coj Yos Xes kev zoo li tus tswv coj pab yaj.
2. Thov Huab Tais tuaj xyuas txhua haiv neeg, thov Koj lub koob meej/ cawm peb dim/ txoj kev txom nyem/ muab Koj kev hlub ci kaj peb.
 

006. TSWV NTUJ TUAJ

(ĐỂ CHÚA ĐẾN - 322  TCCĐ)
 
1. Thov pub peb lub siab tos Tswv Ntuj yuav rov qab los. Thov pub peb lub siab puv npho ntawm txoj kev sib hlub. Thov pub peb lub siab mob kub lug/ cia siab ntsoov/ lub ntiaj teb nyob kaj siab lug/ ntiaj teb tsis muaj kev nyuaj siab.
Txais: Cia Koj los hauv lub neej. Cia Koj los pub txiaj ntsim/ kev thaj yeeb rau txhua tus. Muaj kev cawm dim txhua chaw.
2. Thov pub peb lub siab txhob npau taws tsis txhob sib khib. Thov pub peb lub siab ua siab loj txawj zam tag nrho. Thov pub peb lub siab txawj hlub neeg hlub tag li, tsuas paub nyob pab txhawj rau luag tig npuab txiaj ntsim saum ntuj.
 

007. ZOO SIAB

(VUI LÊN- 09HCĐ)
 
Txais: Zoo siab! Cia zoo siab! cia zoo siab! Vim Tswv Ntuj tuaj yuav txog tshaj moo cawm neeg ntiaj teb. Zoo siab! Cia zoo siab! Cia zoo siab! Vim Ntuj yuav tuaj ntawm no/ peb yuav zoo siab hauv Tswv Ntuj.
1.             Peb cia zoo siab/ vim Ntuj tuaj nyob nruab nrab peb/ pub kev zoo siab rau tib neeg txhob sib ntxub. Peb cia zoo siab/ vim Tswv Ntuj tuaj cawm txhua leej/ pub peb lwm hnub muaj kev zoo siab tshaj plaws.
2.             Peb cia zoo siab. Vim Tswv Ntuj tuaj coj peb kev/ nrog Tswv Ntuj mus dhau ntawm txoj kev txom nyem. Peb cia zoo siab vim Ntuj cig pom kev ntiaj teb, kom peb lub neej tau txoj kev kaj siab lug. 
 
 

GIÁNG SINH

 

008. HAUV QHOV TSUA ME

(TRONG HANG ĐÁ NHỎ- 157 MV&GS)
 
Txais: Bè1:  Kuv cev paj tshab tuaj, nyob hauv lub qhov tsua me huab zig Koj puas hnov no? Cev rau Koj kuv lub siab tuaj hawm Koj ua pa yog pa tshuab sov, los roos los thaiv cua txias.
          Bè 2: (Kuv fij qhov tsua me. Tej ncos txias zias Koj puas hnov no? Kuv cev lub siab me rau Koj. Ua pa tshuab sov cas roos tau cua nag).
1. Kev nyuaj, kev zoo fij rau Tswv Ntuj, ntuj tsaug yuav dhau ntuj tshiab yuav los, kuv thov nyob ze ntawm lub dab nees hais ntxhi ntiaj teb cov lus rau Koj.
2. Huab ntshiab ntuj ntsuab hnub qub ntsais tsia, leej twg lub teeb kaj lug ntsa iab, kuv thov ua ib tug tswm ciab me, cig kaj lub siab ua Tswv Ntuj tsaug.
 
 

009. HMO CI NTSA - 266 NSCTTN

(Nhạc 43 HCĐ)
 
1. Hmo ci ntsa! Hmo ntshiab huv ! Ntuj ntsiag to, qab ntug kaj. Yog Huab Tais Ntuj Leej Tub yug los lawm. Peb yuav nqa peb lub siab tig mus hawm. Nyob saum ntuj, Tswv Ntuj nto moo, nyob ntiaj teb, neeg zoo siab.
2. Hmo tawg paj! Hmo txi txiv! Ntuj cov tshiab dhia hom khaj. Tus me nyuam yug los daws peb lub txim. Ib tsoom neeg nrog cov phooj ywg zov yaj nqa paj tshab tuaj cev rau Nws. Tus cawm peb yug los lawm.
3. Hmo ci tsa! Hmo ntshiab huv! Txoj kev kaj ci ntsa iab ntawm Tswv NtujLeej Tub lub ntsej muag tuaj. Nws coj txoj kev sib nyiam sib hlub tuaj kom ntiaj teb neeg nyob kaj lug. Huab Tais Yes Xus yug los.
 

010. LEEJ CAWM NTIAJ TEB

(ĐẤNG CỨU THẾ)
 
Txais: Leej cawm ntiaj teb tau yug los txhiv ntiaj teb. Yog Leej Ob ua tsheej neeg. Yog Leej Ob ua tsheej neeg. Ntiaj teb zoo siab Huab Tais Ntuj txhiv ntiaj teb. Saum ntuj ub nqes cej ntug. Saum ntuj ub nqes cej ntug. Lub suab seev lub suab ntshu lub suab hom, lub suab seev lub suab ntshu lub suab qeej. Ntuj cov Tshiab ya npoj ntws saum pob tsuas.
1. Tsua Npes Les chaw yug yaj, lub suab hom ntxuag suab seev. Lub hnub qub sab toob fab tau ci tuaj, xa txoj moo saum qab ntuj.
2. Tsua ntshu ntshu tub yug yaj, nyo hau hawm Ntuj Txiv Tub. Lub pob tsua ntxhe suab ntshu tau ceeb toom. Ntuj Txiv Tub ua tsheej neeg.
3. Tsua ci ci zoo Huab Tais, tau yug los cawm Ntiaj Teb. Hauv qhov tsua tug me nyuam lub suab quaj, Ntuj Txiv tub yug los tiag.
 
 

011. LEEJ LO LUS UA NEEG   

(NGÔI LỜI ĐÃ LÀM NGƯỜI- Ca Nguyện)
 
Txais: Leej Lo Lus ua neeg, Nws los nrog peb nyob. Leej Lo lus yug los hauv dab nroj  Npes Les.
1. Thaum ntej yeej muaj nyob thiab nyob pem Tswv Ntuj. Nws yeej los muaj nyob thaum tsis tau muaj ntuj. Paj hli thiab hnub qub ntsais tsia saum ntuj ub. Nws yug ntawm Tswv Ntuj, nws yug los ua tsheej neeg.
2. Nws yog tus yug los ntawm Nkauj Xwb Mab Liab. Caij no lub ntuj tsaug, quaj ua suab vam vos, muaj suab seev. Seev qhuas saum ib nta ntuj siab, cov Tshiab ua zoo siab, xa suab qhuas Yes Xus Pleev.
 

012. NTAWM DAB NROJ

(BÊN MÁNG CỎ - 34 HCĐ)
 
1. Kuv hawm ntawm dab nroj, cia nco txog xyoo thaud. Hmo twg Leej Tub yug, hmo twg ua tsheej neeg, lub hnub qub ci kaj, tso lub ntuj siab cia, qhib kev cawm ntiaj teb, rau txhua leej txhua chaw.
Txais: Yes Xus Koj twb paub, kuv tos lub sij no, tau txhos caug ntawm Koj, cev tag nrho lub siab. Hmo no, txiaj ntsim zoo los puv txhua lub siab, peb txaus siab tos ntsoov, sim neej raws Moo Zoo.
2. Kuv tsis muaj dab tsi, xa rau Tus Me Nyuam. Hauv hmo ntshiab tshaj plaws, Nws los ua tsheej neeg. No kuv lub siab me, zoo li tus neeg ntsuag txhos caug ntawm Huab Tais, xa tas lub siab ntsws.
3. Thov kom zoo li Niam, txhos caug nrog Yos Xes, ua Ntuj tsaug ib txhis, txhiab puas zaj suab seev. Seev yees li suab ncas, nrog Tus Tshiab suab nta, zoo siab qhuas Leej Pleev hmo no los ntiaj teb.
 

013. NTUJ COV TSHIAB HU NKAUJ

(326-NSCTTN)
1. Ntuj cov Tshiab hu nkauj saum ntuj, hu nkauj cav txog Huab Tais Ntuj. Lawv lub suab ncha puv ntiaj teb, qhia cov ntseeg koom suab ua ke.
Txais:         Glo-ri-a in-ex-cel-sis De-o.
Glo-ri-a in-ex-cel-sis De-o.
2. Cov zov yaj, nej mus qhov twg? Vim li cas nej dhia hom khaj? Nej qhia peb paub zaj tshwm sim, peb nrog nej ua ke mus tsham.
3. Nej nrog peb mus Npes Les Hes, xyuas Tswv Ntuj Leej Tub yug los. Peb ua ke txhos caug pe hawm tus me nyuam ntiaj teb neeg tos.
 

014. NTUJ TSAUG XYOO NTAWD

(MÙA ĐÔNG NĂM ẤY- 36HCĐ, 364TCCĐ2010)
 
1. Ntuj tsaug xyoo ntawd, hnub qub ci qab ntuj. Ntuj tsaug xyoo ntawd, Tswv Ntuj Tub yug los. Lub suab nrov ntxhe ntuj cov tshiab hu nkauj. Pe hawm Leej Ob yug los ntiaj teb. Kuv koom nrog cov tshiab hu nkauj zoo siab. Kuv koom nrog cov tshiab hu nkauj zoo siab. Zoo siab Huab Tais hnub yug, Tus muaj koob meej nto moo, yug los: kev hlub thiab siab ncaj ncees.
2. Ntuj tsaug xyoo ntawd, lub suab nkauj lom zem. Ntuj tsaug xyoo ntawd/ raws hnub qub coj kev, cov zov yaj mus/ nrhiav qhov tsua Npes Les. Pe hawm Leej Ob yug los ntiaj teb. Kuv koom nrog cov zov yaj hawm Tswv Ntuj. Kuv koom nrog/ cov zov yaj hawm Tswv Ntuj. Zoo siab kuv Tus Cawm Seej, zoo siab tus muaj hwj huam, yug los: yog hnub pub kev thaj yeeb.
3. Ntuj tsaug xyoo ntawd, tsis nco txog kev txhawj. Leej Niam Mab Liab hlub tshua hawm Leej Tub. Saib Tus Me Nyuam muab lub siab hwm Nws. Pe hawm Leej Ob yug los ntiaj teb. Kuv koom nrog Mab Liab txhos caug ntsia Nws. Kuv koom nrog Yos Xes txhos caug ntsia Nws. Zoo siab  Tswv Ntuj Leej Ob, yog Tus Tswv Ntuj Xa Tuaj, yug los: lub hmoov yuav nco ib txhis. 

015. XA MOO RAU NIAM MAB LIAB

(TRUYỀN TIN CHO ĐỨC MẸ)
 
1. Thaum Tswv Ntuj kom Tus Tshiab xa moo rau Leej Niam, qhuas Niam Mab Liab yog poj Huab Tais txhua txheej ntuj.
Txais: Leej Niam Mab Liab, peb puav leej rau siab hu tiag, sov siab qhuas Leej Niam, peb Leej Niam Mab Liab.
2. Thaum Leej Niam mus saib tus neej tsa Is Xas Ves, ua rau nws tus tub Zam tseem hais tau huv txim.
3. Qhuas Leej Niam yug Leej Tub yog tus cawm neeg plig, yug Yes Xus tseem yuav raug txom nyem vim neeg txhaum.
4. Thaum xa tus Leej Tub Yes Xus hauv Tswv Ntuj tsev, Niam lub zoo siab raug mob xws riam hmuv hno tiag.
5. Peb thov Leej Niam Mab Liab zov peb niaj hnub, tsis tso peb ua txhaum tub qaug koj Tub Yes Xus.
 

016. PEB MUS HAWM- 335NSCTTN

( TRỜI HÂN HOAN- 30HCĐ, 371TCCĐ2010)
Txais: Peb mus hawm peb tus vaj yug los. Peb yuav nqa peb lub siab mus rau nws. Nws pw hauv lub dab nyuj noj zaub. Peb hu nkauj cav txog nws yug los.
1. Ntuj tus tshiab hais rau Mab Liab, “ Koj tau txoj hmoov zoo, koj yuav xeeb tub. Nws lub npe yog Es Mas Lus Es! Nws yuav hu ua Tswv Ntuj Leej Tub.”
2. Mab Liab uas nyiam Tswv Ntuj tas nrho nws hais tias: ”kuv yog Huab Tais txhais txib, thov koj muaj tuaj raws li koj hais.” Nws thiaj txhos caug hawm Leej Tswv Yim.
3. Hmo no Huab Tais Leej Tub yug los. Nyob Npes Les Hes, tsis muaj chaw txais nws. Cov zov yaj xub hnov lub Moo Zoo, lawv mam zeeg mus hawm tus me nyuam.
4. Cov kws txuj kuj tuaj nrhiav Huab Tais. ” Tus Vaj Yus Das yug los nyob qhov twg ? Peb nqa paj tshab, peb tuaj hawm nws.” Lawv pom tus me nyuam lawv khoov pe.
 

017. QAB NTUJ LOM ZEM

(NIỀM VUI THIÊN QUỐC)
 
Hmo no sau qab ntuj sau ua kev lom zem. Suab seev nrov nta laws los qhuas Huab Tais Ntuj. As les lus yas. As les lus yas.
Huab Tais Ntuj hlub u u u... Sau Ntuj tiaj tus rau tej tib neeg ruaj siab. Huab Tais Ntuj hlub u u u...Saum ntuj tiaj tus rau tej tib neeg ruaj siab. 
 

018. QHOV TSUA NPES LES

( HANG BE-LEM 20 HCĐ – 357 TCCĐ2010)
 
Txais: Hu qhuas  Leej Pleev twb tau yug los, Nws tau yug los pw hauv dab nees ntawm qhov tsua.
Hauv tsua Npes Les, pom kev tuaj ci ntsa iab, hnov saum nruab ntug, cov Tshiab hu nkauj tshuab hom. Qeej seev (ntxhe nrov suab seev), tshuab hom (lub suab ntxhe ntxhe) Tswv Ntuj Leej Tub yug los vim peb. Tsoom neeg, (tsuag tsuag tuaj txog) qhov tsua (teb chaws Npes Les) Tswv Ntuj Leej Tub yug los txom nyem.  
Nyem no txog ib nrab hmo Leej Tub yug los, Nws coj koob hmoov, los rau txhua leej ntiaj teb.
1. Qhov tsua Npes Les cov Tshiab hu nkauj, Tswv Ntuj nto moo tib neeg tiaj tus.
2. Qhov tsua Npes Les nees yaj tshuab pa, cia sov Huab Tais pw hauv dab nees.
3. Qhov tsua Npes Les cov zov yaj tuaj, hu nkauj los hawm Leej Tub yug los.
4. Qhov tsua Npes Les hnub qub ci ntsa, qhia kev cov Kws Hnub Qub tuaj hawm.
 

019. THOOB QAB NTUJ LOM ZEM

(CẢ TRỜI ĐẤT VUI MỪNG)
 
1. Thoob plaws neeg hauv lub ntiaj teb zoo siab hu nkauj qhuas hmo no. Vim Yes Xus los hauv ntiaj teb Yes Xus yug hauv ntiaj teb Yes Xus yug ua tib neeg.
Txais: Lom zem ntws qhuas Huab Tais lom zem ntws qhuas Huab Tais  vim hlub Koj los txhiv neeg txim.
2. Yes Xus yug los nrog peb nyob qhia peb sib hlub li Tswv Ntuj. Vim Tswv Ntuj yog txoj kev hlub, Nws hlub peb Nws yug los, Nws yug los cawm peb txoj sia.
3. Kev vam meej thiab kev zoo siab yog peb tug Tswv uas Cawm Seej. Foom koob hmoov thiab xa duab ci los rau peb txhua qhov chaw, thoob plaws hauv lub qab ntuj.
 

 

 

020. TSWV NTUJ CAWM NTIAJ TEB

(CHÚA CỨU THẾ GIÁNG SINH)  
 
1. Tswv Ntuj cawm ntiaj teb yug los, peb zoo siab hmo no peb txhos caug tuaj ntawm no. Hawm peb tus Huab Tais Ntuj. As les lus yas. As les lus yas. As les lus yas.
2. Peb tus Huab Tais Yes Xus Pleev, cawm ntiaj teb hlub peb. Los nrog peb nyob ua ib ke. Lub moo nto teb chaws Npes Les. Aw! Hauv Nroog Npes Les tau zoo siab, peb tau lub moo Yes Xus tau yug. As les lus yas. As les lus yas.
 

021. TSWV NTUJ HLUB TIB NEEG

(CHÚA THƯƠNG LOÀI NGƯỜI -39HCĐ, 254TCCĐ)
 
1. Peb mus, nrhiav Tswv Ntuj Tub yug los, Nws yug rau lub caij nyoog ntuj no. Peb mus, nrhiav Tswv Ntuj Tub yug los, leej twg paub Nws yug los qhov twg.
Txais: Tswv Ntuj khuv leej, khuv leej tib neeg, Npes Les yog chaw Nws yug. Tswv Ntuj khuv leej, khuv leej tib neeg, Npes Les yog chaw yug los.
2. Tswv Ntuj cas Koj tsis nyob pem ntuj, ho yug ua neeg txom nyem li peb. Tswv Ntuj cas Koj tsis nyob pem ntuj, ho los ntiaj teb txom nyem ua luaj.
3. Muaj ntau lub tsev zoo ci ntsa iab, Koj ho xaiv nyob qhov tsua tsw ntxhiab. Muaj ntau lub tsev zoo ci ntsa iab, cas Koj pw saum nroj hauv qhov tsua.
 

022. TSWV NTUJ LEEJ TUB YUG LOS

(CON CHÚA GIÁNG SINH)
 
Txais: Nyem no peb twb tsis paub, yuav muab dab tsi coj los tos. Tswv Ntuj Leej Tub yuav yug los. Hmo no peb twb tsis paub, npaj dab tsi coj los tos Huab Tais Tswv Ntuj Leej Tub. Peb yuav npaj Huab Tais Ntuj txoj xub ke. Kev nkhaus peb tau kho txhua kom ncaj. Qhov hav qes peb tau kho kom tiaj tus.
1. Nyiaj kub los peb twb tsis muaj. Paj hmoov xyab peb twb tsis muaj. Tshuaj tsw qab los tsis muaj. Cev rau Koj Tswv Ntuj Leej Tub.
2. Ntawm no yog Cawv thiab Ncuav mog. Yog qoob loos khwv nce khwv nqes. Muab coj los cev rau Koj. Koj txais mus zoo peb lub siab.

 

MÙA CHAY

 

023. CAS KOJ TSO KUV

SAO CHÚA BỎ CON - Tv 21
(81 HCĐ, 391 TCCĐ 2010, NPN 22, NSCTTN 17)
 
Txais: Kuv tus Tswv Ntuj! Cas Koj tso kuv tseg? Kuv thov Koj npaum twg los Koj tsis teb kuv.
1. Nruab hnub kuv hu Koj los tsis hnov Koj teb, thaum tsaus ntuj Huab Tais! Kuv tseem nyob nov thov Koj.
2. Tas peb cov yawg koob lawv tso siab rau Koj, lawv quaj  qw hu Koj lawv tau txais kev cawm dim.
3. Txoj hmoo ntau kev nyuaj lawv co hau hnyos kuv: “Nws nyiam Huab Tais Ntuj cia Huab Tais npo Nws dim”.
4. Koj tso kuv pw tus yees hauv niam xub ntiag thaum kuv tau yug los Koj txhais tes twb nres kuv.
5. Pab tsiaj sawv ncig kuv rua ncauj yuav tom kuv, Koj txhob nyob deb kuv vim tsis muaj neeg pab kuv.
 
 

024. HMOV NYIAM NTOO CUAM

(HƯƠNG TÌNH THẬP GIÁ – 13 CA NGUYỆN)
 
Txais: Aw Yes Xus hneev taw tsuj xyeem hauv hluav xyab. Koj tshais ruam lam lug saum kev, txhua leej zoo siab soj qab taug Koj lw, nco txog kev cog lus mus pem ntuj siab, Tswv Ntuj yog qhov zoo. 
1. Ntsia saum Ntoo Cuam, Huab Tais Yes Xus tuag, pauj rau neeg ntiaj teb, ntshav txhiv cawm rau peb. Ntsia Tus Yaj Ntshiab, vim Yes Xus hlub peb, tuag rau neeg ntiaj teb, mloog lus txog thaum tuag.
2. Ntsia saum ntoo cuam, pom Nws txoj kev hlub, Nws hlub tshua sawv daws, hlub peb mus ib txhis. Ntsia Tus Yaj Ntshiab Nws nthuav tes tos ntsoov, sawv daws lub siab tig rov los nyiam Tswv Ntuj. 
3. Kev kwv ntoo cuam, nto koob meej ciaj sia, lub siab ntseeg kaj nrig, hauv Tswv Ntuj teb chaw. Sawv daws siab hmov raws qab tsi ncaim li, thiab lub zog Nws pub, xa lub siab rau Ntuj.
 

025. KEV SIB THAM

(NIỀM TÂM SỰ  Tg : Anh Linh)
 
Txais: Yes Xus hlub peb lo lus hais tsis kawg, Yes Xus hlub peb Nws yug los ntiaj teb. Yes Xus hlub peb Nws pub Nws Lub Cev, cia yug rau peb hnub tseem nyob ntiaj teb.
     Kuv yog tsob txiv, nej yog cov ceg, ceg twg npuab ntawm tsob ntoo, nws tawg paj txi txiv. Ceg twg tsis npuab yuav tsum qhuav mus. Nej yuav sib koom ntawm Kuv kev hlub.
     Kuv cov me nyuam uas Kuv hlub tshua, Kuv pub txoj kev thaj yeeb rau nej. Kho siab dab tsi Kuv cov me nyuam, nej ntseeg Kuv Txiv, kuj yog nej Leej Txiv thiab.
     Sib hlub thiaj yog Kuv lo lus qhia, sib hlub xws li Kuv twb hlub nej. Cia lub ntiaj teb tau paub tias, nej yog Kuv cov thwj tim tseeb tiag.

026. KUV TIG ROV LOS

(CON NAY TRỞ VỀ - 54 HCĐ)
 
1. Kuv tig rov los, rov los nrog Koj! Tswv Ntuj. Kuv tig rov los, lub siab mob siab ntxub txim. Xav hauv kuv lub siab ntseeg tau ua ntau yam tsis zoo, kuv mus yuam kev, no kuv rov los sib hlub tiag.
Txais: Koj yog Tswv Ntuj lub siab zoo thiab hlub neeg txhaum, Koj tsim tau kuv tsis muaj hnub cia kuv ploj mus. Vim yog hmoov av kuv lub neej thiaj li qaug zog, coj mus txoj kev zoo txiaj ntsim tseem ceeb ib txhis.
2. Kuv tig rov los, rov los ib rooj teb tshiab. Kuv tig rov los, los ntawm txoj kev tseem ceeb. Muaj dej ntws los nplua mias, tsis muaj nplooj paj zeeg nphob, nplej tsw ha ntxiag thiab txiv qab muaj ntau tshaj plaws.
 
 

027. KUV TXIV YOG KHEEV LAM

(LẠY CHÚA NẾU CÓ THỂ - 75 HCĐ, 287 TCCĐ)
 
Txais: Kuv Txiv yog Koj kheev no, thov kom lub ntim no, hla mus deb ntawm Kuv, txhob ua raws Kuv xav, tiam sis kom ua raws li Koj xav thaum ntej.
 1. Koj tsis yuav cov tsiaj txi, thiab txhiam xws tuaj txi rau Koj, Kuv thiaj tias Koj saib Kuv tuaj cuag Koj, txi tas Kuv lub neej.   
2. Tej hauj lwm zoo Koj siab, Kuv ua tiag nyiaj kom ua tiav. Vim Kuv tsis tuaj ua raws li Kuv xav, tab ua raws Koj siab xav.
3. Ua cas Koj tso Kuv tseg, thaum yeeb ncuab puv nkaus ntawm Kuv, nyem no kuv tso tag nrho Kuv txoj sia, rau hauv Koj txhais tes.
 
 
 

 

028. LUB SIAB TSHIAB

(TRÁI TIM MỚI - 37 MC & PS A)
 
Txais: Thov Tswv Ntuj pub kuv muaj siab tshiab, cia nyiam Tswv Ntuj  ib sim neej, thov pub rau kuv lub tswv yim tshiab, cia kuv ua raws Koj siab xav.
1. Thov muab cov dej ntshiab, ntxuav kuv tej txhaum huv si. Thov tig hloov kuv siab, ntau xyoo qhuav cuag roob zeb. Thov tso Ntuj Plig Ntshiab los hauv peb siab. Thov pub los rau peb lub siab tshiab tuaj .
2. Thov coj kuv rov los, txog lub chaw uas tau zoo. Leej Txiv txoj kev hlub, kuv yuav thov pe hawm Koj. Kuv yog Koj haiv neeg, Koj yog Huab Tais. Kuv tuaj yeem hmov tshua Koj tsis tso tseg.
 
 

029. NIAM SAWV NTAWM NTOO CUAM

( Hát Khi ngắm 14 đàng Thánh Giá )
 
1. Thaum Niam nyob ze ntawm tus ntoo cuam. Saib Tub dai saum lub siab ntuag rhe ob tee kua muag poob ntawm ntiag.
2. Mob siab nyuaj siab quaj nyiav tub siab. Kua muag xyaw ntshav poob los ntawm ntiag, xws li riam thiab hmuv hno Koj siab.
3. Leej Niam yug Huab Tais Yes Xus Pleev, thaum ub Yes Xus Pleev muaj txiaj ntsim,   nyem no Nws raug kev txom nyem.
4. Leej twg siab tawv xws li pob zeb. Pom Niam raug mob nyuaj siab npaum no, tsis los kua muag tsis nyiam quaj.
5. Leej twg siv pom ntsoov poj Huab Tais. Thiab Leej Tub raug kev nyuaj siab npaum, siab twg tseem tawv tsis muag nyoos.
6. Niam saib Tub khuv leej neeg tus plig, vim neeg muaj txim Nws thiaj nqaij ntuag, ntshav los txha tawm txog thaum tuag.
7. Leej Niam tsim nyiam tsim qhuas npaum twg, tso siab cia peb mob siab ntxub txim, yeem tuag tsis kav tub qaug Koj.
8. Thov muab kev hlub rau kuv lub siab. Paub nyiam Tswv Ntuj tas lub siab ntsws, txawm nyuaj npaum twg tseem ruaj siab.

030. NTOO CUAM KEV HLUB

(TÌNH YÊU THÁNH GIÁ - 430 MC & PS, C)
 
1. Txoj kev hlub twg xws Tswv Ntuj kev hlub, twb ib zaug kwv ntoo cuam mus yeem txais kev iab kev khwv. Txoj kev hlub twg xws Tswv Ntuj hlub kuv, twb ib zaug, lub cev raug tuag. Yes Xus! Kuv paub Koj txoj kev hlub yam hiav txwv, xws tus dej, roob siab, yam li ib kob nag los ywg txhua leej mus li. Koj twb mus raug tuag, cia kuv tau nyob zoo, cia kuv tau kaj siab, Tswv Ntuj hlub peb tsis kawg.
Txais: Thov cev kuv lub siab rau ntawm Tswv Ntuj, mus nrhiav kev hlub hauv ib lub cim, txhib kuv lub siab uas kuv hnov qab. Cia! Kuv nrog Koj mus, kwv tus ntoo cuam, hmov tshua txhua leej, hauv kuv lub neej, tso siab rau Koj  tsuas li lawm xwb.
2. Txoj kev hlub twg, thaum Koj tau hla dhau, hauv Koj lub neej uas Koj taug, tag kis txog thaum tsaus ntuj. Txoj kev hlub twg coj Koj txog Kas Ves, xwb pwg yuag kwv ntoo cuam hnyav. Yes Xus! Kuv twb paub lawm, Koj lub siab nyiam kuv, los txais kev txom nyem, coj lub neej pluag txog thaum tuag,  txom nyem, txom nyem. Hauv kuv lub neej no, kuv tos ntsoov ua lub neej zoo li Koj ua, pub kev hlub rau tib neeg.
3. Tswv Ntuj txoj kev hlub ruaj nreb mus li, tseem puv npho hauv neeg nruab siab, Tswv Ntuj Koj puas yuav paub, vim Koj kev hlub ci ntsa iab hauv qhov tsaus ntuj nti, hauv txoj kev txhaum. Yes Xus! Kuv twb paub lawm sim neej no tau zoo, yog thaum muaj kev hlub peb lub siab sau nyob ua ke sib hlub sib pab. Koj hlub xws cag dej coj txiaj ntsim los ywg tej lub siab qaug zog, siab ntshaw kev ntseeg ib txhis.

031. QHIB PLHO (TP. CV Chiv txhais)

(EPHATA – 49 MC & PS NĂM A)
 
1. Tswv Ntuj qhib kuv qhov muag paub zoo Koj tej dej num. Ntuj ntsuab hnub qub ntsais tsias txhua yam paj thiab tsiaj txhu toj roob twg txhim tsa tau dej ntev cuag li hiav txwv. Paub tias Tswv Ntuj hlub peb ua cas kuv yuav tsis paub.
Txais: Es Fas Tas yuav qhib, qhib lus. Es Fas Tas yuav qhib los. Es Fas Tas. Es Fas Tas.
2. Tswv Ntuj qhib kuv txhais tes txuas rau txhais tes cov pluag. Kev hlub xa qhov txhua chaw rau neeg dhau kev tsaus ntuj phooj ywg! Nthuav ob txhais tes, tos txais neeg ntsuag ntiaj teb. Tseeb Koj tuaj saib xyuas peb ua cas kuv yuav tsis paub.
3. Tswv Ntuj thov qhib kuv ncauj seev qhuas Koj txoj kev hlub. Tswv Ntuj qhib kuv qhov ntsej los mloog lus pub txoj sia Tswv Ntuj, coj kuv txhais taw nce toj thaum ub Kas Ves. Txoj kev Koj twb mus dhau muaj Koj kuv ntshai dab tsi.
 

032. SAUM ROOB KHAUJ KHAUM TAUB HAU

(TRÊN ĐỒI NÚI SỌ)
Txais: Peb yuav mus saum roob, lub roob lawv ntsia Yes Xus. Yog leej twg muaj siab tshiab, yuav nce los sij yooj yim. Yog leej twg muaj siab tshiab, yuav nce ua ntej mus txog.
1. Leej twg raug kev khwv, nyob hauv lub caij sawm khwv. Yuav muaj nyob ib txhis, yuav muaj nyob ib tiam. Nrog Tswv Ntuj pem Ntuj, mus Tswv Ntuj teb chaws.
2. Leej twg raug kev nyiav, kua muag los yog vim Kuv. Yuav muaj hnub tau zoo, yuav muaj hnub tau luag, luag ntxhi nyob pem Ntuj, hwm Tswv Ntuj xwb os.
3. Leej twg muaj siab kwv, Ntoo Cuam mus dhau ntiaj teb. Yuav pom Huab Tais Pleev, yuav nrog Huab Tais Pleev, noj nyob xyiv fab lug, hawm Tswv Ntuj nruab ntug.

 

033. SAUM TXOJ KEV ROV LOS

(TRÊN CON ĐƯỜNG TRỞ VỀ -53 HCĐ, 302TCCĐ)
 
1. Saum txoj kev rov los, hnov lub siab ntxhov hnyo. Saum txoj kev rov los, kuv mob siab ntxub txim. Cia li rov qab los, los nrhiav qhov nto moo, txawm lub neej hnyav los yuav sib yam noog ya.
Txais: Kuv thov rov los, nrog Leej Txiv Tswv Ntuj. Kuv thov rov los, mob siab kuv tej txhaum. Kuv thov rov los, nrog Leej Txiv Tswv Ntuj kuv thov rov los, muab txhaum tso pov tseg.
2. Saum txoj kev rov los, thov txhob ua txhaum lawm. Saum txoj kev rov los, mob siab tso kev txhaum. Rau siab ntso rov los,  Tswv Ntuj tseem tos hlub, tseem hlub peb ib txhis, ntuj teb thiaj haum xeeb.
 

034. SIJ RAUG TUAG

(GIỜ TỬ NẠN - 289 TCCĐ, 93 HCĐ)
1. Lub qab ntug ntiaj teb tsaus, cov huab aw cia roos lub ntuj siab. Nruab hnub nrig cia tsaus ntais. Leej Tub Nws ris ntau kev txom nyem.
Txais: Aw! Vim kuv Yes Xus Nws raug tuag. Kuv mob siab ntsia lub ntuj lees txhaum. Thov pab kuv qhia kev tshiab kuv mus, txij no mus nyiam Tswv Ntuj tas zog.
2. Lub hav dej nres txhob ntws, thiab tus dej ntsiag to tsis txhob ntshu. Cov cua aw txhob ntxuaj ntxiag. Vim Leej Pleev tsis muaj ib daim hnav.
3. Tej rooj ntxas cia qhib los, cov ntshiab dua nra lub cev sawv rov los. Lub ntiaj teb ntsia ib pliag. Huab Tais Pleev tuag dai ncuv pem roob. (Câu ghạch chân, mỗi chữ = 1 phách đen).
4. Daim ntaub roos dua phua rhe. Tej toj roob siab txij huab tawg tas. Zeb ib txhis nyob tsis ruaj, Ntuj Leej Tub txoj sia tu saum roob. 
 

035. SUAB SEEV NCHA QHUAS

(VANG LỜI TỤNG CA - 304 TCCĐ, 65 HCĐ)
 
Txais: Haiv neeg Hes Nplaws tes tuav paj nplooj zoo siab. Zoo siab qheb suab seev qhuas. Zoo siab, zoo siab, zoo siab Das Vis Leej Tub. Foom qhuas Tswv Ntuj nto npe tuaj txog.
1. Hnub no Nws mus tsheej ntshiab, yuav npuaj tes zoo siab. Txhua xeem qhib suab seev qhuas, moo xa Huab Tais ntuj teb. Tswv Ntuj kav puas tsav yam, yog Txiv muaj hwj chim yeej, cav lus zoo txog Tswv Ntuj hwj chim nthuav dav.
2. Nrov ncha suab qeej kev hlub, txhua qhov saum nruab ntuj, ntiaj teb nrog koom suab seev, sawv daws hu qhuas Tswv Ntuj, thov xa txhiab puas lus hawm. Koj puas paub kuv kev hlub, txais lees, txhua yam, qhuas Tswv Ntuj saum ntuj siab.

036. THOV QHIB LOS

(EPHATA - 49 MC & PS NĂM A)
1. Tswv Ntuj/ qhib kuv qhov muag/ paub ntsia/ txhua yam Koj tsim. Ntuj ntsuab/ hnub qub ntsais tsia/ txhua yam/ paj thiab tsiaj txhu./ Leej twg/ txhim tau toj roob/ dej ntev hiav txwv loj dav. Paub tias/ Tswv Ntuj hlub kuv/ ua cas/ kuv ho tsis paub?
Txais: Es Fas Tas! Qhib plho, qhib plho. Es Fas Tas ! Cia li qhib. Es Fas Tas! Es Fas Tas!
2. Tswv Ntuj/ nthuav kuv txhais tes/ tuav rau cov pluag txhais tes. Pub kev/ hlub rau tib neeg/ txhua chaw/ dhau kev tsaus ntuj. Phooj ywg! Nthuav ob txhais tes, tos txais/ neeg ntsuag ntiaj teb. Huab Tais/ twb tuaj saib koj/ ua cas koj ho tsis paub?
3. Tswv Ntuj! Qhib kuv lub ncauj/ cav txog Koj txoj kev hlub. Tswv Ntuj! Qhib kuv pob ntseg/ mloog cov Lus muaj Txoj Sia. Tswv Ntuj! Coj kuv nrog Koj/ mus pem lub roob Kas Ves. Txoj kev/ Koj twb mus dhau/ muaj Koj tsis ntshai dab tsi.

037. THOV TSWV NTUJ ZAM TXHAUM

(353- NSCTTN) 
1. Kuv tau ua txhaum rau koj lawm os, Huab Tais Tswv Ntuj, kuv tu siab kawg kuv cov txhaum nyob ntawm kuv xub ntiag, thov koj txhob ntsia, koj cia muab daws. Kuv tau ua tsis ncaj rau koj lawm thov koj ntxuav kuv qhov uas tsis ncaj. Kuv ua txhaum lawm, koj yaug kuv cov txhaum, kub lub siab thiaj li yuav rov kaj.
2. Huab Tais Tswv Ntuj thov Koj tsis txhob ntiab. Koj tsim dua ib lub siab huv si coj los hloov kuv lub siab qub. Koj tsis txhob thau Koj lub tswv yim ntshiab mus deb ntawm kuv lub siab ntsws. Koj tsim dua ib lub tswv yim thoob tsib los cog rau hauv kuv lub siab ntsws.
3. Koj lub siab zoo, thov Koj cawm kuv kom kuv rov paub txoj kev lom zem. Kuv lub ncauj yuav cav txog Koj lub npe rau txhua haiv neeg nyob hauv ntiaj teb. Kuv yuav qhia txog Koj txoj kev zam rau cov neeg txhaum, cov neeg yuam kev kom lawv tig rov los qab los cuag Koj cav txog Koj lub npe tas ib sim.
 

 

038. TSWV NTUJ KHUV LEEJ

(LẠY CHÚA- 57 HCĐ)
Txais: Tswv Ntuj khuv leej hnov kuv suab txom nyem: kuv tuaj vam  Tswv Ntuj, kuv thov Tswv Ntuj kho kuv siab huv si, Tswv Ntuj pab kuv mob siab tej kev txhaum, cia yav tom ntej kuv taug Tswv Ntuj kev mus xwb.
1. Kuv tus plig tau ua ntau kev txhaum. Tswv Ntuj khuv leej tos ntsoov kuv. Cia kom kuv rov mob siab ntxub txim. Tuav ruaj siab los nrog Tswv Ntuj .
2. Thov Tswv Ntuj zoo siab mloog kuv lus: pab rau kuv txij no sau siab. Kuv siab ncaj mus txog txoj sia tu, yog txoj kev mus cuag Tswv Ntuj.
3. Ntxuav kuv lub cev thiab tug plig mus: poob qaug hauv txoj kev ua txhaum. Thov Tswv Ntuj dauv muag los saib kuv. Cia ntiaj teb los nrog Tswv Ntuj.
 

039. TXOJ KEV HUAB TAIS MUS DHAU

(CON ĐƯỜNG CHÚA ĐI QUA - 76 HCĐ)
1. Huab Tais txoj kev twg Koj twb mus dhau, txoj kev twg Koj txog chaw tuag, kauj pos twg los chob Koj mob? Huab Tais, ntoo cuam twg Koj xwb pwg kwv, kev mob twg nyob hauv nruab siab? Txoj kev hlub Koj pub rau kuv.
 Txais: Huab Tais thov cia kuv nrog nraim Koj mus. Thov cia kuv tau nrog Koj kwv, ntoo cuam hauv kuv sim neej mus (kuv sim neej mus). Huab Tais, thov cia kuv raug ntsia nrog Koj, thov cia kuv tau tuag nrog Koj, li tau ciaj nrog Koj ua ke.
2. Huab Tais, rab hmuv twg hno Koj lub plawv, ntsia hlau twg los lo ntshav tas, kev thuam tseem cim rau ntsiab muag? Huab Tais, lub chaw twg qaug mob ntsim tshua, pes tsawg nplawm tseem siav zoj li? Txoj kev hlub Koj pub rau kuv.

040. YES XUS CAWM NEEG

(CHÚA CỨU LOÀI NGƯỜI)
1. Txhua niaj txhua xyoo kuv tsis paub xyov yog li cas. Txog xyoo no thiaj li paub tseeb Ntuj Leej Tub tau txom nyem los txhiv kuv tej txim.
Txais:  Aw! Yes Xus yog tus los cawm kuv txoj sia. Aw! Yes Xus txom nyem los cawm neeg ntiaj teb. Puas yuav muaj leej twg suav tau Koj txoj kev txom nyem.
2. Kuv tus Yes Xus thov pab kuv txawj khwv nrog Koj. Thov cia kuv txawj ua tim khawv, tso yus tseg raws li thaum Koj raug tas tsoom sim.
 

041. YES XUS UA HUAB TAIS

(HOAN HÔ VUA GIÊSU - 79 HCĐ)
1. Yes Xus, muaj kev yeej, Yes Xus muaj koob meej. Nws yog Huab Tais kav ntuj kav teb. Yes Xus, muaj kev yeej, Yes Xus muaj koob meej. Nws yog peb txhua txhia tus Huab Tais.
Txais: Zoo siab Vaj Yes Xus, zoo siab Vaj Yes Xus, Nws tuaj txog kav thoob plhawv qab ntuj. Zoo siab Vaj Yes Xus, zoo siab Vaj Yes Xus, Nws tuaj txog saib xyuas kuv tus plig.
2. Nws yog Ntuj Leej Tub, loj tshaj tsoom Huab Tais, tsoom neeg Ntshiab hu nkauj qhuas txog Nws. Nws yog Huab Tais tiag, Nws nyob muaj hwj chim, tag ntiaj teb cav txog Tus Huab Tais.

PHỤC SINH

 

042. YUAV SAWV LOS

(HÃY CHỖI DẬY- 122 HCĐ, 383 TCCĐ)
 
Txais: Yuav sawv los tej uas tsaug zog, yuav sawv los thaum uas tuag. Tswv Ntuj yuav tsom ci ntsa iab rau saum nej.
1. Tej xyoo dhau lawm ntiaj teb xij nrhiav nyob hauv txoj kev txhaum, nyem no Tswv Ntuj coj peb los peb yuav taug txoj kev ci ntsa.
2. Seev ua ib ke ua ib suab thov qhuas tib tus Tswv Ntuj. Sawv daws thooj ib siab ib ntsws tib lub siab ntseeg sib hlub hmov.
3. Saib pem ntuj siab tsis txhob mus nrhiav tej txoj kev ua txhaum, peb yuav tau Tswv Ntuj txiaj ntsim koob hmoov nyob hauv hnub txhiv peb.
 
 

043. HUAB TAIS MUS SAUM NTUJ

(CHÚA VỀ TRỜI CON ĐI - 442 TCCĐ2010)
 
Txais: Cov neeg Nkas Lis Lais, ua cas tseem sawv tsa muag saib Yes Xus nce ntuj. Hnub kawg Nws rov los saum cov huab ci ntsa iab, li hnub no Nws mus pem ntuj.
1. Nws nce ntuj, kuv mus lub ncauj seev suab tshaj  Moo Zoo txhua chaw, sim neej nrog Yes Xus mus, tsis ntshai txhiab puas txoj kev, tseb txoj kev hlub.
2. Nws nce ntuj, kuv mus txog txhua qhov, tshaj Nws Cov Lus thaum ub. Sim neej  tuaj yeem txom nyem, ntseeg Tswv Ntuj saum txheej ntuj, saib xyuas nraim peb.
3. Nws nce ntuj, kuv coj tus ntoo cuam sawm khwv nce roob ntshav thaud, mus dhau lub neej txom nyem nrog Tswv Ntuj mus saum ntuj, zoo siab npaum twg.
 
 

044. HUAB TAIS ROV CIAJ

(CHÚA ĐÃ SỐNG LẠI -100HCĐ,428 TCCĐ2010)
 
Txais: Yes Xus rov ciaj lawm tiag, Yes Xus rov ciaj lawm tiag sawv daws hu nkauj zoo siab. Yes Xus rov ciaj lawm tiag, Yes Xus tiv yeej kev tuag nto meej nto moo ib txhis.
1. Yes Xus hla dhau kev tuag, nyem no txais lub koob meej, yog hnub Ntshiab zoo siab, Ntuj lub txiaj ntsim puv npho, pub los rau neeg ntiaj teb, sawv daws cav txog Nws.
2. Tswv Ntuj txiaj ntsim puv npho, kev hlub loj dav tshaj plaws, Nws raug txom nyem ntau, kom cov tib neeg txom nyem tau txais lub neej txoj sia, tau zoo mus ib txhis.
3. Sawv daws txhua qhov chaw tuaj, sau ua ke cav txog Nws, qhuas Tus Yaj nto moo. Txhua leej thooj siab koom ntsws, sawv daws koom ib lub suab, tas siab hu qhuas Nws.
4. Txhua hnub raws Huab Tais mus, txawm txoj kev nyuaj tshuav ntev, yuav tsis thim rov qab. Tuaj yeem nyiaj kev txom nyem, cia hnub kawg sawv rov los, nyob hauv Huab Tais Ntuj.
 

045. KWV TIJ NEEJ TSA CAV TXOG HUAB TAIS

 ANH EM CA TỤNG CHÚA (303 NSCTTN)
 
1. Huab Tais ntuj teb. Huab Tais ci kaj hnub no rov ciaj lub cev ci kaj. Ua li cov tub thiab tej me ntxhais zoo siab xyiv fab.
Txais: Zoo siab xyiv fab lub siab xyiv fab, zoo siab xyiv fab.
2. Tag kis hnub xya pom kev zuj zus mas tej thwj tim nco dheev Yes Xus khiav tuaj huv si. Saib Nws lub ntxa zoo siab xyiv fab.
3. Tus Mab Liab Mas Ntas Lis Las, thiab Mab Liab uas yog Yas Kos niam. Coj zoo tshuaj tuaj pleev Yes Xus cev zoo siab xyiv fab.
4. Tus Tshiab hnav zam ib cev dawb paug, sawv ntawm qhov ntxa hais cov poj paub. Yes Xus rov ciaj dua Nkas Lis Les lawm zoo siab xyiv fab.
5. Zam tus thwj tim hluas dua ib ntsis, dhia tau sai dua Pob Zeb thwj tim, tuaj txog Yes Xus qhov ntxa ua ntej zoo siab xyiv fab.
6. Thaum tej thwj tim tseem nyob tsev tos, Yes Xus tawm los nyob hauv nruab nrab hais tej zoo lus kaj lug rau nej zoo siab xyiv fab.
7. Tus Dis Dws Mos tsis ruaj siab ntseeg, tsis ntseeg Yes Xus rov ciaj los lawm, vim tsis pom ntsoov thiaj li tsis ntseeg zoo siab xyiv fab.
8. Yes Xus thiaj hais rau Tos Mas tias: koj saib kuv phab tav tes qhov txhab koj txhob ua neeg tsis ntseeg ntxiv mog zoo siab xyiv fab.   
9. Thaum tus Tos Mas pom dheev phab tav, thiab xuas Yes Xus tes taw qhov txhab, thiaj hais Yes Xus yog kuv Tswv Ntuj zoo siab xyiv fab.
10. Zoo rau tej tus tsis tau pom ntsoov, mas  ntseeg ruaj nrees Tswv Ntuj tej lus, li tau rov ciaj ib txwm ci kaj zoo siab xyiv fab.
11. Lub thaj txi ntuj no txaus dua ntais, siab yuav xyiv fab thiab hu qhuas cav txog Huab Tais Yes Xus lub hwj chim zoo siab xyiv fab.
12. Peb sawv daws yuav muaj siab yau zog, kom peb lub siab zoo siab ntseeg tiag, ua Tswv Ntuj tsaug li tej txiaj ntsim zoo siab xyiv fab.
 
 

046. PEB YUAV ZOO SIAB

(NÀO TA HÃY MỪNG VUI -104 HCĐ, 318 TCCĐ)
Txais: Sawv daws yuav zoo siab, Huab Tais yeej kev tuag lawm, txoj sia tshiab ci ntsa zoo kawg. As les lus yas. Sawv daws yuav zoo siab Huab Tais rov ciaj lawm tiag, thiab Ntshav Ntshiab  ntxuav huv tej txhaum. As les lus yas.               
1. Huab Tais Tus Ntoo Cuam tsa siab cawm neeg, cia ntiaj teb tib neeg tau txais txiaj ntsim.
2. Sia ciaj twb pib rau hauv kev txom nyem, txiaj ntsim twb qhib los rau cov nyuaj siab.
3. Kwv Ntoo Cuam nrog Nws txhua qhov txhua chaw, hnub kawg yuav tau txais koob hmoov pem ntuj.

 

047. TUG CAWM SEEJ YES XUS 

(ĐẤNG CỨU THẾ SỐNG LẠI)
1. Tus Cawm Seej Yes Xus nqes mus txog hauv ntuj txias teb tsaus. Hnub no Nws tau ciaj rov los peb zoo siab ua Tswv Ntuj tsaug. Vim Nws tiv dhau txoj kev tuag, vim Nws tiv dhau txoj kev tuag.
As les lus yas.  As les lus yas.
2. Nws tau ciaj sawv rov los, Nws ciaj rov los. Peb ib tsoom niam txiv kwv tij neej tsa sawv daws. Zoo siab los nrog peb tau hawm Huab Tais Yes Xus yog Tus Cawm Seej. Yog leej twg los cuag los ntseeg, yog leej twg los cuag los ntseeg hu Nws ua Tswv. Hnub tom qab tau ciaj raws li Yes Xus Pleev Tus Cawm Seej. Tus Cawm Seej Zoo Yes Xus Zoo Yes Xus Zoo Yes Xus.

048. YES XUS MUS UA NTEJ 

(CHÚA ĐI TRƯỚC)
1. Yes Xus hais rau peb tias, cia Nws ua ntej mus txog. Nws li nrhiav chaw rau peb, Yes Xus nws coj peb mus, txog lub roob Nkas les lais . Yes Xus foom hmoov rau peb.
Txais: Nce mus rau saum ntuj ntsuab, nce mus rau saum lub qaum ntuj. Yes Xus tseg lus rau peb, muaj hnub nws yuav rov los.
2. Yes Xus nws nce pem ntuj, txog saum ib nta huab dawb, Yes Xus nws khuv leej peb. Yes Xus nws tso peb tseg, mus cuag Leej Txiv siab zoo, Nws mam los coj peb mus.
 
 

049. YES XUS NCE NTUJ

(CHÚA LÊN TRỜI)
1. Yes Xus nce pem Ntuj, pem lub roob Nkas Lis Lais. Ntawm tej thwj tim xub ntiag nce ntuj. As les lus yas. As les lus yas. As les lus yas. As les lus yas.
2. Ntuj cov Tshiab tshuab hom pem lub roob mus pem Ntuj. Tej thwj tim txhos caug ntsia, ci ntsa Leej Txiv thiab Leej Tub thiab Leej  Ntuj Plig. Tswv Ntuj Peb Leeg Ib Tug nyob saum ntuj saib ntiaj teb, txog ntuj puas teb ntsoog.
 

050. YES XUS SAWV ROV LOS 1

(CHÚA PHỤC SINH - 113 HCĐ)
Txais: Yes Xus, Nws ciaj lawm tiag. As les lus yas, As les lus yas.
1. Nws sawv hauv cov tuag rov los. As les lus yas, As les lus yas. Kev zoo siab ncha thoob txhua qhov.
2. Nws yeej thoob ntiaj teb kev txhaum. As les lus yas, As les lus yas, txhua leej neeg txais txiaj ntsim txhiv.
3. Nws ci ntsa iab kaj lug tuaj. As les lus yas, As les lus yas, qhia kev peb mus txog Tswv Ntuj.
 
 

051. YES XUS SAWV ROV LOS 2

(CHÚA SỐNG LẠI)
1. Huab Tais Yes Xus yog Leej Pleev tau rov ciaj. Huab Tais Pleev tau ci ntsa rov ciaj los. Qhov rooj ntug qheb dav fo tos ntiaj  teb. Peb xyiv fab Huab Tais Pleev lub cev nrog,  tus plig rov nyob ua ke rov ciaj los.
(As les lus yas. As les lus yas.  As les lus yas)2
2. Huab Tais Pleev tas hnub nyoog cawm ntiaj teb li tib neeg. Vim Leej  Txiv tso dej num rau Yes Xus/ txog hnub no Nws twb tiv dhau qhov tuag ci ntsa iab rov ciaj los. Ci kaj lug ntawm Leej Txiv thiab Leej Tub Leej Ntuj Plig. Peb Leeg ib tug Tswv Ntuj tiag ib txwm nyob.
(Ua li) 3 

052. ZOO SIAB ROV CIAJ

(HOAN CA PHỤC SINH - 93 MC & PS- TCCĐ 314)
 
Txais-A: Poj Mab Liab aw! Taug kev koj pom dab tsi, taug kev koj pom dab tsi, thov koj hais rau peb mloog, thov koj hais rau peb mloog.
 1. Kuv yog kuv pom ntsoov, Huab Tais Pleev Nws lub ntxa, Nws ciaj rov los, tawm dhau qhov ntxa lawm. Nws tseem ciaj tseem nyob muaj koob nto moo lug.
2. Kuv yog kuv pom ntsoov, Leej Tub txhiv Nws pab yaj, Huab Tais PLeev tsis txhaum, zam txhaum rau tib neeg, zam txhaum neeg nrog Tswv Ntuj, Tswv Ntuj yog Leej Txiv.
3. Kuv yog kuv pom ntsoov, kev ciaj kev tuag sib txeeb. Nyob hauv txoj kev sib tw. Thiab Tus Thawj txoj sia, txawm yog uas tuag lawm los, tab Nws ciaj rov los, ciaj los Nws kav ntuj.
Txais-B: Qhuas Tus Huab Tais Pleev, ciaj los tawm hauv ntxa los.  Lub Moo hla dhau yog Nws, kev ciaj sia txog peb lawm, kev ciaj sia txog peb lawm.
4. Kuv yog kuv pom ntsoov, Tus Tshiab ua tim khawv tuaj, txoj phuam uas kauv qhwv Nws, tseem nyob hauv ntxa zeb, tab Nws ciaj sawv lawm, Nws ua lawv ntej mus, txog Nkas Lis Les As, txog Nkas Lis Les As.
 

 

NHẬP LỄ

 

053. COG LUS

(GIAO ƯỚC – 166 TCCĐ - TP. CV Chiv txhais)
 
Txais:  Txij ntawd, txij thaum ntawd Tswv Ntuj hu kuv cog ib lo lus tam sis ntawd rau kuv. Txij no, txij li no Tswv Ntuj xaiv kuv, Nws ntaus cim hauv kuv xib tes cog tseg.
1. Nws tej lus kub tawg paj, nws cov lus daws kuv tej txhaum kuv tus neeg me no ua cas tshaj Tswv Ntuj lus. Txij thaum xab xeeb kuv los, txij li thaum ntawd los mus, Tswv Ntuj lub txiaj ntsim hom kuv ua nyog tus neeg ntshiab.
2. Ua neej  ntau txoj kev, neeg siab ntsws paub tsis thoob, yus sim neej hauv ntiaj teb zoo tam zoj ib vuag dua. Tim Tswv Ntuj lus cog tseg, lub neej ntiaj teb txawm muaj kev iab kev daw los txhob txhawj Nws yuav pab yuav nres.
3. Neeg lub neej txawm yuav hloov, Tswv Ntuj lo lus ruaj nreb, kuv fij lub neej rau Koj, hlub, ntseeg, cia siab rau Koj. Ntawd yog Koj kev cog lus, txawm hauv toj hauv pes nphau los Koj lo lus nyob ruaj, nreb mus ib txhiab ib txhis.
 
 

054. KOOM SIAB UA TSAUG 1

(CHUNG LỜI CẢM TẠ - 166 HCĐ, 16 TCCĐ2010)
Txais:  Peb zoo siab sawv daws tuaj txoos, coj  kev ntseeg thiab kev sib hlub. Koom tej suab seev ua peb tus Tswv Ntuj tsaug.
1. Txhua xyoo dhau peb cia siab tos, los cuag Koj seev suab ua tsaug, lub sij hawm muaj txiaj ntsim ntshiab, lub suab seev puv npho nruab siab.
2. Kuv tus plig nqhis  Koj kev hlub, yam mos lwj nqhis tus dej ntshiab, kuv zoo siab los thaj chaw ntshiab cia lub siab puv npho kev ntshaw.
3. Peb sawv daws sau los ua ke, thov Tswv Ntuj Koj txoj kev hlub, peb koom siab nqua suab ua tsaug, xa rau Koj  mus tas ib txhis.
 

055. KOOM SUAB UA TSAUG 2

(TP. CV Chiv txhais)
(CHUNG LỜI CẢM TẠ - 166 HCĐ -16 TCCĐ 2010)
Txais:  Peb saws daws xyiv fab tuaj txoos, coj kev ntseeg thiab kev sis hlub. Koom tej suab seev ua peb tus Tswv Ntuj tsaug.
1. Yus niaj xyoo tos ntshis Tswv Ntuj, nrog lub suab nkauj seev ua tsaug, yog lub caij muaj txiaj ntsim ntshiab, lub suab seev puv npo nruab siab.
2. Puav tam tus tsiaj qhuav siab qhawv, kuv tus plig ntshaw koj kev hlub. Kuv nplooj siab fab fo chaw ntshiab, txoj kev ntshaw nyab yees nplooj siab.
3. Peb tuaj txoos ua npoj seev yees ua koj tsaug koom suab seev qhuas Tswv Ntuj ua koj tsaug pauj koj lub txiaj ntsim mus tas ib txhis.

 

056. KUV ZOO SIAB

(TÔI MỪNG VUI - 17 TCCĐ- 24 TCCD2010)
Txais: Kuv zoo siab, hnov lub suab hu tias, sawv daws txav pem Tswv Ntuj tuam tsev. Yog lub chaw peb nres taw saib Nws lub tsheej, lub tsheej ntshiab nto moo.
1. Tswv Ntuj lub chaw nyob, yuav ruaj nrees nrog xyoo hli. Sawv daws yuav zoo siab xa lub cev txi qhuas Tswv Ntuj.
2. Sawv daws tuaj ntawm no, thaj chaw ntshiab xyab tsw qab. Txhua lub siab zoo siab, Tswv Ntuj txiaj ntsim ntws puv npho.
 

057. LEEJ TXIV LO LUS

(LỜI CHA - 141 HCĐ - TP. CV Chiv txhais)
1. Leej Txiv Lo Lus ntxhe hauv lub neej. Leej Txiv Lo Lus ntxhe thoob ntiaj teb. Leej Txiv Lo Lus ntxhe tuaj tiam dhau tiam. Leej Txiv lo lus ntxhe hauv peb siab.
Txais: Yam hluav taws, txhawb peb siab kom txawj mloog Tswv Ntuj lus. Ci ntsa iab, ci ntsa iab ! Coj peb mus taug Tswv Ntuj lus.
2.Leej Txiv lo lus ua hnub qub ntsa. Leej Txiv lo lus ua suab noog seev.
Leej Txiv lo lus ua ntsuj plig ciaj sia. Leej Txiv lo lus xeeb hauv peb siab.
3. Leej Txiv lo lus ntws tsis txawj tu. Leej Txiv lo lus yam paj ntuj tshiab. Leej Txiv lo lus ua peb lub chaw vam. Leej Txiv lo lus coj peb pom kev.
 
 

058. MUS HAUV HUAB TAIS TSEV

(VÀO NHÀ CHÚA- 29TCCĐ, 18TCCĐ2010)
Txais: Zoo siab mus hauv Ntuj tsev, zoo siab mus hauv Ntuj tsev, nrog ib lub siab ntseeg ruaj nreb, peb yuav los thooj siab koom ntsws, nrog kev cia siab (nrog kev cia siab). Ntawm no yog Tswv Ntuj tsev, ntawm no yog Tswv Ntuj tsev, peb zoo siab hu nkauj nrov ntxhe, cav txog Huab Tais txhua txheej ntuj tus muaj koob meej nto moo lug.
1. Peb khaws Koj tej txiaj ntsim rau nruab siab, thov Huab Tais Ntuj txhua hnub, kom tau mus/ nyob hauv Koj lub tsev Ntshiab/ pom Huab Tais Ntuj nto moo nyob hauv Koj lub Theej Kiab.
2. Tswv Ntuj yuav tuaj nyob hauv nruab nrab peb. Yog peb nyiam thiab mloog Tswv Ntuj Lo Lus. Thov Koj tuaj nrog peb nyob/ kom peb lub cev tsim nyog/ yog Tswv Ntuj lub chaw nyob.
 

059. NCE ROOB XIS YOOS

(LÊN NÚI SION- Tg: Hùng Lân)
1. Hnub no yog hnub Tswv Ntuj txhim tsa sawv daws lom zem zoo siab ib txhis. Hnub no nyob saum ntuj ub duab ci lam tuaj rau tej siab ncaj.
Txais: Hnub no yuav nco ib txhis. Tswv Ntuj hlub Nws  haiv neeg. Tswv Ntuj coj Nws haiv neeg nce roob Xis Yoos.
2. Hnub no peb siab tau yuj li plaws. Peb zoo siab txais Tswv Ntuj txiaj ntsim. Hnub no txiv siav saum roob. Cua tshua pab noog ya npoj ntws los.
3. Hnub no tsob ntoo tawg paj ntsa iab. Paj ntoos zoo nkauj tsw ha ntxuj ntxias. Zoo siab txais lub txiaj ntsim. Mas Nas phwj yaws Tswv Ntuj lub zog.
 

060. NKAUJ PAJ NRUAG 72

THÁNH VỊNH 71 (3 TVĐCAL - Thái Nguyên)
 
1. Hawm Tswv Ntuj/ muab cai haum pheej rau tus Vaj/ pub kev ncaj rau Vaj Ntxwv Tub. Kom tus Vaj/ tswj Koj haiv neeg raws kev ncaj/ tiv thaiv pab cov neeg txom nyem.
Txais: Lub caij Nws ua Vaj haum pheej/ yuav muaj kev thaj yeeb/ mus txog thaum tsis muaj lub hli.
2. Lub caij Nws/ ua Vaj kev haum pheej tawg paj. Nws yuav kav ib txhiab ib txhis. Nws yuav ua/ Vaj kav txhua hiav txwv txij tug/ Niam Dej mus txog npoo ntiaj teb.
3. Leej twg pluag/ hu txog Nws yuav hlub thiab mloog/ cev tes cawm tsoom pej xeem pluag. Muaj siab hlub/ cov tib neeg txom nyem ua ntsuag/ tus txom nyem Nws npo kom dim.
 

061. NO YOG TSWV NTUJ HAIV NEEG

(NÀY LÀ DÒNG DÕI - 321 TNB)
Txais: No yog cov neeg caj ces nrhiav Tswv Ntuj. No yog cov neeg mus nrhiav Huab Tais Tswv Ntuj.
1. Twg yuav tau nce saum Huab Tais lub roob ? Twg yuav tau los nyob ntawm Nws lub tsev. Yog neeg siab huv tes tsis lo txhaum, yog tus siab tsis xib rau qhov phem. 
2. Tswv Ntuj yog tus kav lub ntuj lub teb. Lub qab ntuj thiab tsoom neeg yog Nws tug. Nws yog tus txawb lub ntiaj teb rau saum hiav txwv ruaj nreb saum npoo dej.
3. Tus ntawd yuav tau txais Tswv Ntuj koob hmoov. Nws yuav pub paj tshab yog Nws txiaj ntsim. Peb yuav nrhiav Tswv Ntuj lub ntsej muag. Nws yog Tswv kav tas puas tsav yam. 
 

062. NQUA SUAB HU NKAUJ

(CA LÊN ĐI 3- 9 TCCĐ,45 TCCĐ2010)
1. Tas cov tshiab nyob saum ntuj nqua suab hu nkauj cav txog Tswv Ntuj hlub neeg ntiaj teb mus li. Nqua suab hu qhuas Tswv Ntuj muaj hwj huam. Neeg ntiaj teb thiab cov tshiab nqua suab cav txog Tswv Ntuj.
2. Tas cov neeg nyob txhua tiam nqua suab hu nkauj cav txog Tswv Ntuj hlub neeg ntiaj teb mus li. Nqua suab hu qhuas Tswv Ntuj muaj hwj huam. Neeg ntiaj teb thiab cov tshiab nqua suab cav txog Tswv Ntuj.
3. Lub ntiaj teb uas ntuj tsim nqua suab hu nkauj cav txog Tswv Ntuj hlub neeg ntiaj teb mus li. Nqua suab hu qhuas Tswv Ntuj muaj hwj huam. Neeg ntiaj teb thiab cov tshiab nqua suab cav txog Tswv Ntuj.
4. Cov toj roob paj nroj tsuag nqua suab hu nkauj cav txog Tswv Ntuj hlub neeg ntiaj teb mus li. Nqua suab hu qhuas Tswv Ntuj muaj hwj huam. Neeg ntiaj teb thiab cov tshiab nqua suab cav txog Tswv Ntuj.
 

063. PEB TUAJ NTAWM NO 1

(VỀ NƠI ĐÂY - 127 HCĐ, 14 TCCĐ2010)
Txais: Sawv daws tuaj ntawm no xa lub suab seev. Sawv daws tuaj ntawm no cia ua Tswv Ntuj tsaug. Suav hnub suav hli tos ntsoov, nyob hauv Koj tej txiaj ntsim, tau nrog Koj ua ke thiaj zoo peb lub siab.
1. Tas siab nrho seev yees kev ntseeg, qhib siab hlo tsa muag thov Koj, xav fij tas nruab siab rau Koj, peb sawv daws thooj siab koom ntsws, cev lub neej  ua ke rau Koj, thov fij kev hlub rau Tswv Ntuj.
2. Cia li txais Ntuj lub txiaj ntsim, tseg kev zoo siab nyob hauv peb. Tswv Ntuj pub rau neeg ntiaj teb, thaum uas peb txais lub Cim Yug, peb sim neej thaj yeeb tau zoo, peb lub neej tau nyob tiaj tus.

064. PEB TUAJ NTAWM NO 2

(TP. CV Chiv txhais)
(VỀ NƠI ĐÂY - 127 HCĐ, 14 TCCĐ 2010)
Txais: Sawv daws tuaj ntawm no, xa lub suab seev. Sawv daws tuaj ntawm no thov ua Tswv Ntuj tsaug. Suav hnub suav hli tos ntsoov, qaug siab qaug ntsws dai koj, tau nrog koj ua ke thiaj zoo peb lub siab.
1. Tas siab nrho seev yees kev ntseeg, qhib siab hlo tsa muag thov koj. Xav fij tas nruab siab rau koj. Tas txhua leej thooj siab koom ntsws cev lub neej ua ke rau koj, thov fij kev hlub rau Tswv Ntuj.
2. Zoo siab txais Ntuj lub txiaj ntsim, yuj plaws rau lub caij ntuj tshiab. Tswv Ntuj hlub tib neeg ntiaj teb. Muab tag nrho lub cim yug kav ib txhis rau peb sim neej yuav nyob tiaj tus tau zoo thaj yeeb tau zoo tiaj tus .
 

065. POV DEJ NTSHIAB

(RẢY  NƯỚC THÁNH- Mùa TN 529HCĐ)
 
Txais: Huab Tais thov kom cov dej ntshiab pov rau saum kuv, kom kuv huv tuaj thov ntxuav kuv kom kuv dawb dua daus.
1. Huab Tais tus siab zoo thov Koj khuv leej txog kuv los ntawm Koj lub siab hlub.
2. Huab Tais Leej Txiv thiab Huab Tais Leej Tub ,Huab Tais Leej Ntuj Plig muaj koob meej nto moo lug, lub zim txwv no mus txog txhiab niaj tim puas xyoo. Ua li.

066. PUAG THAUM UB

(TỪ NGÀN XƯA- 360HCĐ,185TCCĐ, 281 TCCĐ2010)
Txais: Thaum ntej ub Tswv Ntuj hlub kuv, Koj hu kuv hauv txhua leej. Nyem no kuv zoo siab/ mus ntawm rooj Ntshiab. Xa cev plig dawb huv rau Koj / li duab ci kaj nrig. Taug kev mus tseb lo lus tseeb, cawm dim rau txhua leej ib txhis.
1. Ntawm plua tshauv/ Koj tsa kuv los ua leej choj. Thiab hu kuv/ ua Koj tus phooj ywg. Pub txhua txiaj ntsim coj kuv mus, saum ntiaj teb puv npho kev nyuaj, vim kuv tsis/ muaj dab tsi los rau Koj.
2. Ces lwm hnub txhua chaw qhuas kuv tau koob hmoov. Vim kev hlub/ Koj hlub tus neeg me. Kuv nruab plawv zoo siab tsis kawg, thov cev tas lub neej rau Koj, vim kuv tsis/ muaj dab tsi los rau Koj.
 

067. QHOV TWG MUAJ KEV HLUB

(ĐÂU CÓ TÌNH YÊU THƯƠNG- 136 HCĐ,85 TCCĐ)
Txais: Qhov twg muaj kev hlub, qhov ntawd muaj Huab Tais Ntuj. Qhov twg muaj kev zam, qhov ntawd muaj Ntuj txiaj ntsim. Qhov twg muaj kev nyiam ces ntuj yuav foom hmoov zoo. Qhov twg thooj siab ntsws, qhov ntawd muaj kev kaj siab.
1. Peb tas siab thov Huab Tais yog txoj kev hlub. Thov  pub kev hlub los rau hauv peb lub siab, kom nyiam Koj tas siab tas zog tas tswv yim, thiab nyiam lwm tug zoo li Koj tau nyiam peb.
2. Thov Tswv Ntuj pub sawv daws koom ib lub siab. Thov pub peb coj lub neej txawj sib haum xeeb, tsis txhob sib ntxub, sib cais, thiab txhob sib khib, txuag txoj kev hlub, nyiam Ntuj thiab hlub sawv daws.
 

 

068. SAUM NTIAJ TEB HAWM TSWV NTUJ

(TRÊN TRẦN GIAN THỜ LẠY CHÚA)
 
Txais: Saum ntiaj teb txhua chaw hawm Tswv Ntuj Peb Leej Ib Tus. Leej Ob los txhiv peb cov txhaum.
1. Tswv Ntuj peb xa lub suab seev, zoo siab lom zem tuaj hawm peb tus Tswv Ntuj. Hnub no peb thov Koj txais peb lub suab seev thiab peb lub cev cia peb ruaj siab ntseeg saum ntiaj teb, cia peb tau zoo ib txhis. 
2. Nyem no peb sau los ua ke, vam Koj pab peb nyob saum lub ntiaj teb no. Cia peb rau siab vam Tswv Ntuj saum ntiaj teb. Peb nrog Tswv Ntuj nyob ua ib ke thiab txhiv peb txim, cia peb li tau nce ntuj.
3. Ntiaj teb yog lub chaw dua kev, hnub no txom nyem tom ntej tau lub neej zoo. Li tau mus pom Tswv Ntuj Tus Cawm ntiaj teb. Huab Tais Leej Txiv, Huab Tais Leej Tub, thiab Leej Ntuj Plig, Tswv Ntuj Peb Leeg Ib Tus.
 

069. TUAJ HU QHUAS TSWV NTUJ

(HÃY ĐẾN TUNG HÔ CHÚA - 11TCCĐ, 50TCCĐ2010)
Txais: Zoo siab tuaj hu qhuas Tswv Ntuj tus cawm tau peb. Sawv daws koom siab ua ke tuaj ntawm Tswv Ntuj xub ntiag cev lus ua tsaug thiab hu qhuas Nws.
1. Tswv Ntuj yog qhov kaj kuv tswv yim, yog qhov kaj rau kev tsaus ntuj, kev ua neej txawm ntau txom nyem muaj Koj coj kuv yuav mus txog chaw so.
2. Kuv lub siab hu qhuas Koj tsis tseg, li pa xyab tsw ha rau Koj, thiab kuv nrog txhua lub suab hu nkauj cav txog, Ntuj lub npe mus ib txhis.
3. Thov muab kuv lub cev nqaij nrog lub siab nyiam fij tso rau Koj tas nrho. Txawm tias muaj ntau kev ntxhov nphau tuaj los kuv yuav ntseeg ruaj nrees ntawm Koj.
 

070. YUAV NQUA SUAB

(HÃY HÁT LÊN- 137HCĐ, 209TNA)
Txais: Sawv daws yuav hu nkauj (sawv daws hu nkauj). Vim Ntuj yog peb tus Tswv Ntuj. Zoo siab yuav hu nkauj (zoo siab hu nkauj) qhuas Tswv Ntuj Tus Muaj Hwj Huam.
1. Vim Ntuj yog Huab Tais Nto Moo, sawv daws yuav teev hawm, nqua suab cav txog Nws, vim Nws hlub peb.
2. Koom hu nkauj cav txog Leej Txiv, Lub Npe nyob ruaj nreb. Leej Tub, Leej Ntuj Plig  nyob nto moo lug.

071. ZOO SIAB TSHAJ PLAWS

(NIỀM VUI THIẾT THA- 05 TCCĐ)
 
Txais: Zoo siab, peb zoo siab tshaj plaws thaum peb mus hauv Huab Tais tuam tsev. Nyob ntawm no, Ntuj pub kev hlub, peb sawv daws tuaj nrog hawm Huab Tais Ntuj siab zoo.
1. Thov Koj pab nres peb txhua hnub, Koj khuv leej coj peb lub neej, pub peb nyob hauv Koj kev hlub thiab lub neej muaj kev zoo siab.
2. Peb cia siab tas txhua txhia hnub, ua siab ncaj hauv Koj kev hlub. Peb lub siab tos ntsoov ib yam, yog pub peb nyob hauv Koj tsev.

 

DÂNG LỄ

 

072. CEV HMOOV NPLEJ

(THÂN LÚA MIẾN - 195 HCĐ, 103 TCCĐ2010)
Txais: Tswv Ntuj! Kuv cev yog cev nplej hmoov (tseb rau ntiaj teb) tau puas ntsoog nrog caij nyoog. Rev nplej siav peem tsheej lub ncuav kuv lub cev peem tsheej tug tsiaj cev rau Koj ntawm lub thaj txi.
1. Kuv lub cev lub tswv yim no, ntau kev khwv hauv lub neej nyob, yog paj tshab cev tuaj rau Koj, thov Tswv Ntuj hloov kuv lub neej.
2. Lub neej dhau thiab yav tom ntej, muaj ntau yam kuv tseem nco ntsoov, yog paj tshab cev tuaj rau Koj,   thov Tswv Ntuj hloov kuv lub neej.
3. Kev tau zoo thiab kev txom nyem, lub koob meej hauv txhua txhua hnub, yog paj tshab cev tuaj rau Koj,  thov Tswv Ntuj hloov kuv lub neej.

073. CEV RAU TSWV NTUJ

(DÂNG CHÚA TRỜI- 44TCCĐ,56TCCĐ2010)
1. Cev rau Tswv Ntuj/ txiv siav nplej tsw ha, paj zoo nkauj thiab txiv qab, nrog tas nrho kev zoo siab.
Txais: Cev rau Tswv Ntuj kev ntxhov siab thiab kev tau zoo. Cev tas lub neej rau Koj/ vam ntsoov kev tau zoo.
2. Cev lub caij nyoog/ ntiaj teb niaj hnub hloov, paj ntuj tshiab cua ntuj no. Cev tas lub xyoo rau Koj.
3. Cev kuv tiam neej/ zoo li tus dej me/ tsaws tsag ntws rau hiav txwv/ xav kom ntshiab huv ib txhis.

074. CEV TAS LUB NEEJ

(DÂNG TRỌN CUỘC ĐỜI - 41TNC)
 
Txais:  Thov cev lub neej txoj kev hlub/ tas nrho rau Huab Tais Ntuj.
1. No yog paj tshab hauv tej liaj teb. No yog paj tshab txiv hmab txiv ntoo. Peb koom lub siab cev rau Leej Txiv,  thov pub peb tau nyob kaj siab lug.
2. Ntuj tso duab tshav kom ntoo txi txiv. Ntuj pub nag los rau nplej tuaj zoo. Ntuj pub kev hlub ces lub siab tshiab. Muaj Ntuj kuv tau lub neej kaj lug.
3. Kuv lub neej yam ncuav txi rau Ntuj. Lub neej nrhiav kev sib hlub txhua chaw. Yog cawv tsw qab yog ncuav dawb huv. Kuv lub neej yog paj tshab rau Ntuj.
 

075. LUB NEEJ YOG PAJ TSHAB

( LỄ DÂNG- Tác giả: Ngọc Kôn )
 
1. Kuv lub neej yam li paj tshab tsis kawg, yam lub ncuav txi rau Ntuj. Kuv lub neej yam tswm ciab cig xws li hnub nyob hauv Tswv Ntuj kev hlub.
Txais: Kuv lub neej xa rau Ntuj xws li nthwv cua, nrog pa xyab cia kuv faib Tswv Ntuj kev hlub rau neeg ntiaj teb. Kuv mus tshaj Koj lub Moo Zoo tas sim neej, li dej ntws coj txiaj ntsim puv npho mus pub tib neeg ntiaj teb. 
2. Koj xaiv kuv, kuv tsis muaj dab tsis li, kuv tsis tsim qhov Koj tos. Kuv kev hlub tsis txaus los them Koj  yam li teev dej piv rau hiav txwv.
3. Kuv ntseeg thiaj raws Koj tsis tig rov qab, lub siab cia ua paj tshab. Thov Koj daws kuv kev yuam thiab kev txhaum thov ntxuav kuv tej yam tsis huv. 
 

 

076. OB TXHAIS TES

( ĐÔI TAY NÀY 2-  524 MCPS )
1. Ob txhais tes cev rau Tswv Ntuj, cev kuv lub siab uas hmov tshua li pa xyab ya txog Tswv Ntuj, muab lub siab cev tas rau Koj. Cev tas nrho kuv txoj kev xav, thaum tau zoo los thaum txom nyem, thov cia kuv niaj hnub ntseeg zoo li zaj thov ya mus txog Koj. 
Txais: Thov cev nrog lub ncuav nplej hmoov, Tswv Ntuj aw! Thov Koj txais mus. Thov cev khob cawv tsw qab no, Tswv Ntuj aw! Thov Koj txais mus.
2. Ob txhais tes cev rau Tswv Ntuj, cev tej txhaum kuv ua dhau los, muab tag nrho cev tuaj rau Koj, thov Ntuj hlub thiab zam rau kuv. Cev rau Koj tas tej kev khwv, kev txom nyem thiab kev txhawj xeeb. Cev rau Koj lub neej tom ntej, thov Koj hlub tshua kuv lub neej.
 
 

077. PA XYAB TSW HA

(LỄ DÂNG 2 -203 HCĐ, 65 TCCĐ, 84 TCCĐ2010)
Txais: Yam li xyab tsw ha, ncho thoob rau lub thaj txiaj ntsim, cia peb cov lus khom vam, ya mus txog ntawm Tswv Ntuj. Kuv cev tag nrho kuv lub neej, yog kev hlub hauv kuv lub siab.
1. Khob cawv txiv hmab tsw ha, thiab ncuav mog yog peb lub zog, Koj nrog hlub thiab pub txiaj ntsim. Thov cia peb paub hlub neeg, sib tuav tes txhim kho lub neej, kom lub neej nyob  kaj lug.
2. Lub paj teeb ci ntsa iab, kev xyiv fab thiab kev txhawj xeeb, thaum tiaj tus los thaum nyuaj siab. Pub kuv lub neej txhua hnub, yog paj teeb nyob saum thaj txi, txawm lub neej raug kev nyuaj.
3. Kuv thov muab cev rau Koj, yog txhua yam hauv kuv lub neej, tej kev khwv thiab kev tau zoo. Cev rau Tswv Ntuj txhua hnub, lub hws nrog nyob hauv liaj teb, ob ntxhais tes khwv txom nyem.
 

078. PAJ TSHAB  UA TSAUG

(LỄ VẬT TRI ÂN - 215 HCĐ)
1. Kuv cev rau Tswv Ntuj no yog ncuav thiab cawv tsw ha. Cov ncuav no thiab cawv yog lub ntiaj teb av txi txiv, yog neeg hauj lwm tsim kuv muab los cev rau Koj. Thov Koj hlub txais mus cov paj tshab kuv xa rau Koj.
Txais: Kuv txhais tes tsa siab cev paj tshab tuaj rau Koj. Lub caij nyoog dhau mus kev hlub yeej nyob ruaj khov.
2. Kuv cev rau Tswv Ntuj ntawm no yog pa xyab tsw ha, txoj kev hlub puv npho saum toj roob txhua txhia qhov chaw. Kev sib hlub  muab sau los ua zaj seev qhuas Koj. Thov Koj hlub txais mus cov paj tshab kuv xa rau Koj.
3. Kuv cev rau Tswv Ntuj cov tswm ciab cig tau kaj nrig. Lub suab thov hnub no cev kuv tej kev iab kev khwv. Tso lub neej rau Koj nrog zaj thov txhua txhua hnub. Thov Koj hlub txais mus cov paj tshab kuv xa rau Koj.  
4. Kuv cev rau Tswv Ntuj ntawm no muaj ntau yam paj tshiab. Thiab lub neej thaum hluas li zaj nkauj hu nrog suab qeej. Kuv lub siab lom zem dhia nrog zaj nkauj hmov tshua. Thov Koj hlub txais mus cov paj tshab kuv xa rau Koj.  
5. Kuv cev rau Tswv Ntuj ntawm no yog txhua yam txiv ntoo, cov txiv hma txiv ntoo yog lub ntiaj teb av txi txiv, yog neeg hauj lwm tsim kuv muab los cev rau Koj. Thov Koj hlub txais mus cov paj tshab kuv xa rau Koj.
 

079. PEB THOV CEV RAU KOJ

(CON XIN TIẾN DÂNG 187 HCĐ, 56 TCCĐ2010)
 
Txais:  Peb cev rau Tswv Ntuj, ntawm no yog ncuav thiab cawv, twv pa xyab ya tsw ha, qhuas Tswv Ntuj lub siab zoo.
1. Lub ncuav mos dawb huv, thiab kuv lub cev ntsuj plig, kuv kev ntseeg kev hlub xa tuaj mus rau Tswv Ntuj.
2. Khob txhiv cawm ntiaj teb, kuv thov muab cev tas siab, suab seev thov ya siab xws li pa xyab txog Koj.
3. Tej kev khwv ntiaj teb xa tuaj rau ntawm Tswv Ntuj, ua lub cim nco txog thaum ub xa rau Tswv Ntuj.
4. Lub qab ntuj xyiv fab, koom siab koom ntsws sib hlub. Lub siab vam Tswv Ntuj, tau txais koob hmoov pem ntuj.
 

080. XA RAU

(DÂNG LÊN - 36 TCCĐ,186 HCĐ)
 
Txais: Cev tuaj ntawm thaj txi ncuav tsw ha thiab cawv qab, thov cev kuv lub siab thiab kuv lub cev ntaj ntsug.
1. Cev tas tej lus thov koom nrog lo lus seev qhuas, thov cev kuv lub neej thiab tas txhua yam siab ntshaw. Thov Tswv Ntuj hlub tshua thiab pub txiaj ntsim kev hlub, rau kuv no lub siab thiab tag nrho kuv haiv neeg.
 2. Thov cev lub neej hluas nrog rau tej kev cia siab, cev kuv tej phooj ywg thiab nrog kuv tej txheeb ze. Thov Tswv Ntuj txiaj ntsim pub rau kuv lub tswv yim, saib xyuas pov hwm kuv dhau lub sij hawm txom nyem.
3. Thov cev kuv lub neej txhiab puas tsav yam kev iab, fij tej kev zoo siab los yog kuv tej kev khwv, thov hlub Koj haiv neeg uas nyob thoob plaws ntiaj teb, coj raws Koj txoj cai, tseb kev ntseeg rau txhua qhov.

081. XAV UA PAJ XYAB

(TỰA LÀN TRẦM HƯƠNG - 202 HCĐ, 104 TCCĐ2010)
 
1. Yam li pa xyab ya mus puag saum ntuj, thov Tswv Ntuj foom hmoov rau cov paj tshab, lub ncuav tsw ha, khob cawv tsw qab, ua paj tshab xa rau Tswv Ntuj siab zoo. 
Txais: Thov qhuas Koj yog Tswv ntuj Tswv teb. Twb siab ntev yug ciaj peb txhua hnub. Thov qhuas Koj yog Tswv Ntuj txhua chaw. Thov qhuas Koj mus tas ib sim neej.
2. Ib siab ib ntsws xa kuv cev ntaj ntsug,  thov Tswv Ntuj foom hmoov rau cov paj tshab, lub siab tos ntsoov, txhua lub caij nyoog, ua paj tshab xa rau Tswv Ntuj siab zoo. 
3. Xa lub suab seev ya siab mus saum ntuj, thov Tswv Ntuj foom hmoov rau cov paj tshab, lub suab ntxuag qeej, lub suab hu nkauj, ua paj tshab xa rau Tswv Ntuj siab zoo. 
 

 

HIỆP LỄ

 

082. CIAJ NYOB LOM ZEM 

(SỐNG TRONG NIỀM VUI - 283 HCĐ- 214 TCCĐ2010)
1. Sim neej yuam kev tsaus ntuj, kev hlub ntawm kuv yau zuj zus. Sim neej nrhiav hauv kev ntshaw, nplooj siab yeej muaj ntau kev txhawj. Tswv Ntuj thov Koj hlub cawm peb, ntawm no thov xa tas lub siab, ntseeg tias Koj yog Tswv Ntuj ntawm Koj tau zoo ib txhis.
Txais: Tswv Ntuj, kuv tus Tswv! Cia kuv los ntseeg hawm Koj. Tswv Ntuj, kuv tus Tswv! Thov coj kuv mus qhov chaw kaj siab.
2. Sim neej kuv yuav nco ntsoov, kev hlub yuav hloov tau lub neej. Sim neej yog muaj kev nyiav, muaj hnub Koj yuav pub suab luag. Tswv Ntuj thov fij kuv lub neej, sim neej tej kev nyiav quaj ntsuag, kuv lub neej nrog Koj nyob thiab yog qhov chaw tshav ntuj.
3. Ntawm Koj yog txoj kev tseeb, txoj sia qhov kaj rau lub neej. Vim Koj yog txoj kev zoo, yog khob txhiv cawv kuv tau txais. Tswv Ntuj Koj yog kuv lub neej, txij no kuv tsis ntshaw dab tsi, nqua suab hu nkauj mus li, tsis txhawj mus tas ib txhis.
 
 
 

083. HLUB TSHUA TIB NEEG

(YÊU THƯƠNG CHO NGƯỜI
117 TNC, 143TCCĐ, 137 TCCĐ2010)
 
1. Kuv mus nrhiav Tswv Ntuj hauv lub neej. Koj txoj kev kuv tsis tau mus dua. Mus qhov twg kuv thiaj yuav pom Koj. Puas yog Koj nyob hauv lub suab thov? Puas yog Koj nyob hauv lub siab ntseeg? Koj nyob twg cia kuv mus nrhiav Koj? Koj nyob twg cia kuv mus ntsib Koj? Hauv kev hlub los hauv kev chim, hauv nej siab los hauv kuv siab?
2. Kuv mus nrhiav Tswv Ntuj thaum sawv ntxov. Lub hnub tawm duab tshav ntuj ntsa iab. Hauv ntiaj teb tseem muaj ntau kev ntshaw. Koj nyob twg cas kuv nyob ib leeg? Koj nyob twg pub kev hlub rau kuv? Koj nyob no nyob hauv kuv nruab siab. Koj nyob no nyob hauv cov phooj ywg, hauv kwv tij thiab hauv sawv daws pub kev hlub rau hauv kuv siab.
3. Kuv mus nrhiav Tswv Ntuj saum txoj kev, thaum ntuj tsaus laum lub hnub ploj lawm, lub suab tswb tseem nrov deb Koj tseem tos. Koj hu kuv cas kuv tseem tsis mloog. Koj tos kuv cas kuv tsis quav ntsej. Koj ua lub siab ntev nyob tos kuv. Koj tseem tos kuv yuam kev rov los. Thov Koj hlub zam kuv tej txhaum, cia lub siab tau nyob kaj lug.
4. Kuv mus nrhiav Tswv Ntuj saum txoj kev, thaum ntuj tsaus dub txig no txias zias, muaj neeg zoo siab thiab neeg nyuaj siab. Koj nyob twg thov hlub cov ua ntsuag? Koj nyob twg thov hlub cov neeg mob? Koj nyob saum ntuj ntsuab siab ua luaj. Koj twb los ntiaj teb yug ua neeg, muab kev hlub kho tej kev chim, pub moo zoo rau kuv lub neej.

084. HU QHUAS TSWV NTUJ KEV HLUB 

(CA VANG TÌNH YÊU THIÊN CHÚA) 
1. Tswv Ntuj kev hlub li duab ci rau txhua qhov chaw. Tswv Ntuj kev hlub yog hnub qub hauv hmo tsaus ntuj. Tswv Ntuj kev hlub coj kuv hla dhau lub neej ntiaj teb. Lub neej ntiaj teb muaj ntau txoj kev txom nyem. Tswv Ntuj kev hlub yam tug dej ntws mus ib txhis, ntws dhau hnub hli cia kuv nyob hauv txoj kev hmov. Tswv Ntuj kev hlub txhua hnub li cua tshuab rau ntiaj teb, hlub kuv txhua hnub txhua hmo hauv txoj kev zoo.
Txais:  Kuv hu qhuas kev hlub ib txhis ruaj khov. Koj tej txiaj ntsim puv npho kev hlub kev tshua. Koj txoj kev hlub yam roob siab li dej hiav txwv. Koj txoj kev hlub kuv hu qhuas ib txhis tsis kawg.
2. Tswv Ntuj kev hlub li xyoo tshiab los saum ntiaj teb. Tseem nco  thaum yau tsuas xav tau Koj txoj kev hlub. Koj saib ntsoov kuv lub neej, pub txhua txiaj ntsim rau kuv, thiab pab kuv thaum kuv ntsib txoj kev txom nyem. Tswv Ntuj kev hlub tsis ploj mus txawm sij hawm dhau. Es! koj puas paub Ntuj kev hlub ib txhis ruaj khov. Yog Zoo- Tseeb- Tiag cia kuv tshawb nrhiav txhua hnub txhua hmo. Cia kuv tos ntsoov, cia ruaj siab ntseeg ntawm Koj.
3. Tswv Ntuj txhais tes tuav rawv kuv dhau txhua txoj kev. Kuv tug ntsuj plig luag ntxhi hauv Koj txoj kev hlub. Ntsia saum Ntoo Cuam roob siab, yog vim leej twg Koj tuag? Vim hlub tib neeg txom nyem Koj los ntiaj teb. Mus nrhiav Qhov Tseeb, kev hlub saum Ntoo Cuam yav thaud. Ib ntxhis nco ntsoov Yes Xus Koj  tuag saum Ntoo Cuam. Rooj ntug qhib plho txhua qhov, Xyoo Tshiab los txog zoo tshaj, ntiaj teb tos ntsoov hnub qab tau mus saum ntuj.
 

085. LUS CIAJ SIA 1

(LỜI HẰNG SỐNG - 259 HCĐ)
 
1. Tswv Ntuj Lo Lus ci rau ntiaj teb, coj tej tib neeg txog chaw thaj yeeb. Txawm ntiaj teb nphau tib neeg puas ntsoog, twg mloog Ntuj Lus tau nyob tiaj tus.
Txais: Tswv Ntuj lub suab ntxhe tuaj mos nyoos li niam lub suab nqee. Yog ib co lus muaj hwj huam nyab yees leej tib neeg. Koj Lus coj kuv mus txog chaw kev hlub yam li hiav txwv. Koj Lo Lus muaj txiaj ntsim tuaj rau peb mus ib txhis.
2. Tswv Ntuj Lus zoo tshuaj plhws kho kuv, kev nyuaj siab ploj mus lawm du lug. Lub neej yuav dhau li hnub qaij nroos, los yeej nco ntsoov Tswv Ntuj txiaj ntsim.
3. Koj lo lus tseem ceeb ntxhe hauv kuv, lub neej ua kuv lub siab zoo hlo, thiab ua tib neeg txoj sia muaj zog, pub koob hmoov tsis tu rau sawv daws.
 

086. LUS CIAJ SIA 2 (TP. CV Chiv txhais)

(LỜI HẰNG SỐNG - 259 HCĐ)
1. Koj Lo Lus ci tuaj hauv ntiaj teb, coj tib neeg mus txog lub chaw zoo. Txawm ntiaj teb nphau ua neeg puas ntsoog, tus mloog Ntuj Lus yuav nyob tiaj tus.
Txais: Tswv Ntuj lub suab lus ntxhe tuaj mos qas nyoos li leej niam. Yog ib co lus muaj hwj huam nyab yees leej tib neeg. Koj lo lus qhia kev hlub rau kuv zoo tam hiav txwv zog. Koj lo lus muaj txiaj ntsim mus ib txhis tuaj rau peb.
2. Tswv Ntuj lus zoo tshuaj plhws mos nyoos kuv kev nyuaj siab ploj lawm du lug. Txawm lub neej qaij nroos li lub hnub los yeej nco ntsoov Tswv Ntuj txiaj ntsim.
3. Koj Lo Lus tseem ceeb ntxhe hauv kuv lub neej ua kuv lub siab zoo hlo. Nws ua tib neeg txoj sia muaj zog, pub koob hmoov tsis tu rau sawv daws.
 

087. LUS NTSHIAB

(LỜI THIÊNG - 302 HCĐ, 88 TCCĐ2010)
 
1. Kuv thov Tswv Ntuj twj ywm hauv kuv nruab siab. Lus thov Tswv Ntuj  xws li pa xyab ncho mus. Kuv lub siab xav los nyob ntawm Koj xub ntiag, txais tau Tswv Ntuj txiaj ntsim puv npho. Txij thaum kuv paub Koj siab hlub kuv tshaj plaws, thaum kuv paub kuv lub neej Koj pub txiaj ntsim. Kuv siab yuav thov Tswv Ntuj lub npe ib txhis, kuv nrog Koj mus tsis txhawj kev ntev.  
Txais: Kuv txhais tes tsa siab siab, xa tas tswv yim rau  Koj, muab kuv tus kheej rau Koj. Lub neej tshuav ntev Tswv Ntuj coj kuv tsis ntshai tej kev rhiab ntshai. Sim neej dhau li huab ya, kuv nyob hauv lub ntiaj teb, hauv lub siab ntshaw tsis tseg, cia kuv pom Koj ib vuag thaum kuv mloog Koj qhia kuv lub siab. 
2. Tswv Ntuj kev hlub coj kuv mus kev tus yees. Koj tej lus nyob nrog kuv txhua lub caij nyoog. Tswv Ntuj kev hlub ua kuv tsis nco kev txhawj, txawm kev nyuaj siab txom nyem tuaj txog. Kuv lub neej no yam tej kev ntshaw tsis txaus, Tswv Ntuj kev hlub tseem coj kuv mus hnub hmo, muaj hnub kuv hnov Tswv Ntuj lub suab hu txog, kom nyob hauv Koj kev hlub ib txhis.
 

088. MLOOG TSWV NTUJ LUS 1

(LẮNG NGHE LỜI CHÚA - 242 HCĐ,120 TCCĐ2010)
1. Thov pub kuv paub mloog lus, Koj Lus hu kuv ib tas hmo, xav ua tus paub mloog lus, Koj qhia thaum kuv nyob ib leeg. Thov pub kuv seev suab hlo, teb Koj Tswv Ntuj thaum Koj hu, thov pub kuv paub teb Koj, Koj xav kom kuv ua dab tsi?
Txais: Koj Lo Lus yog kuv txoj sia, Koj Lo Lus kaj kuv lub neej. Koj Lus yog kuv lub chaw vam,  yog kuv txoj kev taug ua neej. Koj Lus ua kuv lom zem ntws, txhawv yaws puas txhiab lub suab nkauj. Hloov dua lub neej tshiab rau kuv, Koj Lus ua kuv nyob kaj lug.
2. Thov pub kuv paub mloog lus, khaws Koj Lus qhia hauv lub neej. Xav ua tus paub mloog lus. Koj Lus nrog nraim kuv lub neej. Thov pub kuv qhib siab hlo, xav ua ib tug paub mloog lus. Thov pub kuv zoo siab hlo ua raws Tswv Ntuj Lo Lus qhia .

089. MLOOG TSWV NTUJ LUS 2

(TP. CV Chiv txhais)
(LẮNG NGHE LỜI CHÚA - 242 HCĐ - 120 TCCĐ)
 
1. Pub kuv ua neeg mloog lus, Koj hu kuv ntuj teb tag hmo, xav ua tus mloog Koj lus siv zog ntsos npuab Koj lus qhia, pub kuv seev suab hlo teb ntua Koj thaum hnov Koj suab hu, qhia kom kuv paub teb Koj, Huab Tais kom kuv ua dab tsi?
Txais: Koj Lo Lus yog kuv txoj sia. Koj Lo Lus kaj kuv lub neej. Koj Lus yog kuv lub chaw vam yog kuv txoj kev taug ua neej. Koj lus ua kuv lom zem ntws, txhawv yaws pua txhiab lub suab nkauj. Hloov dua lub neej tshiab rau kuv, Koj lus ua kuv nyob kaj lug.
2. Pub kuv ua neeg mloog lus, khaws Koj lus qhia hauv lub neej, xav ua tus paub mloog lus. Koj lus nrog nraim kuv lub neej, ua kuv ntshaw npaum Koj hais, xav ua ib tus paub mloog lus ua kuv zoo siab hlo rau tej lus Tswv Ntuj tau qhia kuv.
 

090. NO, KUV THOV TUAJ

(NAY CON XIN ĐẾN – 248 HCĐ)
1. Kuv tsis hlub Tswv Ntuj, tus Ntoo Cuam thiaj tseem hnyav, vim kuv tsis hlub Koj, sim neej tseem muaj kev nyuaj siab, vim kuv tsis ntseeg Koj, kuv thiaj tseem ntshai tom ntej, vim kuv tsis raws Koj, lub neej thiaj ntsib kev nyuaj siab.
Txais: Thov, pub kuv muaj siab hlub siab tshua, thov raws Koj txawm yuav nyuaj npaum twg. Thov ntseeg Koj kom txoj kev txhawj sib, thov xaiv Koj cia Koj coj kuv mus. 
2. Kuv tsis hlub Tswv Ntuj, kuv kev hlub thiaj tsis ruaj, vim kuv  tsis hlub Koj, kuv lub siab thiaj nyob tsis kaj, vim kuv tsis ntseeg Koj, kuv siab thiaj tsis ruaj khov, vim kuv tsis raws Koj, lub neej muaj ntau kev nyuaj siab.
3. Kuv tsis hlub Tswv Ntuj, ntau hmo kua muag li poob, vim kuv tsis hlub Koj, kuv lub siab thiaj tsis mloog Koj, vim kuv tsis ntseeg Koj, kuv lub siab nyob ntxhov hnyo, vim kuv tsis raws Koj, lub neej muaj ntau kev txom nyem.   

 

091. NTUJ KEV HLUB SOV SO

(TÌNH NGÀI SƯỞI ẤM-127TCCĐ, 158TCCĐ2010)
 
1. Li lub hnub ci kaj nruab hnub, li lub hli pom kev hmo ntuj. Ntuj kev hlub/ sov so rau kuv, kom lub neej/ muaj kev zoo siab.
Txais: Koj kev/ hlub ci tshaj hnub, zoo tshaj duab hli hauv dej. Koj kev hlub/ coj kuv lub neej, tuav kuv tes niaj hnub mus. Koj kev/ hlub loj tshaj plaws, sov kuv lub siab uas txias. Koj kev hlub/ loj dav tsis kawg, kuv  siab tos ntsoov ib txhis.
2. Kuv teev Ntuj txhua hnub sawv ntxov, kom txhua hnub thiaj tsis ntxhov siab. Peb lub siab kaj li duab tshav, kom lub neej zoo li ntuj tshiab.
3. Li ib hnub kuv khwv sab tas/ mob xwb pwg tes taw tsaug tas. Kuv mus nrhiav Tswv Ntuj kev hlub/ hnov hauv siab muaj kev xyiv fab.
4. Zoo li leej niam tu me nyuam/ cia siab lwm hnub me nyuam hlob. Kuv vam txog Huab Tais Tswv Ntuj / kom tau txais txoj kev kaj siab.

 

092. PUB KUV NTSEEG RUAJ

(CHO CON VỮNG TIN - Lm Nguyễn Duy)
1. Kuv xav tias kuv ntseeg ruaj, ntseeg Tswv Ntuj yog Txiv siab zoo. Thaum lub neej nyob kaj siab lug, hos caij nyoog pheej dhau mus zoo. Tiam sis thaum ntsib kev nyuaj siab, qab ntuj yog nag cua nag xob, kuv txhawj xeeb ncaim deb ntawm Koj, kuv li paub tias kuv  ntseeg tsis ruaj.
Txais: Huab Tais Ntuj! Koj paub kuv siab me thiab txawj hloov, kuv yeej ntshaw txog Koj txhua sij hawm. Vam txog Koj , txij hnub no kuv siab ntseeg ruaj khov, thaum tau zoo kuj li thaum txom nyem.
2. Kuv xav tias kuv ntseeg ruaj, ntseeg Tswv Ntuj yog Txiv siab dav. Thaum lub neej ntsib kev kaj siab, hauv qab ntuj yog lub ntuj tshiab. Tiam sis thaum ntsib kev txom nyem, qab ntuj yog kev iab kev khwv, chim twj ywm hauv kuv nruab siab, kuv li paub tias kuv ntseeg tsis ruaj.
3. Kuv xav tias kuv ntseeg ruaj, saum lub roob pom Koj hwj chim, kev zoo siab tuaj nyob hauv kuv, ua siab nrog Koj mus txij no. Tiam sis thaum raug kev txom nyem, kuv ntshai tsam yuav tso Koj tseg, kuv tig rov tsis txais txiaj ntsim. Kuv li paub tias kuv ntseeg tsis ruaj.

093. SEEV QHUAS TSWV NTUJ

(TÂM TÌNH HIẾN DÂNG - 381HCĐ, 202TCCĐ)
Txais: Muab dab tsi ua tsaug, muab dab tsi los them, tej txiaj ntsim Tswv Ntuj twb pub los rau kuv.
1. Hlub kuv puag thaum ub, txoj kev hlub puv npho, Koj xaiv kuv mus ua duab ci kaj rau ntiaj teb. Pub kuv muaj kev hlub, lees Tswv Ntuj Lo Lus, kuv lub neej no cia ua ntsev las lub ntiaj teb.
2. Kuv txais Tswv Ntuj Lus, txawm lub neej tsi zoo, kuv sim neej yuav tshaj Tswv Ntuj Lus rau txhua chaw. Kub siab lug mus qhia, rau txhua qhov txhia chaw, kuv sim neej tshaj Tswv Ntuj kev hlub rau txhua leej.
3. Kuv mus saum txoj kev, muaj Tswv Ntuj txiaj ntsim, Koj txhawb kuv zog txawm rhiab ntshai Koj nrog nraim kuv. Qhov kuv nqa tas nrho, yog txoj kev sib hlub, nws zoo li duab ci pom kev rau peb taug mus.

 

094. SUAB UA TSAUG

(KHÚC CẢM TẠ - 449 Lên Đền Thánh) 
1. Suab ua tsaug txij no nrov ntxhe seev yees, lom zem nruab siab hnub hmo, mus qhuas Tswv Ntuj kev hlub. Ib sim neej kuv dai Koj txoj kev hlub, txawm yog roob qhua tshav kub Koj yam lub hauv dej txias. 
Txais: Thov cev rau Koj lo lus hmov tshua. Thov cim nco txiaj ntsim Koj muab. Thov raws Koj qab mus hla roob Ta Npo thiab Ntoo Cuam.  Aw! Tswv Ntuj kev hlub puv ntiaj teb. Tswv Ntuj kev hlub tsis txawj tag. Kuv lub siab nyob tiaj tus, txais kev hlub zoo tshaj plaws.
2. Yog hnub twg Koj hnov qab kuv ib vuag, Tswv Ntuj sij no cia kuv, cev ntsuj plig rau Koj tes. Yog hnub twg ntiaj teb ua kuv siab ntshaw, Tswv Ntuj txhob tso kuv tseg, thov hlub tuav kuv tes mus.
3. Mus ib txhis Koj yeej hlub kuv nkaus xwb, Koj hlub kuv tsis txawj tag, txawm lub ntiaj teb yuav yaj. Koj yog txoj hau kev hlub pub rau kuv, dab tsi thiaj npaum Koj hlub, ntiaj teb txawm ua saum ntuj.
 

095. THAUM TWG MUAJ CAIJ

(TP. Cv chiv txhais)
(CÓ BAO GIỜ - 230 HCĐ, 178 TCCĐ2010)
 
1. Tswv Ntuj thaum twg kuv pom Koj, Tswv Ntuj thaum twg kuv pom Koj, tuaj thov kuv me qub zaub qub hno seem? Tswv Ntuj thaum twg kuv pom Koj, Tswv Ntuj thaum twg kuv pom Koj tuaj thov kuv ntim dej txiag haus ib pas.
2. Tswv Ntuj thaum twg kuv pom Koj, Tswv Ntuj thaum twg kuv pom Koj tuaj qiv kuv lub tsho mus hnav tim no? Tswv Ntuj thaum twg kuv pom Koj, Tswv Ntuj thaum twg kuv pom Koj ua qhua dhau kev thov kuv lub chaw so.
3. Tswv Ntuj thaum twg kuv pom Koj, Tswv Ntuj thaum twg kuv pom Koj, twm zeej hauv tsev loj faj kuv tuaj xyuas? Tswv Ntuj thaum twg kuv pom Koj, Tswv Ntuj thaum twg kuv pom Koj mob nkeeg qaug txaj kuv tuaj nrog saib xyuas.
Txais: Kuv twb tsis faj tias yog Koj txom nyem ntev npaum twg los lawm. Yog kuv tau pab leej twg, ua lub siab loj siab dav, rau ib tug me npaum li cas, tus txawm tsis muaj koob muaj npe, los twb yog ua rau Tswv Ntuj xwb.
     Yog li ntawd kuv paub lawm tias, tas txhua yam kuv tau ua lawm, tsuav yog ua pab rau luag, hauv kev hlub thiab pab neeg. Tab txawm tsis yog ib yam loj, ua rau tus neeg tsis nto npe, los twb yog ua rau Tswv Ntuj xwb.
Xaus:  Nyiam Ntuj nyiam luag txaus Kaum Lo Lus.
 
 
 

096. THOV TXUAG KUV 1

(XIN GIỮ CON - 590 HCĐ)
1. Huab Tais Ntuj, kuv thov Koj txuag kuv, cia kuv hawm Koj tas kuv sim neej. Thaum ntsib kev nyuaj siab los qaug zog txhob cia kuv ncaim mus deb ntawm Koj.
Txais: Thov Tswv Ntuj txhawb kuv lub zog kom loj tsis tseg, txawm kuv yuav poob siab los qaug zog yeej tshuav kev vam. Thov Tswv Ntuj txhawb kuv lub zog kom loj tsis tseg kom kuv muaj zog, kom kuv muaj zog tiv tas mus li.
2. Huab Tais thov pab hloov kuv lub neej, kuv lub neej yuav zoo nkauj mus li. Txawm kuv ntxeev siab txawm kuv ua txhaum thov tig kuv lub siab los npuab Koj.
3. Huab Tais Ntuj, kuv thov Koj txuag kuv, cia kuv tshaj Koj lub npe txhua chaw. Txawm tuag rau luag, tas kuv sim neej, thov txuag kuv ntawm Koj mus ib sid.
 

097. THOV TXUAG KUV 2

 (XIN GIỮ CON - 590 HCĐ TP. CV Chiv txhais)
1. Huab Tais Tswv Ntuj thov Koj txuag kuv txhob pub Koj ploj hauv kuv lub neej. Thaum ntsib keb nyuaj siab los qaug zog txhob cia kuv ncaim mus deb ntawm Koj.
Txais: Thov Tswv Ntuj txhawb kuv lub zog kom loj tsis tseg, txawm kuv yuav poob siab los qaug zog yeej tshuav kev vam. Thov Tswv Ntuj txhawb kuv lub zog kom loj tsis tseg, kom kuv muaj zog kom kuv muaj zog tiv tas mus li.
2. Huab Tais thov pab hloov kuv lub neej nws yuav tshiab zoo nkauj li zoo nkauj. Txawm kuv ntxeev siab txawm kuv ua txhaum thov tig kuv lub siab los npuab Koj.
3. Tim neeg ntiaj teb thov Koj pab kuv tshaj Koj lub npe txhua txhia qhov chaw. Hnub tas kuv sim neej hauv ntiaj teb thov txuag kuv ntawm Koj mus ib sid.
 
 

098. TIM KHAWV SIB HLUB 1

(CHỨNG NHÂN TÌNH YÊU - 117 TCCĐ, 392 HCĐ)
 
1. Hnov dheev lub suab hu kuv, kom coj txoj kev ntseeg mus tseb. Ua kuv lub siab ceeb tas, qhov uas Tswv Ntuj xaiv tau kuv. Hnub Leej Ntuj Plig xaiv kuv, txij li ntawd kuv yog Koj  tus. Kom kuv mus txhua qhov chaw, tseb lub Moo Zoo rau txhua leej.
Txais: Huab Tais tas nrho kuv muab fij rau Koj: lub siab lub ntsws tas kuv txoj kev ntshaw. Txij no kuv yuav siv zog caum Koj mus, kub siab ua tus zoo tim khawv, kom txhua leej muaj kev tiaj tus.
2. Kev hlub ua kuv sia loj, txhawb kuv lub zog mus thawm xyoo. Kuv xyiv fab ntsos taug kev, Koj txiaj ntsim puv npho kuv siab. Thaud kuv nqhis qhuav siab qhawv, Koj kev hlub thiaj daws kuv nqhis. Thov Koj hlub cov qaug zog, quaj ntsuag cuag li Koj hlub kuv.
3. Coob leej txom nyem nruab siab, txhua hnub muaj kev nyuaj tsis qhia, tsis muaj twg tuaj nrog nqee, lub suab nkauj seev hlub plhws lawv, tshuav ntau leej tseem pluag tshaib, ntiaj teb tsis muaj lub suab luag, thov pub txoj kev sib hlub, kev nyuaj siab thiaj li yuav ploj. 
4. Thov pub kuv sim neej kom/ txawj hlub luag tej zoo li Koj. Thov kom kuv muaj cwj pwm, yoog Koj lub siab nyiam tos ntsoov, muab tas kuv sim neej no, ua Koj tes num sawv daws tos, txoj kev thiaj yuav ciaj sia, cuag li rev paj nyob tawg tshiab.

099. TIM KHAWV SIB HLUB 2

(CHỨNG NHÂN TÌNH YÊU - TP. CV Chiv txhais
117 TCCĐ, 392 HCĐ)
1. Hnov dheev lub suab hu kuv kom coj txoj kev ntseeg mus tseb. Cas ua kuv ceeb tas rau qhov uas Tswv Ntuj xaiv tau kuv. Hnub Leej Ntuj Plig xaiv kuv txij li ntawd kuv yog Nws tug. Kom kuv mus qhov txhia chaw tseb lub Moo Zoo rau txhua leej.
Txais: Huab Tais tas nrho kuv muab fij rau Koj/ lub siab lub ntsws, tag txoj kev ntshaw Koj. Txij no kuv yuav siv zog caum Koj mus, kub siab ua tus zoo tim khawv, kom txhua leej muaj kev thaj yeeb.
2. Kev hlub ua kuv siav loj txhawb kuv lub zog mus thawm niaj. Kuv xyiv fab ntsos taug kev nrog toj roob hauv pes qhuas Koj. Thaud kuv nqhis qhuav siab qhawv Koj kev hlub thiaj daws kuv nqhis. Thov Koj hlub cov qaug zog thiab quaj ntsuag cuag Koj hlub kuv.
3. Coob leej txom nyem nruab saib tos ntsoov los zoo lus nplij neeg. Tsis muaj twg tuaj nrog nqee lub suab nkauj see mam plhws lawv. Tshuav ntau leej tseem pluag tshaib ntiaj teb tsis muaj lub suab luag. Thov txoj kev hlub loj hlob kev nyuaj siab thiaj li yuav ploj.
4. Thov pub kuv sim neej kom txawj hlub luag tej zoo li Koj. Saib kuv puas muaj cwj pwm yoog Koj lub siab nyiam tos ntsoov. Muab tas kuv sim neej no ua Koj tes num sawv daws tos. Txoj kev hlub yuav ciaj sia cuag li rev paj nyob tawg tshiab.

100. TSIS THOV NYIAJ TXIAG

 (BƯỚC TRONG TIN YÊU - 247 HCĐ)
 
1. Kuv tsis thov nyiaj txiag, vim yog chaw ntxhov siab. Kuv tsis thov koob meej, tsam ua kuv siab nkhaus, thov muab kev nyuaj siab cev rau Ntuj txhua hnub, muab tas nrho txoj sia ua paj tshab rau Koj.
Txais:  Tswv Ntuj coj kuv mus, kuv tsis ntshai dab tsi. Txawm muaj kev sim siab los kuv yeej ntseeg ruaj. Kuv kev ntseeg ruaj nreb ua rau kuv luag ntxhi kuv lub siab kaj lug, nrog Koj kuv tsis txhawj.
 
 

101. TSO SIAB RAU HUAB TAIS KHUV LEEJ

(TÍN THÁC VÀO LÒNG THƯƠNG XÓT CHÚA
Tg: Phạm Trung - TP. CV Chiv kho)
 
1. Kuv thov Tswv Ntuj khuv leej pub ib lub siab tshiab rau kuv. Lub siab paub hlub sawv daws txawj tso yus tseg txawj zam rau luag. Kuv thov Tswv Ntuj khuv leej pub kom kuv muaj lub siab tshiab txawj ua neeg siab dav ua tau piv txwv zoo nyiam txawj khuv leej.
Txais: Kuv thov tso siab rau Tswv Ntuj txoj kev hlub. Kuv xav cav qhuas Koj tam Koj Leej Txiv lub siab kuv fij rau Koj lub suab nkauj qhuas txog Koj kev hlub tim txoj kev hlub uas kuv nco ntsoov txog Tswv Ntuj.
2. Kuv thov Tswv Ntuj khuv leej pub rau kuv muaj txhais tes zoo. Paub plhws tus muaj mob paub nplij lub neej muaj txoj kev txom nyem. Kuv thov Tswv Ntuj khuv leej pub kuv muaj siab nrog Koj mus txawj mus saib xyuas cov neeg txom nyem quaj ntsuag tsis xav ciaj neeg.
3. Kuv thov Tswv Ntuj khuv leej pub kuv muaj qhov muag txawj hlub. Txawj pom Tswv Ntuj nyob hauv cov neeg quaj ntsuag muaj kev txom nyem. Kuv thov Tswv Ntuj khuv leej pub kom kuv txawj hais lus zoo rau tus tsis muaj kev hlub tsis pom qab khaub zig rau leej twg.
 

102. TSO SIAB RAU TSWV NTUJ

(XIN PHÓ THÁC - 139TCCĐ, 142 TCCĐ2010)
 
1. Lub neej hauv ntiaj teb hloov pauv tas li. Qhov twg thiaj yog chaw rau tib neeg nyob kaj siab. Lub neej hloov tsis tseg zoo tam li nthwv huab ya. Leej twg yuav pab kuv thaum kuv ntsib txoj kev txom nyem.
Txais: Kuv tso kuv tus plig rau hauv Koj txhais tes. Koj yog tus siab ncaj thiab lub siab zoo tshaj.
2. Kuv lub neej txoj sia nyob ntawm Tswv Ntuj, yam lub caij ntuj tshiab tsis muaj hnub yuav xaus li. Lub neej ntau kev ntxhov cas yuav txom nyem ua luaj, thaum ntsib kev txhawj xeeb leej twg thiaj yuav tuaj pab kuv.
3. Kuv txoj kev kaj siab nyob ntawm Tswv Ntuj, yog qhov chaw kev hlub puv npho rau lub ntiaj teb. Leej twg coj kuv mus dhau txhua txoj kev nyuaj siab. Nyob hauv kev tsaus nti leej twg thiaj yuav coj kuv mus.
4. Txoj kev cawm tau kuv tsuas yog Tswv Ntuj, yam lub nroog ruaj khov cia rau kuv tau tuaj nkaum. Txawm muaj kev txom nyem los kuv tsis ntshai dab tsi. Vim Koj cev tes pab thaum kuv tsa suab hu txog Koj.
 

103. TSWV NTUJ HLUB KUV LOJ TSHAJ

(BAO LA TÌNH CHÚA – Tg: Gia Ân )
 
1. Tswv Ntuj hlub kuv loj tshaj, zoo li tej dej hiav txwv, ntau tshaj li cov dej ntas ntws los rau kuv lub neej. Koj hlub yam li cov nag poob los rau kuv ib txhis. Txoj kev hlub  loj tshaj, txoj kev hlub  loj tshaj. 
Txais: Koj txiaj ntsim li nag, li nag poob los ntxaum kuv txhua nrho, txhua nrho coj kuv lub neej nrog Koj, nrog Koj, mus hauv kev hlub. Yog muaj Koj nrog kuv nrog kuv Koj coj kuv mus txhua hnub txhua hmo. Koj nrog kuv mus kuv tsis ua ntsuag mus tas ib sim.
2. Txawm yog hnub hli dhau mus, Koj hlub kuv li dej ntws, sov so li duab tshav ntuj kaj rau hauv kuv lub neej. Tswv Ntuj yog txoj kev hlub coj kuv mus tas sim neej. Kuv nrog Tswv Ntuj mus, kuv nrog Tswv Ntuj mus.
3. Ib yam nthwv cua nrog huab, kuv tsa txhais tes thov Koj, pub rau kuv lub neej no, ua raws cov lus cog tseg. Sim neej no fij rau Koj. Koj xws leej niam hlub kuv, sim neej no tsis ntshai, sim neej no tsis ntshai.

104. TSWV NTUJ KEV HLUB

(TÌNH YÊU CHÚA CAO VỜI 195 TCCĐ,
264 TCCĐ 2010)
 
Txais: Tswv Ntuj  kev hlub loj tshaj plaws, kuv yuav ua Koj tsaug li cas, thiaj li tsim nyog Koj hlub, ua cas pauj tau txiaj ntsim.
1. Aw! Tswv Ntuj hlub kuv kawg nkaus, Tswv Ntuj hlub kuv ib txhis, Koj hlub kuv puag thaum ub. Thaum tsis tau muaj toj roob, thaum tsis tau muaj ntuj ntsuab, tsis tau muaj hli thiab hnub qub, hu kuv hauv txhua haiv neeg, nrhiav kuv hauv av luaj los.
2. Vim hlub kuv Koj li yeem tuag, vim hlub kuv Koj los cawm, hu kuv ua Koj phooj ywg. Txawm muaj qhov twg txhawj ntshai, coj kuv saum txoj kev mus, Tswv Ntuj nrog kuv txhua hnub hmo, vim kuv Koj raug txom nyem, kuv tseem yuav ntshaw dab tsi.
3. Kuv txaus siab muab tas lub neej, tas nrho lub cev ntsuj plig los ua Koj tus thwj tim, coj los ua Koj tim khawv, mus qhia Tswv Ntuj Lo Lus, xa Koj cov lus mus txhua qhov, kuv yuav mus txhua qhov chaw, qhia Tswv Ntuj txoj kev hlub.
 
 
 

105. TSWV NTUJ YOG KUV LUB NEEJ

(CHÚA LÀ GIA NGHIỆP - 296 HCĐ)
 
Txais: Tswv Ntuj yog kuv lub neej, thov Koj pov hwm kuv cev. Yog tsis muaj Koj kuv tsis muaj kev zoo siab, tsuas yog ntawm Koj kuv thiaj muaj kev zoo siab. Tswv ntuj yog kuv lub neej.
1. Kuv qhuas Tswv Ntuj ib txhis, vim Koj hlub coj kev qhia kev, thaum lub neej tsaus nti kuv nco Koj, Koj nyob ntawm kuv tsis ntshai dab tsi.
2. Kuv lub tswv yim hom khaj thiab kuv lub siab nyob kaj lug. Koj yuav cia kuv tau so los siav, nyob ntawm Tswv Ntuj kuv yuav ruaj siab. 
3. Tswv Ntuj qhia kuv txoj kev, yog txoj kev uas muaj txoj sia. Ntawm Koj xub ntiag kuv tau sov siab, Koj nrog kuv nyob lom zem kawg nkaus.
 

106. TSWV NTUJ YOG TUS CAWM SEEJ

(CHÚA LÀ ĐẤNG CỨU THẾ)
1. Peb tus Yes Xus tus Huab Tais uas cawm seej lub ntiaj teb no. Yog tus raug luag muab ntsia tuag rau saum tus Ntoo Cuam. Txij no rov mus mas Nws lub npe/ nyob saum lub ntiaj teb no muaj koob meej thiab nto moo mus ib txhis. 
Txais: Yes Xus Pleev peb qhuas Koj lub koob lub npe nyob ntiaj teb. Yes Xus Pleev peb hawm Koj lub koob lub npe mus ib txhis mus tsis kawg.
2. Yes Xus lub npe nrog peb nyob saum qab ntug ib tiam mus li. Cia peb lub siab sov so nyob saum ntiaj teb nrog Koj. Cia peb lub neej nrog tau Yes Xus, sau ua ib ke ruaj siab xa lo lus xa suab seev nyob ntiaj teb.
3. Nyob saum ntiaj teb sau ua ke sau ua npoj xa ncauj xa lus. Qhuas peb tus Huab Tais Pleev uas cawm ntiaj teb lub neej. Zoo siab lom zem koom siab ua pawg, nruab hnub hmo ntuj ruaj siab nrog Yes xus vam txog Nws lub hwj chim.

 

107. TUS ZOO TSWV ZOV YAJ

 (CHÚA LÀ MỤC TỬ - 84 TCCĐ – 188 TCCĐ 2010)
(TP. CV Chiv txhais)
1. Huab Tais yog tus Zoo Tswv txawj qhia kev rau kuv taug. Nrog Tswv Ntuj mus ua ke yuav tsis ntshai tus tsi. Nroj tsuag mos qas nyoos kuv tso siab lug tsis nco qab txhawj, tus dej ntws kuv haus laj kuv lub siab.
Txais: Zoo Tswv zov yaj coj kuv mus txog lub hav dej laj kuv lub siab, daws tau kuv kev nqhis. Huab Tais ! Txuag kuv hauv koj tes, pub dej laj siab nroj tsuag mos nyoos ntsuab xiab tsis txawj tag.
3. Huab Tais yog tus Zoo Tswv muaj rooj noj rau sawv daws. Huab Tais txoj kev hlub phwj yaws tam li khob cawv. Nws pub kuv muaj txoj hmoo zoo tshaj plaws nyob hauv  lub neej. Koj nrog kuv nyob coj kuv kev ib sid.
 

108. TXOJ KEV MUS CUAG TSWV NTUJ

(CON ĐƯỜNG ĐI TỚI CHÚA)
1. Txoj kev mus cuag Tswv Ntuj, Yes Xus yog tug uas coj kuv mus txog rau saum lub Ntuj, yog qhov chaw kuv niaj hnub xav mus. Yes Xus yog qhov tseeb thiab yog txoj sia, yog txoj kev coj kuv mus txog, ntawm Tswv Ntuj lub teb chaws.
Txais: Yes Xus yog chaw cia siab, Yes Xus yog tug muaj txoj sia. Yes Xus yog tug muaj kev hlub, Nws hlub Nws li tuag txhiv kuv txim. Cia kuv muaj txoj sia ciaj mus ib txhis.
2. Kuv tsis ntshai txoj kev pluag, vim Yes Xus Nws twb hu kuv, Yes Xus Nws hais rau kuv tias: Kom kuv tso txhua yam tsav pov tseg. Txoj kev cuag Tswv Ntuj li muaj kev hlub, yuav tsum hla txoj kev txom nyem, mam li txog kev tau zoo.

 

109. VAM HUAB TAIS 1  

(TRÔNG CẬY CHÚA - 223 HCĐ, 164TCCĐ2010)
 
1. Kuv tseem vam Tswv Ntuj, kuv cia siab ntsoov ntawm Koj, kuv tso siab rau Koj, ua neej hauv Koj tus duab. Thov fij rau Tswv Ntuj, siab ntseeg thiab kev cia siab hnov qab tej kev txob txhawj, kuv nrog Koj nyob kaj lug.
Txais: Kuv tseem vam Tswv Ntuj zoo li tus me nyuam pw hauv niam xub ntiag, lo lus tshua hmov. Tswv Ntuj hlub kuv ib txhis, txawm yuav los nag cua tshuab loj, kaj lug ib txhis kaj lug ib txhis.
2. Nruab xyoo hauv lub neej, ntau zaus los nag saum ntuj, kev ntshaw ua rau neeg lub siab mob kua muag ntws. Yog ntseeg tsa muag saib, saum ntuj hnub qub ci kaj, Tswv Ntuj kev hlub txhua chaw, tso moo lom zem ib txhis.
3. Yog Koj tsis tso tshav, paj yuav ua cas tawg tau, kuv tsis nyob ntawm Koj, kuv zoo li daim nplooj qhuav. Lub neej tsis muaj zog, lub neej tsis muaj dab tsi, txoj kev ua roob ua hav, yuav ua cas li mus dhau.
 

110. VAM NTSOOV HUAB TAIS 2

(CON TRÔNG CẬY CHÚA - 223 HCĐ)
(TP.CV Chiv txhais)
1. Kuv vam ntsoov Huab Tais, kuv ntseeg nws tag siab nrho, kuv tso siab rau nws, tso tas lub neej rau nws. Thov fij rau Tswv Ntuj, lub siab ntseeg thiab kev ntshaw ua kuv tsis nco qab txhawj, zoo siab lom zem tas nrho.
Txais: Tam li tus me nyuam tso siab lug pw hauv leej niam lub xub ntiag, tos nws suab nqee. Tswv Ntuj hlub peb ib txhis, tsaus ntuj hauv lub neej npaum twg, tsis txob tsis txhawj siab nyob kaj lug.
2. Ua ib sim neej nyob, yeej yuav muaj kev tsaus ntuj, tim kev haub kev ntxias, thiaj ua lub kua muag ntws. Yog muaj siab ntseeg tiag, saum ntuj hnub qub tseem ci, txoj kev hlub tsis txawj ploj, rau tus neeg ua siab loj.
3. Yog lub ntuj tsis tshav, paj yuav tsis tawg hauv vaj, tsis vam txog Huab Tais, lub neej tsis muaj nuj nqes. Yuav ua cas ceeb laj, ua lub neej kom nto ntsis, tus tso siab rau Huab Tais, muaj lub neej kaj siab lug.

111. YES XUS HUAB TAIS NTUJ

(CHÚA GIÊSU LÀ VUA TRỜI)
 
1. Yes Xus yog peb tus Huab Tais Ntuj. Peb tus Huab Tais Pleev ua Huab Tais saum ntiaj teb. Yog Tus Cawm Seej tus pab cawm neeg thiab txhiv peb txim.
Txais: Peb lub siab zoo siab hmov thiab tshua Huab Tais Pleev lub koob meej. Peb ua ke ua pab hmov thiab tshua Huab Tais Yes Xus. 
2. Yes Xus Pleev tso tas puas tsav yam. Cia peb tsoom neeg los ua ib yig sau ua ke. Tau los ua npoj nrog lub Koom Txoos nyob hauv ntiaj teb.

 

 

112. ZOO DUA

(ĐẸP THAY - 292 TCCĐ2010, 224 HCĐ)
 
Txais:  Zoo tshaj, (aw zoo tshaj ), cov tib neeg mus tseb Ntuj Lus.  Zoo tshaj ( aw zoo tshaj ), cov tib neeg mus txhua qhov chaw, ( mus tseb poob kua muag ), yuav sau hauv xyiv fab, ( mus tseb saum kua muag) yuav los hauv suab luag. Zoo tshaj plaws, cov tib neeg, ncig mus thoob hauv qab ntuj, tshaj Tswv Ntuj Nws txoj kev hlub. Tshaj xyiv fab, txoj kev cawm neeg rau txhua leej thiab txhua chaw.
1. Aw! Roob nplej dav fo cia ntuj tshav tuaj ziab, nplej muaj sia ciaj thiab nplej twb txhawv. Twg mus  saum kua muag ces twg los hauv suab seev tes puag tsuag nplej zoo siab tshaj plaws. 
2. Ntau leej siv txoj sia tuag vim txoj kev ntseeg, lub tswv yim ntshiab yuav hwm ib txhis. Twg mus saum kua muag ces twg los hauv suab seev tes puag tsuag nplej  zoo siab tshaj plaws. 
3. Peb mus thoob qab ntuj, tshaj Moo Zoo cawm dim rau txhua leej neeg nyob hauv ntiaj teb. Twg mus saum kua muag ces twg los hauv suab seev tes puag tsuag nplej zoo siab tshaj plaws.

 

KẾT LỄ

 

113. COV LEEJ CHOJ

(LINH MỤC)
 
1. Tus Leej Choj lub neej raws Huab Tais Pleev. Leej Choj qhia tseeb rau tej tib neeg. Nruab nrab saum ntuj ntiaj teb ntawm Tswv Ntuj thiab tib neeg. Cov Leej Choj mus raws Huab Tais Yes Xus. Ua tus neeg me nyob hauv ntiaj teb. Sib hlub nyob hauv ntiaj teb. Tas siab mus faib txiaj ntsim.
Txais: No cov Leej Choj lub neej nrog Huab Tais Pleev. Yog txoj kev taug tsis kawg, yog txoj kev hlub puv npho, yog txoj kev Huab Tais Ntuj pub ntiaj teb. Cov Leej Choj lub neej nrog Huab Tais Pleev. Zoo siab pab rau kwv tij, lub neej mus faib txiaj ntsim. Pub rau ntiaj teb tsis kawg, tau ib tug nrog Tswv Ntuj.
2. Cov Leej Choj sim neej zoo siab tas nrho. Txhua lub sij hawm mus faib txiaj ntsim. Xyiv fab qhia txoj kev ntseeg, siv zog mus qhia Moo Zoo. Cov Leej Choj lub neej nws hlub tib neeg. Xa suab seev, seev qhuas ua tsaug. Lub siab tas nrho mus ua, cia Tswv Ntuj tau ntsej muag.
 
 
 
 

114. KUV NTSEEG

(KINH TIN KÍNH)
 
Kuv ntseeg kuv ntseeg muaj tib tug Tswv Ntuj muaj Hwj Huam. Mas Nws muaj Peb Leeg koom ib txoj sia tiag. Tus Tswv Ntuj uas nyob pem Ntuj, Nws txhim tsa pem ntuj ntiaj teb txhua yam huv si. Kuv ntseeg Leej Ob los ua tsheej neeg thiab txhiv peb txim. Mas luag muab Nws ntsia saum tug ntoo cuam, Nws tuag lawm txog hnub peb Nws sawv rov los. Thiab nce ntuj nrog Leej Txiv nyob  ua ke. Txog hnub kawg Nws rov los txiav txim rau neeg ntiaj teb. Kuv ntseeg Leej Ntuj Plig yog Tswv Ntuj Leej Peb tiag. Thiab yog tug uas pub ntiaj teb no tau txoj sia ciaj. Kuv ntseeg Nws txhim tsa tib lub Koom Txoos los rau peb. Kuv ntseeg lub cim Ntxuav cawm tau peb txoj sia ciaj. Kuv ntseeg hnub kawg peb tau sawv rov los nrog Tswv Ntuj nyob ib txhis tas mus li. Ua li.
 
 

115. LEEJ TXIV, THOV KOJ

(LẠY CHA, XIN CHO - 321HCĐ)
 
Leej Txiv thov pub rau sawv daws koom ib lub siab. Li Koj nyob hauv kuv, thiab li kuv nyob hauv Koj. Thov Koj pub sawv daws sib koom ua ib ke, kom tas qab ntuj ntseeg tias Koj xa Kuv tuaj.
 

116. LUS UA TSAUG

(LỜI TẠ ƠN - 141 TCCĐ) 
 
1.  Lus ua tsaug xa rau Tswv Ntuj, thaum tshav ntuj tuaj ci iab, thaum lub ntuj tsaus zuj zus, zuj zus vim tej txiaj ntsim zoo li dej ntshiab, Tswv Ntuj los laub rau kuv, yuav nyob mus txhiab pua xyoo.
Txais: Peb seev suab qhuas ua Tswv Ntuj tsaug, ntxhe nrov mus puv txhua lub caij nyoog, tej kev nyuaj siab thiab kev zoo siab. Thov cev rau Koj thiab ua Koj tsaug.
2. Ncos lwg ntshiab nyob hauv duab tshav, nws zoo nkauj thiab zoo saib, ib me ntsis nws twb yaj, yuav tas. Yog ib ntshuas huab ya ya nrog cua, siv rau ntuj tsis tso cia, tab sis nws tseem nrog nyob.
3. Kuv lub neej ntshaw hauv ntiaj teb, hnov qab nrhiav txoj kev zoo, lub ntuj txav mus deb lawm, zuj zus. Koj txoj kev hlub ua coj peb kev, ob txhais tes Koj pab kuv, coj kuv txog chaw kaj lug.
 

117. THOV KEV THAJ YEEB

(KINH HÒA BÌNH- 310HCĐ223, TCCĐ2010)
 
1. Tswv Ntuj siab zoo, thov cia kuv paub hmov tshua thiab tsob hwb Koj ntawm txhua leej. Tswv Ntuj thov siv kuv ua thwj tim tshaj Koj kev thaj yeeb. Cia kuv tshaj kev hlub rau qhov sib ntxub, tshaj kev zam rau qhov raug thuam, tshaj thaj yeeb rau qhov sib txeeb, tshaj qhov tseeb rau qhov yuam kev. Cia kuv tshaj siab ntseeg rau qhov tsis ntseeg, tshaj kev vam rau qhov poob siab. Cia kuv tshaj kev kaj rau qhov tsaus ntuj, tshaj lom zem rau qhov nyuaj siab. Huab Tais! Thov Koj qhia kuv. Nrhiav txhawb  tib neeg zoo dua tau neeg txhawb. Nrhiav kom paub luag zoo dua luag paub yus. Nrhiav hlub tshua luag zoo dua luag hlub tshua. Vim thaum tso yus tseg yog thaum rov txais tau. Thaum hnov qab yus yog thaum ntsib yus tus kheej. Vim thaum zam rau luag yog thaum zam rau yus. Thaum tuag vim Ntuj ces muaj txoj sia ib txhis.
Aw! Tswv Ntuj kev hlub! Thov qhib kuv lub siab, thov hlub thiab foom hmoov zoo rau cov siab dawb nyob kaj lug.
 
 

118. THOV KEV TIAJ TUS 2

(KINH HÒA BÌNH 2 -198TCCĐ2010)
 
1. Kuv lub neej cev rau Tswv Ntuj/ xav ua thwj tim rau Koj ib txhis. Kom kuv tau mus tshaj Moo Zoo los ntawm Huab Tais Ntuj txoj kev hlub. Kuv tshaj kev hlub rau qhov sib ntxub, kuv tshaj ncaj ncees rau qhov dag ntxias, kuv tshaj thaj yeeb rau qhov ua rog. Kuv tshaj kev kaj rau qhov nyuaj siab, hauv kev sib txeeb kuv tshaj sib haum, kuv tshaj kev kaj rau qhov tsaus ntuj.
Txais: Tswv Ntuj! Thov Koj qhia kuv. Tswv Ntuj thov hloov kuv mog. Tsis tos luag txhawb tab sis txhawb luag, txhob tos luag pab tab sis pab luag, tsis tos luag hlub tab sis hlub luag. Vim thaum muab pub luag yog thaum tau txais, thaum hnov qab yus yog nrhiav tau yus, thiab thaum tso yus tseg yog thaum tau ciaj ib txhis.
 ( Xaus: Aw! Kuv tus Tswv Ntuj/ thov Koj khuv leej/ cov neeg siab zoo/ tau nyob kaj lug).
2. Kuv lub neej cev rau Tswv Ntuj, kom Leej Ntuj Plig Ntshiab xa kuv mus, kom kuv mus tshaj txoj kev hlub ua Tswv Ntuj tim khawv hauv lub neej. Qhov twg txom nyem kuv tshaj kev so, qhov tsis ntseeg siab kuv tshaj kev ntseeg, qhov raug luag hiam kuv tshaj kev ncaj. Kuv tshaj kev vam rau qhov nyuaj siab, tshaj kev cia siab rau qhov tu siab, kuv tshaj Moo Zoo rau qhov uas txhaum.
 

 

119. THOV RAU LEEJ CHOJ

(CẦU CHO LINH MỤC- 394HCĐ)
 
1. Hawm Tuam Leej Choj Yes xus, thov Koj khuv leej pub txiaj ntsim, thov qhia cov leej choj taug Koj txoj kev mus rau yav tom ntej.
Txais: Thov rau leej choj/ nyob kaj siab lug/ yog qhov pom kev/ rau lub ntiaj teb./ Thov rau leej choj/ ruaj hauv kev ntseeg/ thiab tso yus tseg/ muaj ntau koob hmoov.

120. TSHAJ LUB MOO ZOO

(ĐEM TIN MỪNG - 321 HCĐ)
 
Txais: Peb mus tshaj lub Moo Zoo, txog txhua qhov chaw. Tshaj txoj kev ntseeg Tswv Ntuj, hlub txhua leej neeg.
1. Txhua lub teb chaws, yuav seev qhuas Nws, txhua haiv neeg yuav hu nkauj qhuas Nws.
2. Nws siab ncaj tiag, ruaj ntseg ib txhis, Nws siab hlub peb ib txhiab ib txhis.
 

121. TSWV NTUJ HNUB

(NGÀY CỦA CHÚA)
 
- Hnub no peb sau ua ke hawm Tswv Ntuj. Thiab peb lus qhuas Tswv Ntuj. Peb sau los ua Nws tsaug vim puav leej txiaj ntsim Nws pub peb. Nyem no peb tuav tswv yim xav khiab peb tej txim li nqi. Tej txim uas tau qaug Tswv Ntuj. 
- Cia peb xaiv tau txoj kev nce ntuj los nyob saum ntiaj teb. Peb thov Koj pub peb tau tej txiaj ntsim cawm peb plig. Ua li peb ruaj siab nrees ntseeg Tswv Ntuj cov kev cai. Peb ntseeg Tswv Ntuj muaj Peb Leeg, Leej Ob los ua tsheej neeg. Thiab sawm khwv sawm tuag cawm ntiaj teb li plig.
- Hnub peb tau rov caj los, nrog txhim tsa ib lub Koom Txoos khov kho kom ruaj. Thiab nce ntuj nrog  Tswv Ntuj ua ib ke. Tswv Ntuj tso Leej Ntuj Plig los. Nqes los nplij cov thwj tim thiab Koom Txoos khov kho. Leej twg ntseeg Tswv Ntuj thiab txais lub cim ntxuav, thiaj li txais tau kev cawm. Ua li peb niaj hnub nrog Koom Txoos koom ua ke koom siab. Cia hnub tom ntej peb li tau txoj kev tau zoo. Ua li.

 

122. UA TSAUG

(CẢM TẠ- 230TCCĐ)
Txais: Peb sawv daws xa lus  ua tsaug. Vim tej txiaj ntsim Ntuj pub. Tswv Ntuj kev hlub puv npho. Peb thov qhuas Koj lub npe ntshiab.
1. Tswv Ntuj pub rau kuv lub neej, Koj pub kev cia siab rau kuv, sim neej muab fij rau Koj, ua tim khawv rau kev hlub. 
 

123. UA TSWV NTUJ TSAUG

(CẢM TẠ ƠN CHÚA -  173 TCCĐ2010- 266 HCĐ)
Txais: Ib sim neej kuv ua Tswv Ntuj tsaug. Ib sim neej qhuas Tswv Ntuj lub npe. Ib sim neej kuv qhuas Tswv Ntuj kev hlub. Mus ib sim nco ntsoov Nws txiaj ntsim.
1. Vim Tswv Ntuj kev hlub loj dav pab kuv lis noog zaj, nthuav tis ya. Tswv Ntuj coj kuv mus nyob hauv Nws tes tau zoo npaum twg.
2. Vim Tswv Ntuj kev hlub loj dav coj kuv dhau tej rhiab ntshai, kuv xyiv fab. Teev kua muag hlub tshua, muab cev rau Koj zoo siab npaum twg.

124. XA DUAB CI  

(THẮP SÁNG LÊN - 231 TCCĐ)
Txais: Xa duab ci pub peb los nrog Tswv Ntuj. Xa duab ci pub peb los txais txiaj ntsim.
1. Cia kuv zoo siab coj kev hlub mus rau txhua qhov. Yam li nag tshia nag txiaj ntsim Tswv Ntuj tso los.
2. Cia kuv lub siab tseb kev hlub mus rau txhua qhov. Thov xa siab ntseeg Tswv Ntuj txiaj ntsim ntshiab zoo kawg.
3. Ntiaj teb hnub no muaj ntau huab tsaus los thaiv kev. Yam li siab ntshaw kuv tus plig ncaim deb ntawm Koj.
4. Lub neej tom ntej ntsib kev nyuaj lub neej puas tsuaj. Kuv plig yuam kev thov Tswv Ntuj hlub thiab pov hwm.
 

125. XA LUS UA TSAUG

(TÁN TỤNG HỒNG ÂN -158 TCCĐ)
Txais: Thov xa lus ua tsaug Tswv Ntuj kev hlub loj tshaj, thov xa lus ua tsaug thiab suab seev xa rau Koj, Tswv Ntuj txhais tes nqa txhawb kuv, thov xa lus ua tsaug, cia kuv rau siab ntseeg Tswv Ntuj. Thov xa lus ua tsaug, Tswv Ntuj txhais tes coj kuv mus. Thov xa lus ua tsaug, Tswv Ntuj txhais tes coj kuv los. Thov xa lus ua tsaug, Tswv Ntuj pub ntuj tshiab teb tshiab. Kuv lub neej hloov tshiab, kuv seev ua tsaug, Tswv Ntuj kev hlub mus ib txhis.
1. Ib txwm Tswv Ntuj hlub kuv, Tswv Ntuj tseem hlub ib txhis. Hlub kuv xws niam puag me nyuam ntawm xub ntiag. Tswv Ntuj hlub pab kuv txhua hnub hmo.

126. XAUS LUB TXOOS

(CHỨNG NHÂN PHÚC ÂM – 228TCCĐ 250 TCCĐ2010)
 
1. Peb mus tsev vim lub txoos xaus lawm, peb lub neej yog lub txoos tsis kawg. Nqa Tswv Ntuj kev hlub mus txhua qhov, peb yuav nyob ua tim khawv zoo.
2. Peb tsis txhawj vim Tswv Ntuj Nws paub, peb yog neeg muaj ntau qhov yuam kev. Nws thiaj hlub foom koob hmov rau peb, peb yuav nyob ua tim khawv zoo.
 

127. ZAJ THOV TSHAJ NTUJ LUS

( LỜI NGUYỆN TRUYỀN GIÁO )
 
 Tswv Ntuj! Koj twb hais tias: nplej siav nras liaj, cov tub zog tsawg, thov Koj pub cov tub zog kub siab, kom Koj Teb Chaws dav txhua qhov. Tswv Ntuj thov pub rau peb sawv daws ua Koj thwj tim, qhib Koj Teb Chaws. (zaj no hais peb zaug )

 

ĐỨC MẸ

 

128. A VE MAB LIAB 1

(AVE MARIA -357 TCCĐ, 451 TCCĐ2010)
 
Txais: A ve Mab Liab peb xa lus hwm Koj. A ve Mab Liab peb xa lus hwm koj.
1. Thaum tshav ntuj dhau mus yav tsaus ntuj yuav sam lwg. Peb xa suab seev qhuas Koj A ve Mab Liab. Peb ib cuab seev qhuas Koj Mab Liab muaj koob hmoov. Mab Liab muaj txiaj ntsim Niam muaj Tswv Ntuj nrog Koj. Mab Liab Koj siab zoo, zoo tshaj txhua poj niam. Peb xa suab qhuas Koj, Niam zoo dua txhua yam paj.
2. Thaum ntuj tshav kaj lug, ntiaj teb no lom zem ntws. Peb xyiv fab lug seev qhuas A ve Mab Liab. Mab Liab Koj siab zoo txais peb cov lus thov. Cia peb sawv daws tau lom zem mus txog hnub kawg. Niam Mab Liab siab zoo thov tsa tes tuaj pab. Kev tsaus ntuj mus dhau sawv daws tau nyob kaj lug.
 

129. A VE MAB LIAB 2

(CON DÂNG LỜI CHÀO MẸ)
 
1. A ve  Niam Mab Liab peb xa lus tuaj hwm Koj. A ve Niam Mab Liab peb xyiv fab tuaj qhuas. Peb seev suab qhuas niaj hnub xa lub suab. A ve Niam Mab Liab Tswv Ntuj nrog Koj nyob tiag. Nyob hauv zeej tsoom Koj zoo dua puav leej poj, Koj lub npe zoo li rev paj.
2. Tus Tshiab xa suab qhuas nkauj xwb lub zoo hwm chim. Tus Tshiab xa suab qhuas nkauj xwb lub zoo npe. Hnub hnub hmo hmo Tswv Ntuj nrog koj nyob. Nkas Nplias Nws hais tias: Koj txhob ntshai Koj txhob ntshai. Huab Tais Ntuj txawm los nrog peb nyob nplij peb siab. Vim ua li peb xa suab qhuas A ve Niam Mab Liab.
 

130. AS LES LUS YAS

 
As les lus yas. As les lus yas. Kuv no yog Huab Tais ntxhais txib, thov muaj raws li Koj hais, thov muaj raws li Koj hais, li tus Tshiab tau hais. Al
 

131. FIJ LUB NEEJ

(PHÓ THÁC)
 
Txais: Koom siab thov muab lub neej no los fij pub. Rau Niam muaj siab zoo txawj hlub. Leej Niam! Thov pub txiaj ntsim thiab koob hmoov. Pab nrog foom kuv lub neej zoo.
1. Hnub no Koj pab kuv lub neej, Koj pab kuv coj lub neej mus. Zaj seev sib hlub sim neej no seev suab qhuas Koj Leej Niam kuv lub siab kaj lug. 
2. Ze Koj kuv lub siab tsis ntshai, ze Koj yeej tsis ntshai dab tsi. Nplooj siab sis hlub vim Koj txhawb kuv siab, kuv nrog tau Koj kuv lub neej tiaj tus.

132. HU QHUAS POJ HUAB TAIS

( CUNG CHÚC TRINH VƯƠNG -354 HCĐ)
 
1. Qhuas Poj Huab Tais tus tsis lo keeb txhaum. Koj yog Tswv Ntuj Leej Niam, yog nkauj xwb ib txhis. Qhuas Poj Huab Tais yog chaw muaj txiaj ntsim. Niam tau txom nyem muaj txiaj ntsim cawm ntiaj teb.
Txais: Leej Niam Mab Liab leej twg los Koj tau hlub txhua.  Hmoov phem rau cov tsis nco Koj txiaj ntsim. Niam Fas Tis Mas kuv ua Koj tsaug nrog siab nyiam. Kuv yuav ua zoo kom Niam thiaj tsis ntxhov siab.
2. Qhuas Poj Huab Tais muaj hwj huam tas nrho. Niam muaj Ntuj lub txiaj ntsim Koj yog Poj Huab Tais. Qhuas Poj Huab Tais muaj siab zoo siab hlub. Niam tau cawm txhua tus yuam kev txom nyem hauv lub neej.
3. Khuv leej cov neeg ntiaj teb tau ntxeev siab, ua rau mob Niam lub siab npaum li raug hmuv chob. Vam Poj Huab Tais siab loj siab dav hlub/ thiab thov Tswv Ntuj khuv leej txog peb cov neeg txhaum.
4. Kuv xav hu nkauj nrog cov tshiab saum ntuj/ thiab txhua leej neeg siab zoo hauv ntiaj teb hu qhuas Niam. Qhuas Poj Huab Tais txhua hnub thiab txhua hmo. Kuv hlub tshua Niam tas nrho kuv lub siab lub ntsws.
 
 
 

133. HUAB TAIS LEEJ NIAM

(ĐỨC MẸ MARIA)
Huab Tais Leej Niam Mab Liab, peb li poj Huab Tais nyob pem ntuj. Huab Tais Leej niam Mab Liab, Koj pab peb nyob hauv ntiaj teb no. Cia peb nyob zoo, nyob haum Tswv Ntuj li kev cai. Txoj kev nce pem ntuj yog ib txoj kev nqaim. Thov Koj pab coj peb kev kom peb yuav mus txog chaw. Peb sawv daws txhua leej uas hawm Tswv Ntuj, thiaj tau txoj kev ci kaj mus pem ntuj. Vim li peb thov Koj coj peb kev mus nrog Tswv Ntuj. Yog lub chaw tau zoo ib txhis.
 

134. HUAB TAIS LEEJ NIAM NCE NTUJ 

(MẸ CHÚA LÊN TRỜI)
Huab Tais Leej Niam tau nce Ntuj. Huab Tais Leej Niam Mab Liab mus pem ntuj. Niam Mab Liab lub cev thiab tug plig, tau ci kaj mus pem ntuj. Peb li poj Huab Tais tau ci ntsa, As les lus yas. As les lus yas, peb tug poj Huab Tais. As les lus yas.
 

135. HWM NIAM MAB LIAB 

(DÂNG MẸ - 338 HCĐ)
Txais: Hwm Niam Mab Liab Niam nkauj xwb Huab Tais Niam. Sawv daws xa suab seev xa lub neej xa lub cev. Hwm Niam Mab Liab Niam nkauj xwb Niam siab zoo. Koj yog poj Huab Tais, yog tus pab yog peb Niam.   
1. Kuv ntsuj plig lub tswv yim xa rau Niam. Yav tas los tam sim no yav tom ntej, zoo tshaj plaws kuv txaus siab mus kom txog. Saib ntawm Niam ua daim iav rau sim neej.
2. Nyiam txom nyem, nyiam mloog lus nyiam dawb huv. Nyiam lub neej taug txoj kev Huab Tais mus. Kuv zoo siab nrog Niam mus txog Tswv Ntuj. Txaus siab txo lub koob meej ua yam zoo.
3. Thov Ntuj kom kuv siab ncaj siv zog mus. Thov Niam txais tas lub siab uas kuv xa. Nyob ntawm Niam muaj txiaj ntsim pab kuv mus, pov hwm kuv zim txwv no txog thaum kawg.
 

136. KOJ NYOB ZOO MAB LIAB 

(KÍNH MỪNG MẸ MARIA)
1. Zoo siab ntau Niam Mab Liab Huab Tais Ntuj nrog Koj nyob. (Koj pab peb thov Huab Tais Ntuj pub txiaj ntsim rau peb)2
2. Nyem no sawv daws xa suab, peb tso peb tus ntsuj plig, (Muab rau hauv koj txhais tes pab peb lub chaw ruaj siab)2
3. Vim peb nyob saum ntiaj teb yog lub chaw uas txom nyem. (Pab peb sawv daws mus txog lub chaw uas peb tau zoo)2
4. Huab Tais Leej Niam nrog peb kom peb ib siab ib ntsws. (Sawv daws ruaj siab ua ke mus pem Tswv Ntuj xub ntiag)2

         137. KUV TUAJ  

(CON ĐẾN - 357 HCĐ)
 
1. Kuv tuaj txog poj Huab Tais hwj chim, xa plig xa cev xa lub siab hmov tshua. Tso rau ntawm Niam kuv lub cev me cia kuv sim neej tau nyob tiaj tus.
Txais: Leej Niam Mab Liab thov Koj txais yuav lub cev tus plig kuv xa huv si. Yuav tsum hloov siab vam khom ntawm Niam. Ruaj siab tiv nrees vim Niam ntawm Niam. Cia Niam los kav kuv taug txoj kev tshiab. Txhim tsa koob meej, teb chaws pem ntuj.
2. Thaum uas nyuaj siab kuv thov txog Niam, saum txoj kev mus tej hnub uas rhiab ntshai. Kuv paub luag ntxhi tsa muag saib Niam, lub siab cia siab ntshis nyiam hmov tshua.
 
 

138. MAB LIAB POJ HUAB TAIS

(MARIA NỮ VƯƠNG)
 
1. Mab Liab lub npe txhua qhov chaw saum ntiaj teb. Moo nto txhua qhov chaw koj kheev pab. Peb thov koj pab qhuab qhia, cia peb tau txoj kev mus pem ntuj tsis ntxhov siab. Koj pab peb nyob zoo nyob haum Tswv Ntuj txoj cai. Cia hnub tom qab peb li tau    txoj kev, mus pem ntuj nrog Tswv Ntuj nyob ua ke. Peb lub siab nyob kaj lug ib txhis.
2. Mab Liab lub siab pab sawv daws ntseeg Tswv Ntuj. Cia peb tau lub chaw uas zoo siab, peb li ruaj siab los ntseeg, peb tus Huab Tais Ntuj muaj koo meej nto moo lug. Cia peb txav txoj kev ua txhaum tig ntiag rov los. Sau ua npoj thiab sau ua ke ua ib pab. Zoo siab tuaj hawm Tswv Ntuj hnub tom ntej. Peb tau ruaj siab ntseeg saum ntiaj teb.
3. Niam Mab Liab dauv muag txais peb lub suab thov. Cia peb rau siab xa lub suab seev, tuaj thov Koj nplij peb siab. Cia peb tau ruaj siab tsi ntshai tej kev txom nyem. Koj pab thov Tswv Ntuj rau peb nyob hauv ntiaj teb. Peb thov Koj pab cov uas mus yuam kev. Sau ua npoj los nrog peb nyob ua ke. Peb tau lom zem zoo siab mus li.
 

139. MAB LIAB QHIA KEV

(MẸ DẪN LỐI ĐI)
 
Niam Mab Liab peb li Leej Niam. Niam Mab Liab qhia peb kev mus pem ntuj.  Niam Mab Liab pab peb nyob, saum ntiaj teb lub chaw zoo siab lub chaw tshav ntuj, thiab txhua hnub thiab hmo ntuj. Cia peb nco ntsoov Tswv Ntuj. Cia peb tau ruaj siab nrees ntiaj teb, Peb tus poj Huab Tais. Peb tus Huab Tais Leej Niam.  Koj pab lub chaw tiaj tus. Cia peb tau sau ua pab sau ua npoj, hawm Tswv Ntuj nyob ntiaj teb. Niam Mab Liab Koj lub npe ci kaj lug ntiaj teb no. Peb xav nrog Koj Niam Mab Liab. Peb xa suab seev Niam Mab Liab. Niam Mab Liab, Niam Mab Liab Niam Nkauj Xwb Mab Liab.
1. Mab Liab peb tus Poj Huab Tais. Mab Liab Poj Huab Tais nyob pem Ntuj.
Txais: Pab ntiaj teb li tib neeg.
2. Thiab nyob saum ntiaj teb no. Niam Nkauj Xwb Mab Liab.  
3. Mab Liab zoo li lub paj hauv hav. Mab Liab zoo li lub paj hauv dej.
4. Mab Liab zoo li lub paj tawg tshiab. Mab Liab zoo li lub paj ntshua plaim.
5. Mab Liab yog Tswv Ntuj tsev. Mab Liab yog Ntuj  qhov rooj.
6. Mab Liab pub ntiaj teb no. Cia peb tau txoj kev lom zem.
7. Mab Liab yog tug siab zoo. Mab Liab tau Tswv Ntuj koob meej.
8. Mab Liab sov siab nyiam Tswv Ntuj. Peb xa suab seev qhuas Koj koob meej.
9. Mab Liab pub peb lub neej kaj lug. Mab Liab pub peb tau lub neej zoo.
10. Mab Liab yog tug pab peb. Mab Liab yog tug pab txhawj.
11. Mab Liab txhawj ntiaj teb no/ poob dab teb tsi tau nce Ntuj.
12. Tsi kheev dab ntxias peb siab/ cia peb tsis mus txoj kev ua txim.
13. Tsis kheev peb ua txhaum Tswv Ntuj. Tsi kheev peb ua txhaum rau Niam.
14. Cia peb tau Koj hlub peb. Cia peb tau Koj pab txhawj.
15. Cia peb tau Koj qhuas peb. Cia peb tsis tso Koj tseg.
16. Nplij peb siab txhua niaj txhua hnub. Nplij peb siab nruab hnub thiab hmo ntuj.
17. Nplij peb siab saum ntiaj teb no. Nplij peb siab tsi mus ua txim.
18. Nplij peb siab cia nrog Tswv Ntuj. Nplij peb siab cia nrog Leej Niam.
19. Cia peb tau pom Tswv Ntuj. Cia peb tau pom Leej Niam.
20. Cia peb sau hawm Tswv Ntuj. Cia peb li tau nce Ntuj.
 

140. NIAM MAB LIAB NCE NTUJ

(MẸ LÊN TRỜI)
 
Txais: Niam Mab Liab nce pem ntuj. As les lus yas. Niam Mab Liab Koj nrog peb nyob, Koj pub Koj faib txiaj ntsim los rau ntiaj teb tib neeg muaj siab thov Koj.
1. Niam aw Koj tau rov ciaj nrog Tswv Ntuj nyob. Zoo siab zoo siab mus ib txhis li, thov cia kuv tau nrog Koj nyob thiab mog.
2. Niam aw Koj tau Tswv Ntuj xaiv Koj ua Niam siab zoo. Ntiaj teb cav txog Koj lub moo nto, Niam tau quaj hlub peb vim peb tsis suav hlaws.
 

141. NIAM MAB LIAB, TUS TSIS LO KEEB TXHAUM

(322 NSCTTN)
 
1. Niam Mab Liab tus tsis lo txhaum, peb cav txog Koj. Koj nrog Yes Xus muaj txoj sia nto moo lug nyob.
Txais: A-ve, A- ve, A- ve Ma- ri-a. A-ve, A- ve Ma- ri-a.
2. Saum ntuj cov neeg ntshiab cav txog Koj lub hwj chim, ntiaj teb no peb vam Koj lub npe muaj txiaj ntsim.
3. Koj Leej Tub tuaj cawm peb, peb muaj kev tso siab. Nws tuaj theej peb lub txhoj peb txais txoj siab tshiab.
4. Peb thov Koj nres lub Koom Txoos nyob ntiaj teb no thiab thov Koj pov hwm lub teb chaw uas yog peb nyob.
5. Thov Koj pab peb kom nyob ruaj hauv txoj kev ntseeg, peb thiaj muaj feem tau txais Yes Xus kev cawm seej.
6. Thov Koj pab txuag Koj tsoom tub txib ua Leej Choj. Koj thov Tswv Ntuj lub zog nres lawv kom txhob ntog.
7. Koj thov Ntuj pab lawv kom lawv lub siab nyob ruaj. Lawv thiaj yoog tau Yes Xus, txais Nws lub hwj huam. 
 

142. NIAM NCE NTUJ

(Mẹ về Trời - 332 TCCĐ)   
 
Txais: Ntuj cov tshiab dawb huv, hnub no coj Niam nce ntuj. Hnub qub ci ntsa iab, Niam ya mus, Niam ya mus, hnub ci ntsa iab Niam lub tsho kaj nrig.
1. Hauv txhua txhiab rev paj, zoo nkauj nyob thaj chaw ntshiab. Niam ci ntsa iab yam lub paj tawg tshiab, tsw ha thoob plaws saum ntuj. Niam ci ntsa iab yam lub paj kev hlub, tsw ha rau neeg txhua chaw.
2. Kuv ntsia raws cov huab, huab coj Niam mus saum ntuj kuv xav nrhiav kev, nrog Niam ya mus siab, siab ntshaw mus nyob saum ntuj, kuv xav ya plaws nrog Niam ya saum huab,  xav nrog niam nyob mus li.
3. Yam lub hnub kaj nrig, ci kaj mus rau txhua qhov. Thov Niam ci kaj kom peb lub neej zoo, hla dhau txhua yam txom nyem, thov Niam ci kaj kom kuv lub siab ntshiab, hnub kawg tau mus saum ntuj.
 

143. NIAM NPLIJ SIAB

(MẸ ỦI AN)
 
1. Niam Mab Liab nplij peb siab. Niam Mab Liab pub txiaj ntsim nplij peb siab. Niaj hnub peb tuaj txog lub chaw uas Niam Mab Liab nplij peb siab. Cia peb vam txog thaum peb tuag.
2. Niam Mab Liab peb vam Koj. Niam Mab Liab thov Koj tuaj nplij peb siab. Koj pab peb lub chaw mob lub chaw nkees Koj pab muab rho cia peb tau. Lub chaw vam ruaj siab nrog Koj.
3. Cia peb tau kev tshav ntuj.  Peb zoo siab kev lom zem kev tau zoo. Koj yog peb lub chaw thov lub chaw vam Koj cia peb tau lub chaw so. Peb sawv daws niaj hnub tos Koj.

144. PEB TUAJ HWM LEEJ NIAM

(TRÔNG CẬY MẸ)
Hnub no peb sawv daws txav tuaj hwm Leej Niam. Vam Koj Leej Niam hlub peb. Peb sawv daws qhuas Koj lub koob meej lub koob hmoov ua Tswv Ntuj Tub li Leej Niam. Koj yeem hlub, yeem pab, peb yeem tshua yeem hmov Koj. Tuaj thov Koj pab peb, peb niaj hnub xa lus xa suab seev qhuas Koj lub koob uas Tswv Ntuj muab, Koj lub koob lub npe, leej twg twb paub twb tshua hmov, peb sawv daws nyo hau hwm koj. Thov Koj Leej Niam zoo siab pab Peb. Thov Koj cev tes hlub peb cawm peb. Cia peb ua Koj me nyuam, nyob saum ntiaj teb. Peb thov Koj pab peb ua raws li Tswv Ntuj kev cai.
 

145. PEB TUAJ HWM NIAM MAB LIAB

(HÔM NAY CHÚNG CON ĐẾN THỜ LẠY MẸ)
 
Hnub no peb sawv daws tuaj sau ua ke. Xyiv fab hwm peb Leej Niam, Poj Huab Tais. Peb niaj hnub xa lub ncauj xa suab seev. Tuaj qhuas Koj nyob saum lub ntiaj teb no. Peb sawv daws tos ntsoov Koj khuv leej peb, cia peb li cim ntsoov Koj lub ntsej muag. Uas tsim tshua peb li nco, Koj lub zoo tuam koob hmoov. Uas Tswv Ntuj muab rau Koj. Vim li peb vam ntsoov Koj, hlub rau peb tej tub nyuas. Teb chaws no muaj Koj pab, tsoom tub nyuas nrog tau Koj. Hnub suam kaum yog lub chaw so tsis txawj tag.

146. QAB NTUJ LEEJ NIAM

(MẸ NHÂN LOẠI - 352 TCCĐ, 486 TCCĐ2010)
Txais: Niam Mab Liab hnub puag thaum ntxov, toj roob muaj huab tsaus pos nti, sawv ib leeg, mob siab kawg tus ntoo cuam dai nws Leej Tub.
1. Niam sawv ntsia txhua leej, tsoom tib neeg, tseem nyob hauv cov txim txhaum. Niam ntsia mus saum tus ntoo cuam, mob nruab siab nrog kev nyuaj, ntawm Leej Tub cawm dim rau tib neeg.
2. Niam twb tos ntev lawm, kom tib neeg txav deb tej kev nyuaj siab, Niam thooj siab nrog Tub tshua hmov thov txiaj ntsim thov kev hlub, li nag tshia nrog hauv neeg lub siab.
3. Niam sov siab xyiv fab txawm yog Niam lub siab raug riam hno dhau. Yav tsaus ntuj huab pos tsaus nti, tab Niam tseem cia siab ntsoov, ci kaj txhua tus plig hauv ntiaj teb.

 

147. QHUAS NIAM LUB SIAB ZOO

(NGỢI CA TRÁI TIM MẸ)
 
1. Peb sau ua ke qhuas Leej  Niam siab zoo. Peb sau ua npoj qhuas Koj yog Leej Niam. Nyob txhua qhov chaw xa lus xa suab seev. Hmov tshua peb tug Leej Niam lub zoo npe. Peb cov tub ki tos Koj foom koob hmoov. Peb tau tshav ntuj hu Koj ua peb Niam. Cia peb ib cuab ua Koj li tub ki. Peb lub cev thiab tug plig tau tshav ntuj.
Txais: Vam Koj pab peb nyob saum qab ntuj. Leej Niam nrog peb txhua hnub txhua hmo. Koj ntsej muag tshiab khiv dawb mos nyoos. Zoo xws li ib rev paj pib tawg.
2. Hnub no peb xa rev paj tawg tshiab khiv. Peb xa rev paj foom Koj li koob meej. Tsw ha hnov txhua ntxhee txias nrog suab seev. Muab xa rau tug Leej Niam lub koob hmoov. Peb xa suab seev foom Koj Niam Nkauj Xwb. Zoo siab Leej Niam peb mus lov rev paj. Muab tib huv si ua pawg tsw ha niab.  Yuav ya nrog huab cua mus txog Leej Niam.
3.  Peb siab xyiv fab tos Koj lam peb kev. Nyob saum qab ntuj tsis muaj txoj kev vam. Cia peb huv si sau los nrog Tswv Ntuj. Thoob plaws ib cuab mus txog chaw tau zoo. Thov Koj pab peb saum txoj kev ntiaj teb. Ua zoo zov tej hauj lwm nrog Koom Txoos. Peb siab sov so saum txoj kev mus tsev. Cia hnub kawg peb tau mus nrog Tswv Ntuj.
 

148. SAWV NROG LEEJ NIAM

(SỐNG GẦN MẸ)
Txais: Sawv nrog Koj mas peb lub siab xyiv fab Niam aw! Sawv nrog Koj mas peb li tau tso siab Niam aw!
1. Koj siab sov so ncaj nraim peb xav. Tsis tso nruab hnub thiab hmo ntuj. Koj pab qhuab qhia huv si, thiab txhua txoj kev txhawj, mas peb li tso siab. Mas peb tav twg, peb tshaj qhuas peb li tug Leej Niam uas  zoo siab. Koj qaws sawv daws rov muag ntsia saib pem saum ntuj, yog lub chaw tau zoo.
2. Koj siab huv si kaj lug ntse heev peem tsheej ib tug poj zoo neeg, Mas txhua qhov chaw xa suab seev qhuas Koj koob meej, Koj lo lus zoo dua. Koj nplij peb siab, txhua niaj txhua hnub, peb tseem xav tos Koj khuv leej. Cia tom qab u huv si peb tau txog pem muaj Tswv Ntuj Tub ib txhis.
 
 
 

149. THOV MLOOG

(XIN VÂNG - 460 TCCĐ 2010)
 
1.  Niam aw! sim neej peb thov nrog Niam. Npaj ib lub siab nrog Niam, thov Niam qhia peb txawj mloog Ntuj lus. Niam aw! Txoj kev no nyuaj npaum twg, kev nyuaj puv npho txhua qhov, thov Niam qhia peb txawj mloog Ntuj Lus.
Txais: Thov mloog, vam Niam qhia peb mloog Ntuj Lus, nag hmo hnub no thiab tag kis. Thov mloog vam Niam qhia peb mloog Ntuj Lus. Puas tsav hnub no mus ib txhis.
2. Niam aw! Sim neej peb thov nrog Niam npaj ib lub siab nrog Niam, thov Niam qhia peb txawj mloog Ntuj Lus. Niam aw! Txoj kev mus tsaus ntuj nti, muaj hmuv cuab ntau txoj kev. Thov Niam qhia peb txawj mloog Ntuj Lus.
 

150. THOV PAB COV NTSEEG 

(NGUYỆN CẦU CHO XỨ ĐẠO - Lm Văn Chi)
 
1. Niam aw! Cov ntseeg ntawm no thov fij tuaj rau Niam siab zoo. Thov Niam nrog txhawb nqa pov hwm thiab hlub tuav tes coj kev mus.
Txais: Niam Mab Liab thov hlub txog cov ntseeg ntawm no. Pub kev thaj yeeb koom siab sib hlub. Niam niaj hnub saib pab txhawb peb cov ntseeg ntawm no, txhua tus lub siab nyob hauv Niam kev hlub.
2. Niam hlub coj pab yaj ua ke kom tau thooj siab nrog Tus Tswv, txawm tias txoj kev nyuaj npaum twg, koom siab nyob hauv kev sib hlub.
 

 

CHƯ THÁNH

 

151. HWM COV LEEJ NTSHIAB 

(KÍNH THÁNH TÔNG ĐỒ - 374 TCCĐ,501 TCCĐ2010)
 
Txais:  Hnub no sawv daws koom siab ua ke nqua suab hu nkauj lom zem cev tas lub siab hmov tshua, qhuas cav txog cov ( tus) hauv paus xa lus ntshiab hnub no mus tas ib txhis nyob hauv Tswv Ntuj keb hlub.
1. Thaum ntawd cov Ntshiab raws lub suab hu, nrog Tswv Ntuj mus txhua neeg ntiaj teb, kom rov sib haum xeeb muaj lub suab luag zoo siab, coj kev hlub mus lom zem txhua qhov chaw.
2. Nws sawv kev mus rau txhua qhov chaw, tshaj lub Moo Zoo cawm rau txhua leej, ib sim neej tsob hwb, kom txhua leej ntsib Tswv Ntuj, thiaj tsim nyog yog Tswv Ntuj tus tub txib.
 

152. QHUAS YAWM YOS XES

(MỪNG THÁNH GIUSE)
 
Txais: Yos Xes tug nraug xwb ib txhis puag thaum hauv Has Nplas cuab li caj ces. Tswv Ntuj xaiv  thaum ntxov thaum ntej Tswv Ntuj xaiv cia pov hwm Tswv Ntuj Leej Tub.
1. Thaum ntej ub tshaj ib lo lus xa moo tias: Yog Das Vis cuab li xeeb ntxwv. Cov tub ki tawg ib rev paj zoo nkauj li rev paj tw ntses.
2. Koj lub npe tshiab thoob qab ntuj tau hnov txhua. Yog Leej Ob txiv qhuav thaum ub tau pov hwm Huab Tais Cawm Seej. Lub moo nyob saum ntiaj teb no.
 

153. RAWS COV LEEJ NTSHIAB

(NOI GƯƠNG CÁC THÁNH - 378 TCCĐ,
488 TCCĐ 2010)
 
Txais A: Suab seev ya siab xa tuaj qhuas lub koob npe/ txhua qhov zoo siab seev qhuas Tswv Ntuj kev hlub. Tswv Ntuj hlub peb thiaj pub leej ntshiab rau peb kom peb niaj hnub yoog raws li nws tos ntsoov tau mus saum ntuj.
Txais B: Peb yoog raws leej ntshiab thaum nws ua neeg nyob. Txiav siab ruaj nrees tiv dhau txhua yam txom nyem. Hmov tshua Tswv Ntuj thiab ua tim khawv mus tshaj Tswv Ntuj lub npe tom ntej mus nyob ntawm Huab Tais Ntuj.
1. Cev kuv lub siab zoo li ntshua paj tshiab. Tso koob meej mus raws koj li thaum ub. Lub siab kub lug txhua hnub rau Ntuj kev hlub. Hlub tib neeg yog ua haum Tswv Ntuj lub siab.
2. Tas peb lub siab hu qhuas cov leej ntshiab. Peb tuaj yeem txij no tsis ntshai txom nyem. Cia siab tos ntsoov hnub peb tau nrog koj nyob, zoo siab luag ntxhi nyob hauv Tswv Ntuj kev hlub.

154. SEEV QHUAS COV  LEEJ NTSHIAB

(HÁT MỪNG CÁC THÁNH)
 
Tas tsoom Leej Ntshiab tau ci ntsa hawm Tswv Ntuj. Lub suab seev zoo siab tsoom Leej Ntshiab lom zem nrog Ntuj cov tshiab nyob saum ntuj. Cov tshiab ua ke zoo siab lom zem hawm Tswv Ntuj cov Leej Ntshiab ua raws li Tswv Ntuj txoj kev. Tswv Ntuj teb chaws yog lawv li tiag. Lub koob meej cov ntshiab tau txais yog tau pom Tswv Ntuj ib txhis. Ci ntsa iab nrog Tswv Ntuj  nyob saum Ntuj.
 
 

155. SUAB NKAUJ PAJ TSHIAB

(KHÚC HÁT MỘT LOÀI HOA - 369 TCCĐ,            294 TCCĐ 2010)
 
1. Kuv yog ib yam paj nyob hauv txhua yam paj tawg tshiab. Thov seev rau Tswv Ntuj ib zaj nkauj muaj kev zoo siab. Ib zaj nkauj ua tsaug, ib zaj nkauj qhuas Koj siab zoo. Vim muaj Ntuj lub txiaj ntsim, paj thiaj li tawg zoo nkauj kawg.
Txais: Kuv yuav seev, sim neej nqua suab ua tsaug. Tswv Ntuj siab zoo kawg, muaj lub siab hlub kuv kawg nkaus. Xa suab nkauj qhuas Koj los ntawm Koj tej txiaj ntsim, lub suab seev ntxuag qeej, cav txog Tswv Ntuj mus li.
2. Kuv nug kuv lub siab, vim li cas Tswv Ntuj siab zoo. Kuv tsis muaj dab tsis, los Koj tseem hlub thiab hu kuv. Txoj kev hlub loj dav, ib txoj kev hlub txog ntuj siab. Yam li lub roob siab uas, Tswv Ntuj Nws txhais tes txhim tau.

 

 

 

156. THOV YIM NEEG NTSHIAB

(CẦU XIN THÁNH GIA - 370 TCCĐ)
 
Txais: Yos Xes nyob hauv zos txom nyem thaum ub zos Nas Xas Les, Nws tsev neeg lom zem. Ua zoo rau txhua leej tsev neeg, coj tau lub siab sib zam, hauv Nws lub neej pluag.
1. Cia leej txiv lub siab tshua hmov tag zog, ua zoo cwj pwm txhua yim neeg. Kev nyuaj npaum twg lub siab tau zoo siab, ua zoo coj kom dhau lub neej.
2. Cia leej niam tuav kev hlub hauv yim neeg, lom zem lub siab dawb siab ncaj. Muaj siab qhuab qhia tej me nyuam hlub tshua, loj hlob hauv Tswv Ntuj  kev hlub.
3. Cia tej me nyuam paub hwm thiab mloog lus, paub nyiam Tswv Ntuj hmov tib neeg. Lub siab ua zoo kom dawb huv thiaj li, tsim nyog Leej Ntuj plig chaw nyob.
 
 

157. YES XUS MUS PEM NTUJ NWS TSO LUS RAU POB ZEB

(CHÚA XÂY DỰNG HỘI THÁNH)
 
Thaum Yes Xus mus pem ntuj Yes Xus Pleev tso lus tseg rau Pob Zeb. Mas Nws tias: Kuv muab koj txawb los rau saum lub niag pob zeb no. Cia niaj hnub li ruaj nrees thiab khov kho, cia niaj hnub li ruaj nrees thiab khov kho, mas Koj tuav tej lo lus  los tseb puv ntiaj teb no, los tseb puv ntiaj teb no. Pob Zeb thiaj li hais tias: Kuv ua Koj ib los tsaug, kuv ua Koj ib los tsaug. Kuv tus Huab Tais Tswv Ntuj, kuv tus Huab Tais Tswv Ntuj.
As les lus yas As les lus yas As Les lus yas.
Zoo Yes Xus li foom tias: txij no Koj yog Pob Zeb txij no Koj yog Pob Zeb. Kuv txhim tsa Lub koom Txoos los rau saum lub zeb no. Txhua yam Dab cej ntug no ntaus tsis yeej, txhua yam Dab ntaus tsis yeej ntaus tsis Pob.Cia tom qab kuv li los qaws sawv daws mus pem Ntuj. Yog lub chaw tau zoo yog lub chaw tau zoo (Ua li)2.

 

THIẾU NHI - CHA MẸ

 

158. KUV COV PAJ TSHAB

( CỦA LỄ CON DÂNG - 509 HCĐ) 
 
1. Kuv xa paj tshab yog mloog niam txiv lus qhuab qhia. Kuv xa paj tshab, yog hlub tshua phooj ywg sawv daws, yog qhov tseeb tiag tiag, ntawm kev hlub zoo tshaj, Tswv Ntuj txais  kuv cov paj tshab.
Txais: Saum txhais tes dawb huv, muab siab dawb ua ntej, sawv daws nrog xa suab, saum lub ncauj luag ntxhi, lub suab seev qab zib, tag siab muab xa rau Koj.
1.             Kuv xa paj tshab yog mloog lus tus kws qhuab qhia. Kuv xa paj tshab, yog rau siab kawm ntawv mus ntxiv, yog qhov tseeb tiag tiag, ntawm kev hlub zoo tshaj, Tswv Ntuj txais kuv cov paj tshab. 
 

159. KUV TSIS MUAJ DAB TSI

(CON KHÔNG CÓ GÌ
511 HCĐ, 168 TCCĐ, 234 TCCĐ 2010)
 
1. Kuv tsis muaj dab tsi cev rau Ntuj. No yog tej yam me hauv lub neej, sawv nyob twj ywm yog kuv cov paj tshab, lub suab nkauj no yog paj tshab rau Koj.
Txais: Thov Koj hlub thiab mloog, Koj txais kuv tej lus, kuv cov paj tshab txawm tias me me, tab sis yog cev tas hauv nruab siab.
2. Kuv tsis muaj dab tsis cev rau Ntuj. No yog tej yam me hauv lub neej, siab dawb siab ncaj yog kuv cov paj tshab, pab niam thiab txiv yog paj tshab rau Koj.
3. Kuv tsis muaj dab tsis cev rau Ntuj. No yog tej yam me hauv lub neej, hlub tej phooj ywg yog kuv cov paj tshab, mloog tej kws qhia yog paj tshab rau Koj.
 

160. LUB XYOO THAUM TSEEM YAU XA RAU TSWV NTUJ

(TUỔI THƠ DÂNG CHÚA - 211 HCĐ)
 
Txais: Tswv Ntuj! Muab dab tsi los cev rau Koj, kuv lub neej tsis muaj dab tsi cev rau Koj, thiab kuv tsis thov dab tsi, tsis thov dab tsi txhua yam muaj nqi. Vim Tswv Ntuj Koj li yog txhua yam rau kuv.
1. Txhua yam uas kuv muaj yog Tswv Ntuj li, Koj pub kuv muaj txoj sia, thiab txhua tsav, nrog txhua yam yog Koj txhim tsa.
2. Lub neej thaum tseem yau tsis muaj kev txhawj, txhua txhua hnub muaj suab luag, nyob hauv tsev muaj txiv muaj niam nrog hlub nrog tshua.
3. Kuv xav ua  kom haum niam haum txiv lub siab, txhua hnub txhua zaj thov nrov ntxhe, nrog lub suab seev hu qhuas txog Tswv Ntuj kev hlub.  

161. ME NYUAM NYIAM TSWV NTUJ  

(THIẾU NHI YÊU CHÚA- 528 HCĐ)
 
Txais: Kuv nyiam Huab Tais Ntuj. Koj yog txoj kev zoo siab. Koj yog lub caij ntuj tshiab. Kuv thov Huab Tais Ntuj, kuv nyiam Koj tas sim neej, kuv lub siab cev rau Koj.
1. Thov Koj qhia kuv, hlub neeg thiab nyiam Tswv Ntuj. Nyiam Koj li nyiam niam txiv, hlub luag li hlub kwv tij.
2. Thov Koj qhia kuv, mloog lus thiab hwm niam txiv, ua raws cov lus qhuab qhia. Kom kuv ua neeg mloog lus.
3. Thov Koj qhia kuv, kev noj nyob kev hais lus, ua neeg siab ncaj coj zoo, ua siab dawb tsis hais dag.
4. Thov Koj qhia kuv, nrhiav kev mus hauv Koj tsev/ mus koom lub txoos teev ntuj, ua Yes Xus tus phooj ywg.
 

162. NCO POJ YAWG KOOB

(NHỚ VỀ TỔ TIÊN 2 - 176 TCCĐ,422 HCĐ)
 
1. Noog muaj zes, dej muaj hauv, neeg muaj poj koob yawm txwv  aw, neeg muaj poj koob yawm txwv, leej twg kuj tau yug los. Txiv khwv txom nyem txhua hnub, nco niam txiaj ntsim yug thiab tu yam li tus dej txhawv ntws los.
Txais: Huab Tais yog Tswv kav txhua yam, cov yawg koob tus Huab Tais. Thov cev lus zoo siab cav txog Huab Tais Ntuj lub npe. Thov cev lus cav txog Huab Tais lub npe nto moo lug.
2. Dej muaj hauv, noog nco zoov, tib neeg nco poj yawg txwv koob, tib neeg nco poj yawm koob. Nco leej niam tu me nyuam, puag rawv nqee pub mis noj, nco leej txiv mus ntxov los lig hlub txiv khwv ziab tshav tiv nag.
3. Txiv txiaj ntsim npaum roob siab. Niam kev hlub dav tshaj hiav txwv, niam kev hlub tshaj hiav txwv.  Thaum txom nyem, thaum txhawj xeeb. Suav tsis tas tej kua muag/ niam lub txiaj ntsim yug tu qhia kuv nkawd txiaj ntsim yam lub ntuj.
 

163. NYOB ZOO TSWV NTUJ KUV MUS TSEV

(CON CHÀO CHÚA CON VỀ- 525HCĐ)
 
Txais: Mam nyob zoo Tswv Ntuj, kuv rov mus tsev. Kuv yuav xyaum mloog lus, mloog niam txiv thiab kwv tij. Kuv yuav xyaum nrog luag/ sib haum xeeb hauv lub neej. Nco kws qhia txiaj ntsim, kuv yuav rau siab ntso kawm. Yuav ua tus neeg zoo, kom Koj lub npe nto.
1. Thov Koj nyob ntawm kuv/ lub neej txhua lub sij hawm. Thov Koj nyob ntawm kuv, coj kev hauv kuv lub neej. Thaum ua si hu nkauj, thaum hais lus luag ntxhi, tas nrho tej hauj lwm, kuv ua kom ntxim Koj siab.
 

164. THOV RAU NIAM TXIV 1

(CẦU CHO CHA MẸ 1 - 162 TCCĐ)
 
1. Ua Leej Txiv tsaug thov ua ntuj tsaug, pub kuv sim neej muaj niam muaj txiv. Txiv lub txiaj ntsim siab siab tshaj roob siab, leej niam kev hlub yam dej hiav txwv ntas. Kuv tsis muaj niam twg yuav qhia kuv. Kuv tsis muaj txiv tsis muaj lub tsev.
Txais: Thov rau txiv thov rau niam kom muaj zog tau zoo ib txhis. Kuv ntseeg Tswv Ntuj txoj kev hlub: Txiv kev hlub thiab leej Niam siab zoo. 
2. Niam txiv tu kuv txom nyem txhua hnub, pub kuv muaj noj muaj hnav tsis txhawj. Leej txiv qhia kom kuv txawj nyiam Tswv Ntuj, leej niam qhia kom kuv ua neej sib hlub. Txhua txoj kev khwv tsis hnov qab li yug kuv loj hlob tsis tos txiaj ntsim.
 

165. THOV RAU NIAM TXIV 2

(CẦU CHO CHA MẸ 2 - 164 TCCĐ, 229TCCĐ2010)
 
1. Thov Tswv Ntuj foom hmoov zoo rau kuv niam thiab kuv txiv, lub txiaj ntsim yam roob siab, yug tu kuv los txog hnub no. Kuv yug los ua neeg, tau zoo vim Ntuj txiaj ntsim, niam txiv txiaj ntsim tu kuv tsis ntshai txom nyem.
Txais: Thov Ntuj pub niam txiv, tau txoj kev hlub  ntawm Tswv Ntuj. Kuv nyob hauv yim neeg, ua ib tus me nyuam mloog lus.
2. Tau zoo los yog txom nyem, niam txiv yeej zoo lub siab. Leej twg txawm mus kev deb, tsis lom zem cuag li hauv tsev. Lwm hnub kuv loj hlob, tawm rooj mus ua lub neej, txawm deb luaj twg, tseem nco niam txiv kev hlub.
 

166. TXOJ KEV ME

(CON ĐƯỜNG BÉ NHỎ -521 HCĐ)
 
1. Kuv xav ua ib lub paj me, rhais nyob ntawm lub thaj txi ntuj. Kuv xav ua ib lub paj dawb, txhua hnub kuv tuaj thov Tswv Ntuj.
Txais: Huab Tais, muaj ntau txoj kev me/ ntxim hlub thiab ntsa iab/ coj mus rau saum ntuj, lub neej ua me nyuam yau yog/ rev paj tsw qab rau/ Huab Tais Tswv Ntuj tsev.
2. Kuv xav ua lub hnub qub me, niaj hmo ci nyob puag qab ntuj. Kuv xav ua li lub hnub qub, ntsia ntsoov Tswv Ntuj yam lub hnub.
 

167. XEEB TXAWM MUAJ NIAM TXIV

(CẦU CHO CHA MẸ 7 - 416 HCĐ, 229 TCCĐ 2010)
1. Kuv yug los muaj niam txiv, yog ntuj siab hiav txwv  loj dav. Hnub dhau hnub kuv loj zuj zus zoo li lub paj me nyob hauv tsev. Niam thiab txiv txiaj ntsim tu kuv loj hlob hauv lub suab nqee. 
Txais: Thov txiaj ntsim los saum txhua yim, pab niam txiv ua neej kaj siab. Tej kev khwv tawg paj txi txiv. Thov rau kuv nyob hauv yim neeg, yuav ua cas pauj lub txiaj ntsim, yuav cim ntsoov nyob hauv nruab siab.
2. Niam kua mis yug kuv loj, qhia kuv ntawm lub suab mos muag. Yog lub paj me me ntxim hlub. Kuv vam niam txiv thiaj hlob tsheej neeg. Txiv txhais tes, niam kua mis kuv thov cim ntsoov  tsis hnov qab.

168. XYOO TSHIAB ROV LOS

(XUÂN MỚI TRỞ VỀ - 426b TCCĐ, 563 TCCĐ2010)
Txais: Lub xyoo tshiab rov tig los txog. Peb sawv daws zoo siab qhuas Koj, ua Tswv Ntuj tsaug txoj kev hlub. Pub ntau txiaj ntsim xyoo dhau los, thiab pub txiaj ntsim rau xyoo tshiab.
1. Tshem tej kev nyuaj siab, thiab pub txoj kev hlub tshiab. Ntxiv xyoo txhab ib lub siab zoo, txhab Tswv Ntuj txiaj ntsim. Thov Tswv Ntuj txais peb cov lus.
2. Thov hlub txais peb lus. Kom peb tau Koj txiaj ntsim. Cia rau niam txiv, rau kwv tij, rau cov neeg siab zoo, tau noj qab nyob zoo ib txhis.

 

HÔN PHỐI

 

169. FOOM HMOOV ZOO

(VINH PHÚC THAY -452 HCĐ, 391 TCCĐ,507 TCCĐ2010)
 
Txais: Cov neeg hwm Huab Tas Tswv Ntuj, thiab taug Nws txoj kev yuav tau hmoov zoo. Neeg txais paj tshab ntawm neeg tes khwv, Tswv Ntuj yuav pub tau zoo ib txhis.
1. Tus poj niam yam tsob ntoo txi txiv, hauv nws lub tsev neeg. Cov tub ki yam li cov ntoo roj, nyob ncig nws lub phaj tsum.
2. Cov txiaj ntsim uas Tswv Ntuj tau pub, rau tus neeg hwm Nws. Thov Tswv Ntuj saum roob Xis Yoos, foom hmoov zoo rau sim neej.
3. Thov  rau nws tau nyob mus ib txhis, hauv txoj kev tau zoo. Cov tub ki coob npaum li hnub qub, noj qab nyob zoo ib txhis.
 

170. HNUB NO NTAWM ROOJ TXI 

(TRƯỚC BÀN THỜ - 457 HCĐ, 515 TCCĐ2010)
 
Txais: Hnub no ntawm thaj txi, nkawd tub nyab tuaj hais tej lus cog lus. Tswm ciab pom kev ci ntsa, xyab tsw qab paj tawg zoo nkauj, ob leeg thov koom lo lus, cia lub siab tau zoo thiab ruaj nrees ntev, thov Ntuj foom hmoov, thiab pub ntau tej txiaj ntsim.
1. Txij no tus txiv neej, yuav tso niam tso txiv, nkawd ua ib lub cev, hauv Tswv Ntuj txiaj ntsim.
2.  Ob leeg koom ib lub siab, sib pab tag sim neej. Tau zoo los yog txom nyem, ob leeg yuav sib hlub.
3. Txij no tus poj niam, sim neej hlub tus txiv, thiab nrog tu tej me nyuam, tsev neeg nyob lom zem.
 

171. MUS HAUV HUAB TAIS TSEV 1

(BƯỚC VÀO NHÀ CHÚA- 436 HCĐ)
 
1. Tuav tes mus hauv Tswv Ntuj tsev, los koom siab cog tas kev hlub, txoj kev hlub muab fij rau Koj, ib hnub zoo hauv wb lub neej. Hnub no wb tuav tes los thov, yuav nyob ua ke mus ib txhis. Lub neej no txawm yuav txom nyem, wb yuav sib hlub mus ib tiam.
Txais: Xa rau Koj yuav nyob ua ke ib txhis, wb daim ntawv nyiaj keeb puaj txwm. Thov tsis txhob sib ncaim mus li.
2. Muab txoj hmoo tso rau Tswv Ntuj, hauv lub neej muaj kev cia siab, thiab nag los saum txoj kev mus, txawm lwm hnub tsis muaj twg paub. Thov cog lus ib txhis txhob tso, Tswv Ntuj yog tus pub koob hmoov, txawm yuav mus txhua txoj kev deb, Tswv Ntuj yog tus txuas kev hlub. 
3. Wb sib hlub twb tau los ntev, thov Tswv Ntuj pab foom koob hmoov, thiab muab sau los ua ib yim, sib tuav tes mus txog hnub kawg. Wb sib hlub txhos caug ntawm no, txoj kev cia siab fij txij no, wb lub neej txawm yuav txom nyem, yuav sib hlub nyob hauv Tswv Ntuj. 
 

172. MUS HAUV HUAB TAIS TSEV 2

(TP. CV Chiv txhais)
(BƯỚC VÀO NHÀ CHÚA- 436 HCĐ)
1. Los tuav tes mus hauv Tswv Ntuj tsev koom siab cog kev sib hlub, yog zoo hnub muab txoj kev hlub hauv wb lub neej fij rau koj. Hnub no wb tuav tes los nyob ua ke lub neej txawm yuav txom nyem los txiav tsis tau wb kev sib hlub mus ib txhis kom kawg.
Txais: Wb daim ntawv nyiaj keeb puaj txwm los sib cuag muab fij rau koj thov ruaj nreb mus nto ntsis tsis muaj hnub kawg.
2. Ntshaw kom lub neej zoo txawm nws yuav tshav los yuav tsaus lub neej yav tom ntej yeej tsis muaj leej twg paub tau thov muab tso plhuav rau Tswv Ntuj yog ua tus nres, vim nws lub txiaj ntsim xwb ua kom wb txoj kev sib hlub ciaj sia hauv lub neej mus kom kawg.
3. Wb sib hlub tau ntau lub xyoo thov Tswv Ntuj pab foom koob hmoov rau wb daim ntawv nkauj ntawv nraug los sib txig coj wb los ua ib yig txawj sib hlub kom kawg. Wb txhos caug pe koj roos wb ua cav lwj sis ib nyob dhau kev txom nyem mus tas ib sid.

173. NKAUJ PAJ NRUAG 127

(THÁNH VỊNH 127 - 445 HCĐ)
 
1. Cov tib neeg uas lawv hwm Huab Tais taug Nws txoj kev tau txoj hmoov zoo, yuav tau txais txhiam xws  ntawm lawv tes khwv yuav tau ib lub neej nyob kaj siab lug. 
Txais: Zoo rau leej twg uas txo hwj chim, siab nyiam ncaj ncees ua lub siab zoo, siab tsis muab hlob hmov nyiam Tswv Ntuj. Yuav tau Tswv Ntuj Tus muaj kev hlub pub kev kaj siab lom zem txhiab xyoo yuav nyob ib txhis, nyob hauv kev hlub nrog Tswv Ntuj txiaj ntsim.
2. Lawv yim neeg tau koob hmoov puv npho, koob hmoov ntws lug nrog kev zoo siab, tub ki zoo li cov yub txiv ntoo roj. Lawv tus niam tsev yuav zoo siab luag ntxhi.
3. No yog txiaj ntsim Tswv Ntuj muab pub, rau cov neeg hwm thiab nyiam Tswv Ntuj, thov Tswv Ntuj pub lawv niaj hnub yuav pom Yes Lus Xas Les vam meej nyob mus li.               
 
 
 
 
 
 
 

174. THOV NIAM

 (XIN MẸ - 389 TCCĐ,517 TCCĐ2010)
 
1. Niam aw! Thov pab rau nkawd muaj siab ncaj ncees, Niam aw! Thov pab rau nkawd ua neej sib hlub. Sib pab mus hauv lub neej, thaum chim thaum zoo, cia ua tau ib yim neeg qhuas cav txog Tswv Ntuj.
Txai: Pub kev sib hlub tawg paj tsw ha, ua siab dawb huv rau txoj kev hlub, txo lub hwj chim xws Yim Neeg Ntshiab, ciaj nyob ib sim raws lub txiaj ntsim.
2. Niam aw! Thov pab rau nkawd muaj txoj kev ntseeg, ua iav rau txhua yim neeg sib pab sib hlub, ua raws Niam tus cwj pwm mloog Tswv Ntuj Lus, ua rau Ntuj lub Moo Zoo tau tawg paj txi txiv.

 

CẦU HỒN

 

175. AS LES LUS YAS

(ALELUIA- 487 HCĐ)
 
As les lus yas, as les lus yas Huab Tais hais tias: kuv yog kev sawv rov los thiab yog txoj sia. Twg ntseeg kuv yuav tsis tuag ib txhis. As les lus yas. 
(Chỗ gạch chân: mỗi chữ = 1 nốt  móc đơn).
 
 

176. CHAW THEM TXIM

(CHỐN LUYỆN HÌNH)
 
Hauv lub chaw them txim muaj kev txom nyem, hauv chaw khiab nqe tej plig niaj hnub quaj hu Tswv Ntuj. Tswv Ntuj siab zoo, thov daws cov plig tej txim. Cia lawv mus txog rau saum qaum Ntuj. Huab Tais Leej Ntuj Plig thov qhia peb paub, pab cawm tej plig ntawd thiab, thov qhia peb txawj txom nyem muab tej khwv fij rau Koj. Coj mus pub rau tej plig ntawd kom tau mus rau lub chaw tau zoo. Hnub Koj los tos peb sawv daws tau sib ntsib ua ke, xa suab qhuas peb hawm Koj mus ib Txhis.
 
 

177. LUB CEV  YOG PLUAS PLAV

(THÂN XÁC LÀ CÁT BỤI)
 
Txais: Peb yuav nco tias peb cev nqaij no yog pluas plav. Nej yuav nco ntsoov lub cev no yuav ua av. Ntsawj cua tim toj dhau xw twb ya tas lawm. Vim yog pla tshauv thaum ntawd twb nrog cua ntsawj
1. Txawm zoo ua luaj twg muaj hnub ce twb paub puas. Txawm zoo li paj tshiab, yuav puas nrog av lwj thiab. Zoo siab lo yuav yaj siab dub lo yuav lwj. Hnub qab yuav vam li muaj tau zoo
2. Txawm nplua nuj luaj twg, muaj hnub ces twb paub pluag. Txawm yuav ntse npaum twg, yuav mus nrog av luaj pw. Nyob tsev kaum ob theem, muaj koob nto moo lug. Hnub qab xav tias yuav ruam ua luaj.
3. Thim rov qab los muab tso plhuav tseg txhob nco txog. Vam Tswv Ntuj Leej Peb yuav ruaj nrees khov rau peb. Thov Ntuj zam peb cov txhaum uas peb tau ua dhau. Mob siab ntxub txog cov txhaum thaum ub.
 

178. NKAUJ SIB NCAIM

(BIỆT KHÚC – 458 HCĐ)
 
1. Thaum kuv pw xyab tes ncaj, hais dab tsi thaum ncaim, yuav ua cas kom txhob quaj, txhob hu npe tus uas tau ncaim, lub cev zoo li daim nplooj, uas twb zeeg, tsis txhob chim mog, vim kuv mus tsis yog sib ncaim, kuv tuag tsis yog yuav yaj.
Txais: Kuv ncaim mus, mus nrog Tswv Ntuj, txoj sia tsis ploj, tsuas yog sib hloov, tiam neej no, tsuas muaj li ntawd, cia lwm tiam mam nyob ua ke.
2. Yav tas muaj kuv nrog nej, tau zoo thiab txom nyem, tsis muaj tsawg hnub sib hlub, cas hnub no ho sib ncaim lawm, hnub no kuv mus pem ntuj, thov txhua leej, xav rau lub neej, txawm tau zoo los yuav dua sai, ua neej zoo thiaj tsim nyog.
3. Tib neeg tsuas txog puas xyoo/ txawv li tus dej ntws/ leej twg los muaj caij xaus/ dhau zuj zus ces yuav tuag mus/ ncaim mus yam tsis nco faj, lub caij nyoog, leej twg paub txog, yuav tsum npaj, tos ntsoov Tswv Ntuj/ tuaj hu  txaus siab hlo mus.
4. Kuv ntseeg Tswv Ntuj kev hlub, txais kuv hauv txhais tes, lub caij thaum kuv pw nthi, lub hnub ci, tuaj tim npoo ntuj, kuv ntseeg Leej Txiv txoj kev/ hlub tshaj plaws, tsis suav kuv txim, kuv lub siab luag ntxhi ntawm ncauj, kuv seev qhuas mus ib txhis.
 

179. NTAWM CHAW TSAUS NTI

(TỪ VỰC SÂU -463 HCĐ, 531 TCCĐ2010)
 
Txais: Ntawm lub chaw tsaus nti, kuv thov Huab Tais Tswv Ntuj! Ntawm qhov chaw txom nyem, kuv tos ntsoov Koj teb kuv.
1. Huab Tais yog Koj suav txim, tsis muaj tus yuav tau zoo. Leej Txiv siab dav zam txhaum, txhua leej yuav ntseeg hawm Koj.
2. Kuv ntsia ntsoov vam Huab Tais, kuv tus plig cia siab ntseeg. Kuv ntsia ntsoov vam Huab Tais, ruaj siab ntseeg lo lus cog.
3. Tshaj tus zov hmo tos hnub, kuv plig saib Koj tsis so. Tshaj tus zov hmo tos hnub, cia siab vam  tos Tswv Ntuj.
 

180. PAJ TSHAB CIA SIAB

(CỦA LỄ CẬY TRÔNG - 461 HCĐ, 536 TCCĐ2010)
 
1. Cev rau Tswv Ntuj tus kwv tij tau ncaim mus lawm. Thov cev rau koj tus kwv tij uas los nrog Koj. Nyo hau thov Koj hlub, pub hwj chim duab ci, kom tus ncaim mus, mus txog qhov chaw kev hlub.
Txais: Thov cev rau Koj tas nrho kev vam, thov cev rau Koj txoj kev cia siab, lub neej ntseeg ruaj khov dhau los. Thov Tswv Ntuj txais kuv tus kwv tij, uas ncaim mus tsuas ntshaw tau ib yam,  yog nrog Tswv Ntuj nyob ib txhis.
2. Thov cev rau Koj qhov paj tshab cawm neeg ntiaj teb. Thov cev rau Koj yog paj tshab lub hau txiaj ntsim. Thov zam nws tej kev tau ua yuam yav tas, cia tus kwv tij tau nyob ib txhis saum ntuj.
 

181. SIS HLOOV TSHIAB TXOJ SIA

(SỰ SỐNG THAY ĐỔI – 470 HCĐ,540 TCCĐ2010)
 
1. Txoj sia no tsuas sib hloov xwb nws tsis ploj, thaum pw ntog txoj sia tu lawm, qhov muag qe nkaus pom lub neej tshiab. Tag sim neej yuav tsis tshuav kua muag suab luag, tab kuv ntseeg tias nyob hauv Tswv Ntuj tsis muaj kev chim muaj kev zoo siab.
Txais: Txoj sia tsis ploj tab yog sib hloov, twb dhau ntu uas ciaj ua tib neeg. Txawm ciaj los tuag yuav ntseeg tom ntej, txoj sia tsis ploj tab yog hloov xwb.
2. Lub neej no zoo li paj tawg rov qab ntsws. Tshav ntuj tuaj ces hmo tas lawm, huab tsaus puv ntuj ces tsis muaj tshav. Lub neej no muaj ntau zaus xa suab tu moo, tab sis kuv ntseeg nyob ntawm Tswv Ntuj tsis muaj sib ncaim, tsis muaj sib cais.
3. Lub neej no hnub tsis ntev hmo twb los txog. Nplooj zeeg ces caij nyoog twb hloov, lub sij hawm dhau sai li huab ya. Ib sim neej tsis tau ntev twb txog hnub kawg, tab sis kuv ntseeg nyob ntawm Tswv Ntuj, tau nyob ib txhis tau zoo mus li.
4. Txoj sia no log hauv ntxa los yuav tsi poob. Tswv Ntuj hlub tas puas tsav yam, tsis xav kom neeg lwj mus ib txhis. Tiam neej no, leej twg ntseeg Tus Muaj Txoj Sia, lwm hnub sawv rov los hauv Tswv Ntuj, tau nyob kaj siab mus tas ib txhis.
5. Lub neej no muaj ntau yam hloov nrog huab cua. Tsuas muaj ib yam tsis txawj hloov yog Huab Tais Ntuj lub siab hlub neeg. Hnub tso lub ntiaj teb tseg nrog av luaj quas, hnov ntuj lub suab yam lub suab nqee, Tswv Ntuj siab zoo   txais tus plig no.
 
 
 

182. THOV TSWV NTUJ KHUV LEEJ

(XIN CHÚA THƯƠNG - 467HCĐ)
 
1. Nov peb cev tej lus thov Tswv Ntuj. Peb cev tej kev txom nyem rau Tswv Ntuj, cia los them rau txhua tus plig,  kom dim ntawm lub chaw them txim, coj lawv mus txog ntawm Tswv Ntuj.
Txais: Thov Tswv Ntuj khuv leej (Mab Liab, …). Thov Tswv Ntuj khuv leej (Mab Liab,…) thiab zam nws cov txhaum saum neej. Thov Tswv Ntuj khuv leej (Mab Liab,…). Thov Tswv Ntuj khuv leej (Mab Liab,…) coj nws mus tau zoo ib txhis.
2. Ntawm no teev kua muag hlub tus ncaim/ thiab txhua yam kev chim siab thaum sib ncaim, cia los them rau txhua tus plig,  kom dim ntawm lub chaw them txim, coj lawv mus txog ntawm Tswv Ntuj.
 
 

 

183.TSWV NTUJ YUG KUV (1)

(CHÚA CHĂN NUÔI TÔI - 79 TCCĐ, 146 TCCĐ 2010, NPN 22, NSCTTN 430)
 
Txais: Tswv Ntuj yug kuv, kuv  tseem tshuav dab tsi. Tswv Ntuj zov kuv, kuv yuav tsis ntshai dab tsi txhawj  dab tsi.
1. Koj coj kuv mus txog ntawm lub tshav zaub mos. Koj coj kuv mus so ntawm tus dej laj siab. Kuv noj tsau haus txhua yug kuv tus ntsuj plig.
2. Saum txoj kev kuv mus, Tswv Ntuj coj kuv kev. Txawm hla roob hla hav los hla kev tsaus ntuj. Kuv tso siab tsis ntshai Tswv Ntuj nrog kuv nyob.
3. Koj npaj ib rooj qav nyob ntawm kuv xub ntiag. Koj pleev tshuaj tsw qab rau saum kuv taub hau. Kuv zoo siab tshaj plaws, Koj hlub kuv tug plig.
4. Tas kuv sim neej muaj Ntuj txiaj ntsim nres kuv. Koj yog tus Huab Tais uas muaj lub siab hlub. Kuv zoo siab tas nrho  tau nyob ntawm Koj tsev.
 

 

184. TSWV NTUJ YUG KUV (2)

(CHÚA CHĂN NUÔI TÔI - TV22 - Tg: Phan-xi-cô)
 
Txais: Tswv Ntuj yug kuv/ Tswv Ntuj yug kuv/ Nws coj kuv mus dhau txhua txoj kev. Nws coj kuv mus/ saum roob siab cua tuaj/ laj ntxiag. Zoo siab txais txiaj ntsim/ tsis ntshai txoj kev tsaus ntuj.
1. Nws coj kuv mus/ hauv lub vaj txiv ntoo saum roob. Nws coj kuv los/ yam nthwv cua hiav txwv tshuab huab ya. Tswv Ntuj npaj rau kuv rooj qav tsw qab. Nws laub rau kuv khob cawv tsw ha tshaj. Nws muab roj tsw qab pleev/ rau kuv.
2. Kuv siab tsis txhawj/ thaum nyob hauv yeeb ncuab txhais tes. Kuv siab kaj lug/ txawm mus hauv kwj ha tsaus ntuj nti. Nrog Tswv Ntuj mus kuv tsis ntshai ib txhis. Vim muaj Tswv Ntuj kuv zoo siab txhua hnub. Kuv sim neej yuav nyob hauv/ Nws tsev.
3. Kuv sim neej muaj/ ntau kev zoo nrog kev nyuaj siab. Txhua tiam dhau los/ lub sij hawm tig mus tsis txawj kawg. Kuv lub neej no tseem ntshaw noj ntshaw hnav. Kev txhawj cev nqaij ua hnyav kuv tus plig. Koj twb paub tas nrho kuv/ sim neej.
4. Txawm yuav txom nyem/ kuv ntseeg tias Ntuj twb npaj tseg. Lub siab tsis chim/ vim ntuj tsaus dhau ntuj kaj yuav tuaj. Kuv zoo siab vim lub neej tsis ua ntsuag, txawm kev yuav deb muaj Tus coj kuv mus. Kuv sim neej yam huab ya/ saum ntuj.

THÁNH THỂ

 

185. HAWM CIM YUG 

(THỜ LẠY THÁNH THỂ)
 
1. Peb txhos caug hawm lub Cim Yug. Huab Tais Yes Xus yug peb plig. Cia tom ntej peb tau lub chaw. Ci ntsa iab nyob puag saum ntuj.
Txais: Huab Tais Yes Xus Pleev Koj zais Nqaij Ntshav nyob hauv Cim Yug. Huab Tais Yes Xus Pleev Koj zais Nqaij Ntshav hauv lub ncuav mov.
2. Lub Ncuav Mov kheej thiab dawb huv, Huab Tais Yes Xus foom lus zoo. Txia los ua Cim Yug rau peb. Yug ntiaj teb tib neeg ntsuj plig.
3. Cim Yug yog Yes Xus Nqaij Ntshav, peb ruaj siab ib siab ib ntsws. Xav txais Nws lub Cev yug peb. Yog Yes Xus yug peb ntsuj plig.
4. Yes Xus Pleev tsa lub Cim Yug, muab los rau ntiaj teb tib neeg. Nws txom nyem tuag saum Ntoo Cuam/ txhiv ntiaj teb tib neeg lub txim.
5. Peb cev lus thiab xa suab seev, hawm Yes Xus hauv lub Cim Yug. Xws li thaum nyob hauv lub chaw lub vaj ntoo hu ua Ntoo Roj.
 
 

186. HAWM CIM YUG 2

(CHẦU MÌNH THÁNH 2)
 
1. Hawm Tus Zoo Huab Tais Leej Pleev, nyob hauv phav rooj txi. Nraim cev hauv lub ncuav mov, nraim cev hauv Cim Yug, kuv ntseeg thiab kuv tus plig, ua ib ke hmov Koj, xav txog Koj lub hwj chim, kuv yog tus neeg me.
2. Sab nraud saib tsi pom dab tsi, tab kuv ntseeg ruaj nrees. Vim muaj Koj tej lus qhia kuv siab tau tiaj tus. Kuv raws txoj kev Koj qhia, xyab tes siv zog ua, Koj lus qhia kev yog tiag coj nrhiav txoj kev zoo.
3. Thaum Koj nyob saum lub ntiaj teb, nraim Tswv Ntuj lub zam. Nyem no lub zam twg tsis tau nthuav tawm los pom, kuv ntseeg Tswv Ntuj  Leej Ob, hnav tib neeg cev nqaij, kuv xav xws tub sab thaud xav mus kiag pem ntuj.
4. Nyem no xws zoo Tos Mas thaum, tsis nuam saib qhov txhab. Mas kuv ntseeg Koj rov ciaj, kuv ntseeg tiag tiag li. Pes tsawg txiaj ntsim Koj pub, cawm tej tuag li plig, daws. Tas txhua yam txim huv si nyob thaj yeeb taj tus.
5. Rooj qav zoo ua tau ntawm no, Tswv Ntuj txheev txog peb. Yam noj pub txoj sia ciaj tau rov ciaj ib txhis, peb yuav mloog Tswv Ntuj hu, txog noj pluas tshoob no, sov siab tau txais Cim Yug, tau xyiv fab puv nkaus, ua li.
 

187. HAWM CIM YUG 3

(CHẦU MÌNH THÁNH 3)
1. Yog zoo Huab Tais Yes Xus, tsim qhuas zoo dua ntais. Tswv Ntuj zais Nws lub cev nyob hauv lub ncuav mov, niaj hnub nyob hauv Cim Yug thiab tseem nyob pem ntuj, cia tos sawv daws tuaj txais Koj los hauv nruab siab.
2. Yog zoo Huab Tais Yes Xus, vim hlub neeg ntiaj teb, tso lub hwj chim pem ntuj nqes los rau ntiaj teb, ua lub neej raug txom nyem, puv peb caug peb xyoos, raug ntsia saum tus ntoo cuam Koj thiaj zoo lub siab.
3. Peb tus Huab Tais Yes Xus, yog tus muaj hwj huam. Peb ntseeg Koj yog Tswv Ntuj tus ib txwm muaj nyob. Vim hlub txog peb tib neeg, tsis xav tso peb tseg,  tsim lub Cim Yug tseg cia nrog peb nyob txhua hnub.
4. Yog lub Cim Yug tsim cia, peb saib yog ncuav mov, tab yog Huab Tais Yes Xus li zoo nqaij ntshav tiag, thaum leej choj ua lub txoos, hais tag Nws tej lus, ncuav mov thiab cawv txia ua Yes Xus cov nqaij ntshav.
5. Peb tus Huab Tais Yes Xus, yog Tswv Ntuj Leej Tub. Tsis pom muaj leej Txiv twg muab Nws nqaij yug nyuam. Peb saib tus zoo Yes Xus, Nws hlub peb npaum twg, tuaj yeem muab Nws nqaij ntshav los yug peb ntsuj plig.
6. Peb tus Huab Tais Yes Xus, tus muaj lub siab ntev. Muab Koj cov ntshav ntws los ntxuav peb plig kom huv. Vam Koj ib tee zoo ntshav, twb txaus cawm peb plig, ua rau peb tau txoj sia ciaj mus tas ib txhis.
7. Peb tus Huab Tais Yes Xus, pub peb siab nyiam Koj, thiab muaj lub siab ntseeg Koj, vam Koj tej txiaj ntsim. Thov Koj siab ntev khuv leej, cawm peb dhau ntiaj teb, tau nrog cov zoo Leej Ntshiab qhuas Koj tsis txawj tas, ua li. 

188. HAWM LUB CIM YUG

(NGẮM MÌNH THÁNH CHÚA - 558 HCĐ)
 
1. Peb hawm Cim Yug saum thaj txi ntuj, yuav hais li cas thiaj txaus lub siab. Huab Tais saum ntuj, nqes los ntiaj teb. Kuv siab ntseeg hmov, hnov qab sij hawm.
Txais: Aw! Yes Xus nto koob meej. Kuv tos ntsoov nyob kaj lug. Koj nqaij ntshav yug cawm ntsuj plig: Yug peb ntsuj plig puv npho mus li.
2. Peb lub siab hmov, txhos caug ntsiag to, hawm lub Cim Yug tso tej kev txhawj, ntiaj teb txhua hnub, puv npho txiaj ntsim, pes tsawg kev nyuaj, lub siab kaj lug.
3.  Tswv Ntuj kev hlub qab zib tshaj plaws. Koj niaj hnub nyob ze peb sawv daws. Thov Tswv Ntuj hlub nyob hauv peb siab. Kuv nyiam Tswv Ntuj, kuv tos Koj xwb. 
 
 

189. NCUAV CIAJ SIA

(TA LÀ BÁNH HẰNG SỐNG- 99 TCCĐ, 217 TCCĐ2010)
 
Txais: Kuv yog mov ciaj sia, yog mov nqes saum ntuj los. Kuv yog mov ciaj sia, twg noj yuav muaj txoj sia.
1. Kuv lub cev yog txhiam xws noj, kuv cov ntshav yog yam zoo haus. Twg txais mus noj yuav tsis nco qab tshaib, twg txais los haus yuav ciaj ib txhis.
2. Kuv lub cev yog txhiam xws noj, kuv cov ntshav yog yam zoo haus. Twg tsis txais Kuv lub Cev thiab cov Ntshav, yuav tsis muaj txoj sia nyob mus li.
3. Kuv lub cev yog txhiam xws noj, Kuv cov ntshav yog yam zoo haus. Txawm lub ntiaj teb yuav rov hloov dua tshiab, Tswv Ntuj Lo Lus tseem nyob ib txhis.
 

190. PE HAWM

(CON THỜ LẠY - 550 HCĐ)
1. Kuv txhos caug pe hawm Yes Xus hauv Cim Yug. Hlub tib neeg Koj nraim cev hauv ncuav mov. Yug kuv plig txhua hnub. Cia peb tau zoo siab. Xa rau Tswv Ntuj zaj seev zoo kawg nkaus.
Txais: Kuv lub siab ntseeg ib tug Tswv Ntuj. Ntiaj teb muaj ntau txhua yam kev ntshai. Vam ntsoov Tswv Ntuj pub txiaj ntsim hla dhau. Sim neej kuv ntseeg Koj txoj kev hlub. Niaj hnub nqua suab cav txog Tswv Ntuj. Txawm nyuaj npaum twg, yuav ruaj siab ntseeg.
2. Koj nyob hauv ncuav mov, yog txiaj ntsim hmov tshua, pub rau peb tib neeg tsis txawj tag li. Kuv thov Koj txhua hnub. Hlub cov neeg qaug zog, daws txhua yam txhaum thaum ub txog nyem no.
 

191. PEB TUAJ NO

( ĐOÀN CON ĐẾN ĐÂY – 546 HCĐ)
 
1. Peb tuaj ntawm no qhib lus thov Koj. Niaj hnub hmov tshua kuv tus Huab Tais Ntuj. Tau nrog Koj nyob zoo siab tshaj plaws. Tus plig zoo siab txhua hnub  tsis nco txhawj.
Txais: Cev peb txoj kev hlub rau Koj. Ntseeg ntawm Koj ruaj nrees khov kho. Muab tas lub siab coj cov yaj yuam kev, los nrog Koj txais ntau yam kev hlub. Cev peb txoj kev hlub rau Koj. Ntseeg ntawm Koj ruaj nrees khov kho. Yuav txog thaum twg li tas kuv lub neej, los nrog Koj  tau nyob zoo saum ntuj.  
2. Thov Huab Tais Pleev hlub neeg ntiaj teb. Nyem no rov pub txiaj ntsim tau tiaj tus. Thiab tsom kev rau cov yaj yuam kev, koom ib lub siab nrog Tswv Ntuj siab zoo.
 

192. TSWV NTUJ HU

(CHÚA GỌI- 556HCĐ)
1. Cov ntsuj plig mloog Tswv Ntuj Lus. Yes Xus siab hlub tshua puv npho. Yes Xus siab hlub tshua txhua hnub:  Ntuas kuv txhob ua tus xyem xyav.
Txais: Huab Tais nyob saum ntuj thiab muab cev/ ntaj ntsug rau peb vim hlub tib neeg. Peb neeg ntiaj teb muaj lub siab me/ tuaj pe hawm xa lub siab hmov tshua. 
2. Cov ntsuj plig uas tseem muaj txhaum. Tsuag tsuag rov los nrog Tswv Ntuj. Thov Koj khuv leej peb lub neej/ muaj txhaum kom los nyob kaj lug.
 

193. TSWV NTUJ KEV HLUB

(ĐÂY LÒNG CHÚA ÁI TUẤT -548 HCCĐ)
 
1. Tswv Ntuj siab zoo hlub peb sawv daws. Khuv leej txim neeg nyob hauv kev txhaum. Muab Nws Nqaij Ntshav yug peb cev plig, niaj hnub pub peb muaj ntau txiaj ntsim.
Txais: Peb thov nyo hau txhos caug hawm Tswv Ntuj,  thiab xa peb lub siab ncaj ncees rau Koj, txij no txiav siab cia nyiam Tswv Ntuj, nyob hauv ntiaj teb thiab nyob saum lub ntuj.
2. Yes Xus nyob rau hauv lub ncuav mog, txawm kuv tsis pom yeej ruaj siab ntseeg. Nov yog Tswv Ntuj Leej Tub Nqaij Ntshav, Koj yog Vaj kav tsoom vaj ntiaj teb.
 

194. TSWV NTUJ LUB SIAB

(ÔI THẦN LINH CHÚA- 229HCĐ, 108TCCĐ)
 
Txais:  Huab Tais Tswv Ntuj! Koj lub siab zoo. Vim hlub tib neeg nyob hauv lub ntiaj teb, pub ncuav tsw ha, yug peb ntsuj plig tus muaj tus pluag tau noj tsau npo.
1. Nov yog cov mov Koj yug sawv daws lub siab. Koj pub peb noj cov mov qab li zib ntab, peb cav txog Koj, Huab Tais tus cawm txhua leej. Qhuas His Xas Lais tus Huab Tais Tswv Ntuj.
2. Nco txog thaum ub, haiv neeg Hes Plaws rov los, tau noj Mas Nas los yug tas lawv txoj sia. Nyem no peb qhis tau txais Leej Pleev lub Cev. Hu qhuas Tswv Ntuj yog tus muaj siab dav.
 

195. YES XUS LUB NPE ZOO 391 NSCTTN

(GIÊ SU CHÍ NHÂN- 383 TCTH1 ĐCV)
 
1. Yes Xus Pleev lub npe zoo tas nrho. Leej Twg hnov lawm yeej kim caug hawm. Nws yog Tswv Ntuj uas nqes tuaj cawm sawv daws kom dim ntawm txoj kev tuag.
2. Yes Xus Pleev lub npe muaj hwj huam, Nws npo peb dim ntawm txoj kev txhaum. Nws yog tus uas hlub peb kawg nkaus. Nws tuaj yeem tuag cawm peb kom dim.
3. Yes Xus Pleev lub npe muaj hwj chim. Dab phem hnov lawm yeej txav tsis ti. Nws raug luag nkaug vim peb lub txim, tiam sis Nws rov txais kev yeej lawm.
4. Yes Xus Pleev lub siab zoo tas nrho. Nws hlub peb ib tsoom neeg sawv daws. Peb zoo siab txais Yes Xus los hawm ua peb sawv daws yus Huab Tais mog!

CHÚA THÁNH THẦN

 

196. LEEJ NTUJ PLIG 1

(THẦN KHÍ CHÚA - 492 HCĐ, 179 TCCĐ,             252 TCCĐ 2010)
 
Txais: Leej Ntuj Plig twb kom kuv mus, kom kuv mus tshaj Lub Moo Zoo. Leej Ntuj Plig hloov kuv lub siab, kom kuv mus Nws kom kuv mus.
1. Kom kuv mus hlub neeg txom nyem. Kom kuv mus saib cov raug txim. Tshaj Moo Zoo cawm dim, Tswv Ntuj cawm kuv lawm. 
2. Kom kuv mus saib neeg ntsoj ntsuag. Kom kuv mus pab neeg txom nyem. Tshaj Moo Zoo nplij lawv, Tswv Ntuj cawm kuv lawm. 
 3. Kom kuv mus txhua lub teb chaws. Kom kuv mus thoob txhua haiv neeg. Tshaj Moo Zoo txhua qhov, Tswv Ntuj cawm kuv lawm.   
 

197. LEEJ NTUJ PLIG 2

(CHÚA THÁNH THẦN)
 
1. Leej Ntuj Plig Ntshiab nqes los nplij peb siab. Xa txiaj ntsim nqes los ntiaj teb no. Mas pab peb ruaj siab vam Tswv Ntuj. Qheb suab seev nruab hnub hmo ntuj.
2. Thiab cuab zog pab caum dab khiav mus. Raws niag ntxwg nyoog khiav mus rau hauv ub. Mas peb vam Tswv Ntuj txiaj ntsim pab. Cia peb tsis ntshai txhua tus dab phem.
3. Tau nyob kaj siab lug thiab ci ntsa. Pub Tswv Ntuj lub txiaj ntsim rau peb. Cia peb tau ruaj siab saum ntiaj teb. Cia peb ntseeg Tswv Ntuj txoj cai mus li.
4. Peb koom siab tuaj thov Huab Tais Leej Txiv. Peb ntseeg Leej Ob nqes los ntiaj teb no. Los txhiv peb cov txim thoob ntiaj teb. Vim Peb Leeg Ib Tug Tswv Ntuj xwb.
5. Suab seev hawm Huab Tais Peb Leeg Ib Tug. Peb ntseeg Leej Ob nqes los ntiaj teb no. Nws tuaj yeem txom nyem tuag cawm peb. Xa txiaj ntsim rau peb ntseeg Tswv Ntuj. Ua li.
 

198. LEEJ NTUJ PLIG NTSHIAB, TUS TSIM

(306 NSCTTN)
 
1. Leej Ntuj Plig Ntshiab, tus tsim txhua tsav txhua yam, Koj los nyob hauv cov neeg vam txog Koj. Koj coj Ntuj lub txiaj ntsim los daws peb tsoom neeg txoj kev tshaib nqhis kom peb tau nyob kaj siab lug.
2. Koj yog Leej Nplij Neeg, yog Ntuj lub txiaj ntsim nqes los qhwv peb lub siab ntuag kom zoo. Koj yog qhov dej txhawv, yog hluav taws, yog kev nyiam. Thov nqa Koj cov roj ntshiab los pleev peb tus plig.
3. Thov pub Koj lub zog nres peb kom ntseeg ruaj. Leej Txiv tau cog lus yuav xa Koj tuaj nthuav ntuj lo lus los rau hauv peb lub tswv yim, tuaj tshoj peb siab ntsws kom peb txawj hais txawj qhia.
4. Koj yog qhov pom kev kaj lug ci ntsa iab. Thov Koj tuaj kaj cov maub kev tsaus ntuj. Koj hwj peb lub cev qaug zog kom sawv ruaj qhov. Koj txhab zog rau peb tus ntsuj plig uas ntshaus ntsho.
5. Yam tsis huv hauv peb, Koj muab ntxuav pov tseg, Koj haiv neeg thiaj yuav tau nyob nyab xeeb. Thov tso Koj kev thoob tsib tuaj nyab peb siab ntsws kom peb ntseeg Koj mus txog txhiab niag tim puas xyoo.
6. Koj qhib peb tswv yim mloog Leej Tub lo lus. Koj qhia peb, peb thiaj li paub Leej Txiv. Koj rub txhua haiv neeg los taug txoj kev thaj yeeb, sawv daws thiaj koom siab cav lus zoo txog Tswv Ntuj.
7. Leej Txiv, tus uas muaj koob meej nto moo lug, Leej Tub, tus uas sawv hauv cov tuag los thiab Leej Ntuj Plig Ntshiab, tus uas qhia qhov tseeb, nej ua vaj mus txog txhiab niag tim puas xyoo, ua li.
 

199. LEEJ NTUJ PLIG  XA TXIAJ NTSIM

(CHÚA THÁNH THẦN BAN ƠN)
 
 1. Leej Ntuj Plig Ntshiab xa txiaj ntsim los ntiaj teb. Nws yog tus uas pub rau peb txoj sia ciaj saum ntiaj teb. Peb zoo siab hawm Leej Ntuj Plig.
As les lus yas.  As les lus yas. As les lus yas.
2. Leej Ntuj Plig ntshiab huv xa hluav taws tuaj rau peb. Coj peb kev ruaj siab nrees ntseeg Tswv Ntuj.
 

200. NTUJ PLIG NQES LOS

(CHÚA THÁNH THẦN HIỆN XUỐNG)
 
Leej Ntuj Plig xa txiaj ntsim los rau peb. Cia peb tau nrog Koom Txoos koom ua ke. Sau ua pab saum qab ntuj, Koj txhab zog tuaj pub rau peb. Ntseeg Huab Tais Ntuj Lo Lus. Cia peb tau ruaj siab ntseeg vam txog Tswv Ntuj. Thaum peb tseem nyob ntiaj teb.
 

201. NTUJ TXIV THOV PUB

(LẠY CHÚA XIN BAN -256 TCCĐ2010)
 
Txais: Tswv Ntuj, thov pub Leej Tswv Yim Ntshiab lub hwj huam los rau peb, Nws hloov peb siab tshiab thiab hloov tas txhua leej.
1. Nws yuav pub rau sawv daws, nco tej Lus Ciaj Sia Tswv Ntuj pub.
2. Nws yuav sau rau nruab siab, yog txoj kev sib hlub Tswv Ntuj pub.
3.  Nws hlawv rau peb nruab siab, hluav taws cig ntsa iab lub siab ntseeg.

202. THOV LEEJ NTUJ PLIG 

(CẦU XIN CHÚA THÁNH THẦN 494 HCĐ,            255 TCCĐ 2010)
1. Peb thov Leej Ntuj Plig, Koj tuaj nyob hauv peb siab. Pub peb lub siab muaj ntau txiaj ntsim. Kom tsim nyog ua Koj chaw nyob.
Txais: Thov Tswv Ntuj Leej Peb, thov Koj mloog peb cov lus. Koj kev hlub tiv thaiv peb hnub hmo. Peb tau txais Koj txiaj ntsim puv npho.
2. Peb thov Leej Ntuj Plig, Koj tuaj qhib peb lub siab, pub txiaj ntsim thoob tsib nrhiav qhov Tseeb, ua siab ncaj txav kev dag ntxias.
3. Peb thov Leej Ntuj Plig, Koj yog peb txoj kev hlub, ua peb lub siab kub li hluav taws, cia peb lub siab nyob ntawm Koj. 

203. THOV LEEJ NTUJ PLIG (TP. CV Chiv)

(NGUYỆN THÁNH LINH - CA TIẾP LIÊN MC& PS)
Txais: Leej Txiv tus ib txhis Ntshiab thov xa Leej Ntuj Plig tuaj hloov ntiaj teb. Huab Tais Cawm Seej thov pab xa Leej Ntuj Plig tuaj txhawb sawv daws.
1. Thov Koj tshuab ib pas Ntsuj Plig Ntshiab rau kuv dim ntawm Xas Tas txhais tes. Tus nplaim taws muaj ceem txhawb kuv hla dhau kev txhaum yug ua Koj ib tus me nyuam.
2. thov Koj ntxuav kuv kom huv li si li dej nag los ntxaum thaj av qhuav. Thov Koj coj tus neeg yuam kev  los rau txoj kev ncaj tus neeg siab txias kub lug.
3. Thov Koj pub kuv ib lub siab ntseeg Huab Tais txoj kev hlub thiab kev zam. Pab kuv txhem txoj kev muab hlob tawm deb ntswm kuv mus thiaj li tau Koj txiaj ntsim.
4. Thov Leej Ntuj Plig pab qhia txoj kev kaj siab lug tuaj rau peb tib neeg. Peb thiaj li muaj ub siab vam ntseeg Leej Zoo Txiv hauv Ntuj Plif Ntshiab lub txiaj ntsim. 
 

204. THOV TSWV NTUJ LEEJ PEB

(XIN NGÔI BA THIÊN CHÚA - 488HCĐ)
 
Txais: Thov Tswv Ntuj Leej Peb, tuaj nyob hauv peb siab. Pub txiaj ntsim puv npho, peb lub cev thiab ntsuj plig. Koj hloov peb ua, cov thwj tim lawv Leej Pleev qab, ua Tswv Ntuj tim khawv, rau txhua leej nyob txhua chaw.
1. Leej Tswv Yim Ntshiab, Koj tuaj mas! Txhua lub siab  tos ntsoov/ thov Koj tuaj/ hloov peb lub siab kom/ peb lub cev/ tsim nyog Leej/ Ntuj Plig lub chaw nyob. 
2. Leej Tswv Yim Ntshiab, Koj tuaj mas! Cov neeg ntxhov siab vam/ Koj nplij lawv. Koj yog txiaj ntsim puv/ rau peb siab/ Koj tuaj nplij/ peb tej kev nyuaj siab.
3. Leej Tswv Yim Ntshiab, Koj tuaj mas! Vim ntiaj teb nyob hauv/ kev tsaus ntuj. Thov Koj khuv leej thiab/ coj peb kev/ kom txhua leej/ mus txog chaw tau zoo.

 

SINH HOẠT CA

 

205. CIAJ SIA IB TXHIS (TP. CV Chiv)

(SỨC SỐNG DỒI DÀO - 21 CA NGUYỆN)
 
Txais: Huab Tais pub kev cia siab, txoj sia nyob mus ib txhis. Huab Tais pub kev cia siab, kom peb tau nrog Nws mus. Ob txhais tes tus dej num, muab tas nrho rau Nws nres, lub nra hnyav nyob saum xwb pws tso tas rau Nws ris.
1. Yes Xus Huab Tais Ntuj thov pauj Koj txiaj ntsim.
2. Yes Xus Huab Tais Ntuj thov hu nkauj qhuas Koj.
 

206. KUV MUS NRHIAV TSWV NTUJ

(EM ĐI TÌM THIÊN CHÚA – SÁCH GIÁO LÝ)
 
    Kuv mus nrhiav Tswv Ntuj, Koj nyob twg cia tav no  kuv tseem mus nrhiav. Kuv mus nrhiav Tswv Ntuj, Koj nyob twg cas tav no  kuv tseem nrhiav li.
    Kuv tus me ntsuj plig aw! Ntuj nyob hauv lub neej, nyob hauv lub siab, nyob hauv nruab plawv, tshwm saum qab ntuj muaj koob meej nto moo.
 
 

207. NTSIB  HUAB TAIS PLEEV

(TP. CV Chiv txhais)
(GẶP GỠ ĐỨC KI TÔ – 132 HCĐ )
 
Txais: Yog ntsib Huab Tais Pleev lub neej hloov dua tshiab. Yog ntsib Huab Taib Pleev muaj dua txoj sia tshiab. Yog ntsib Huab Tais Pleev yus thiaj rov ntsib yus. Yog ntsib Huab Tais Pleev thiaj txhawv kev phooj ywg.
1. Yog lub hauv dej tu ces dej yuav qhuav li qhaw, kev hlub pluag Leej Pleev kev hlub kuj qhuav li qho. Tswv Ntuj tam dej txhawv kev hlub thiaj tsis nqhuab. Tim kev hlub pov txwv ciaj sia hauv hiav txwv.
2. Lub neej tam kev ua qhua los yeej taug tsis kawg, ib leeg kheej lub neej yuav ceeb laj ua kom kawg. Huab Tais yees tshwm plaws loj npab ntshuas txhawb kuv cuag ib leej niam zoo nplij nws tus me nyuam.
 
 
 

208. CẦU XIN CHÚA THÁNH THẦN

THOV LEEJ NTUJ PLIG (TP. CV Chiv)
 
Leej Ntuj Plig Koj tuaj nrog peb nyob. Txhawb peb lub siab ntsws hmov tshua. Thov qhib peb lub siab thoob tsib. Xaiv lub ne ej yam zoo tshaj plaws.    

209. TSWV NTUJ LO LUS YOG KEV ZOO SIAB

LỜI CHÚA NGUỒN HẠNH PHÚC
 
1. Lub neej xav tau txhiam xws coj los yug siav, vim peb xav tias noj tsau hnav zoo txaus lawm, tej kev tau zoo uas peb nrhiav tsis tas li ntawd. Peb lub neej no tseem yuav ntshaw txog ntau yam, cia peb nyiam Tswv Ntuj txhua hnub hmo. Hauv Ntuj Lus peb nrhiav pom txoj kev tseeb rau yus.
Txais: Hmoov zoo cov neeg mloog Tswv Ntuj Lus ua raws Ntuj Lus mus tshaj Ntuj lus txhua chaw. Hmoov zoo cov neeg mloog Tswv Ntuj Lus ua raws Ntuj Lus mus tshaj Ntuj lus txhua chaw.
2. Nrog Mas Tas thiab Mab Liab peb sawv daws yuav, mloog thiab ua raws Ntuj Lus zoo siab tsob hwb, mloog kom txawj, ciaj sib hlub, ua lub neej kaj siab. Ua raws Tswv Ntuj Lus peb yuav tau kev zoo, kom txhua qhov peb thooj siab koom ntsws sib hlub, kuv hloov tshiab, koj hloov tshiab, peb sawv daws hloov tshiab.
 

210. ZOO SIAB TXAIS TOS

(HÂN HOAN ĐÓN CHÀO)
 
Zoo siab txais tos nrog lub siab hmov tshua. Zoo siab txais tos nrog lub suab hu nkauj. Xa rau Tswv Qhia (Txiv Plig,….) tas lub siab ua tsaug, thov Tswv Ntuj hlub foom koob hmoov nyob zoo. 

TÌM BÀI

 
MÙA VỌNG.. 7
001. HAUV HAV ZOOV. 7
002. HUAB TSO NAG LOS. 7
003. LUS THOV TOS HUAB TAIS. 8
004. Ntuj Siab. 9
005. TSOOM PEJ XEEM XIS YOOS. 9
006. TSWV NTUJ TUAJ 10
007. ZOO SIAB. 10
GIÁNG SINH.. 11
008. HAUV QHOV TSUA ME. 11
009. HMO CI NTSA - 266 NSCTTN.. 12
010. LEEJ CAWM NTIAJ TEB. 12
011. LEEJ LO LUS UA NEEG.. 13
012. NTAWM DAB NROJ 14
013. NTUJ COV TSHIAB HU NKAUJ 14
014. NTUJ TSAUG XYOO NTAWD.. 15
015. XA MOO RAU NIAM MAB LIAB. 16
016. PEB MUS HAWM- 335NSCTTN.. 16
017. QAB NTUJ LOM ZEM.. 17
018. QHOV TSUA NPES LES. 17
019. THOOB QAB NTUJ LOM ZEM.. 18
020. TSWV NTUJ CAWM NTIAJ TEB. 19
021. TSWV NTUJ HLUB TIB NEEG.. 19
022. TSWV NTUJ LEEJ TUB YUG LOS. 20
MÙA CHAY. 21
023. CAS KOJ TSO KUV. 21
024. HMOV NYIAM NTOO CUAM.. 21
025. KEV SIB THAM.. 22
026. KUV TIG ROV LOS. 23
027. KUV TXIV YOG KHEEV LAM.. 23
028. LUB SIAB TSHIAB. 24
029. NIAM SAWV NTAWM NTOO CUAM.. 25
030. NTOO CUAM KEV HLUB. 26
031. QHIB PLHO (TP. CV Chiv txhais) 27
032. SAUM ROOB KHAUJ KHAUM TAUB HAU.. 27
033. SAUM TXOJ KEV ROV LOS. 28
034. SIJ RAUG TUAG.. 29
035. SUAB SEEV NCHA QHUAS. 29
036. THOV QHIB LOS. 30
037. THOV TSWV NTUJ ZAM TXHAUM.. 31
038. TSWV NTUJ KHUV LEEJ 31
039. TXOJ KEV HUAB TAIS MUS DHAU.. 32
040. YES XUS CAWM NEEG.. 33
041. YES XUS UA HUAB TAIS. 33
PHỤC SINH.. 34
042. YUAV SAWV LOS. 34
043. HUAB TAIS MUS SAUM NTUJ 34
044. HUAB TAIS ROV CIAJ 35
045. KWV TIJ NEEJ TSA CAV TXOG HUAB TAIS. 36
046. PEB YUAV ZOO SIAB. 38
047. TUG CAWM SEEJ YES XUS. 38
048. YES XUS MUS UA NTEJ 39
049. YES XUS NCE NTUJ 39
050. YES XUS SAWV ROV LOS 1. 40
051. YES XUS SAWV ROV LOS 2. 40
052. ZOO SIAB ROV CIAJ 41
NHẬP LỄ. 42
053. COG LUS. 42
054. KOOM SIAB UA TSAUG 1. 43
055. KOOM SUAB UA TSAUG 2. 43
056. KUV ZOO SIAB. 44
057. LEEJ TXIV LO LUS. 44
058. MUS HAUV HUAB TAIS TSEV. 45
059. NCE ROOB XIS YOOS. 46
060. NKAUJ PAJ NRUAG 72. 46
061. NO YOG TSWV NTUJ HAIV NEEG.. 47
062. NQUA SUAB HU NKAUJ 47
063. PEB TUAJ NTAWM NO 1. 48
064. PEB TUAJ NTAWM NO 2. 49
065. POV DEJ NTSHIAB. 49
066. PUAG THAUM UB. 50
067. QHOV TWG MUAJ KEV HLUB. 50
068. SAUM NTIAJ TEB HAWM TSWV NTUJ 51
069. TUAJ HU QHUAS TSWV NTUJ 52
070. YUAV NQUA SUAB. 52
071. ZOO SIAB TSHAJ PLAWS. 53
DÂNG LỄ. 54
072. CEV HMOOV NPLEJ 54
073. CEV RAU TSWV NTUJ 54
074. CEV TAS LUB NEEJ 55
075. LUB NEEJ YOG PAJ TSHAB. 55
076. OB TXHAIS TES. 56
077. PA XYAB TSW HA. 57
078. PAJ TSHAB  UA TSAUG.. 57
079. PEB THOV CEV RAU KOJ 58
080. XA RAU.. 59
081. XAV UA PAJ XYAB. 60
HIỆP LỄ. 61
082. CIAJ NYOB LOM ZEM.. 61
083. HLUB TSHUA TIB NEEG.. 62
084. HU QHUAS TSWV NTUJ KEV HLUB. 63
085. LUS CIAJ SIA 1. 64
086. LUS CIAJ SIA 2 (TP. CV Chiv txhais) 64
087. LUS NTSHIAB. 65
088. MLOOG TSWV NTUJ LUS 1. 66
089. MLOOG TSWV NTUJ LUS 2. 67
090. NO, KUV THOV TUAJ 67
091. NTUJ KEV HLUB SOV SO.. 68
092. PUB KUV NTSEEG RUAJ 69
093. SEEV QHUAS TSWV NTUJ 70
094. SUAB UA TSAUG.. 70
095. THAUM TWG MUAJ CAIJ 71
096. THOV TXUAG KUV 1. 72
097. THOV TXUAG KUV 2. 73
098. TIM KHAWV SIB HLUB 1. 74
099. TIM KHAWV SIB HLUB 2. 75
100. TSIS THOV NYIAJ TXIAG.. 76
101. TSO SIAB RAU HUAB TAIS KHUV LEEJ 76
102. TSO SIAB RAU TSWV NTUJ 77
103. TSWV NTUJ HLUB KUV LOJ TSHAJ 78
104. TSWV NTUJ KEV HLUB. 79
105. TSWV NTUJ YOG KUV LUB NEEJ 80
106. TSWV NTUJ YOG TUS CAWM SEEJ 80
107. TUS ZOO TSWV ZOV YAJ 81
108. TXOJ KEV MUS CUAG TSWV NTUJ 82
109. VAM HUAB TAIS 1. 82
110. VAM NTSOOV HUAB TAIS 2. 83
111. YES XUS HUAB TAIS NTUJ 84
112. ZOO DUA. 84
KẾT LỄ. 86
113. COV LEEJ CHOJ 86
114. KUV NTSEEG.. 87
115. LEEJ TXIV, THOV KOJ 87
116. LUS UA TSAUG.. 88
117. THOV KEV THAJ YEEB. 88
118. THOV KEV TIAJ TUS 2. 89
119. THOV RAU LEEJ CHOJ 90
120. TSHAJ LUB MOO ZOO.. 91
121. TSWV NTUJ HNUB. 91
122. UA TSAUG.. 92
123. UA TSWV NTUJ TSAUG.. 92
124. XA DUAB CI 93
125. XA LUS UA TSAUG.. 93
126. XAUS LUB TXOOS. 94
127. ZAJ THOV TSHAJ NTUJ LUS. 94
ĐỨC MẸ. 95
128. A VE MAB LIAB 1. 95
129. A VE MAB LIAB 2. 95
130. AS LES LUS YAS. 96
131. FIJ LUB NEEJ 96
132. HU QHUAS POJ HUAB TAIS. 97
133. HUAB TAIS LEEJ NIAM.. 98
134. HUAB TAIS LEEJ NIAM NCE NTUJ 98
135. HWM NIAM MAB LIAB. 98
136. KOJ NYOB ZOO MAB LIAB. 99
137. KUV TUAJ 100
138. MAB LIAB POJ HUAB TAIS. 100
139. MAB LIAB QHIA KEV. 101
140. NIAM MAB LIAB NCE NTUJ 103
141. NIAM MAB LIAB, TUS TSIS LO KEEB TXHAUM.. 104
142. NIAM NCE NTUJ 104
143. NIAM NPLIJ SIAB. 105
144. PEB TUAJ HWM LEEJ NIAM.. 106
145. PEB TUAJ HWM NIAM MAB LIAB. 106
146. QAB NTUJ LEEJ NIAM.. 107
147. QHUAS NIAM LUB SIAB ZOO.. 107
148. SAWV NROG LEEJ NIAM.. 108
149. THOV MLOOG.. 109
150. THOV PAB COV NTSEEG.. 110
CHƯ THÁNH.. 111
151. HWM COV LEEJ NTSHIAB. 111
152. QHUAS YAWM YOS XES. 111
153. RAWS COV LEEJ NTSHIAB. 112
154. SEEV QHUAS COV  LEEJ NTSHIAB. 113
155. SUAB NKAUJ PAJ TSHIAB. 113
156. THOV YIM NEEG NTSHIAB. 114
157. YES XUS MUS PEM NTUJ NWS TSO LUS RAU POB ZEB. 115
THIẾU NHI - CHA MẸ. 116
158. KUV COV PAJ TSHAB. 116
159. KUV TSIS MUAJ DAB TSI 116
160. LUB XYOO THAUM TSEEM YAU XA RAU TSWV NTUJ 117
161. ME NYUAM NYIAM TSWV NTUJ 118
162. NCO POJ YAWG KOOB. 118
163. NYOB ZOO TSWV NTUJ KUV MUS TSEV. 119
164. THOV RAU NIAM TXIV 1. 119
165. THOV RAU NIAM TXIV 2. 120
166. TXOJ KEV ME. 121
167. XEEB TXAWM MUAJ NIAM TXIV. 121
168. XYOO TSHIAB ROV LOS. 122
HÔN PHỐI 123
169. FOOM HMOOV ZOO.. 123
170. HNUB NO NTAWM ROOJ TXI 123
171. MUS HAUV HUAB TAIS TSEV 1. 124
172. MUS HAUV HUAB TAIS TSEV 2. 125
173. NKAUJ PAJ NRUAG 127. 126
174. THOV NIAM.. 127
CẦU HỒN.. 128
175. AS LES LUS YAS. 128
176. CHAW THEM TXIM.. 128
177. LUB CEV  YOG PLUAS PLAV. 129
178. NKAUJ SIB NCAIM.. 129
179. NTAWM CHAW TSAUS NTI 130
180. PAJ TSHAB CIA SIAB. 131
181. SIS HLOOV TSHIAB TXOJ SIA. 132
182. THOV TSWV NTUJ KHUV LEEJ 133
183.TSWV NTUJ YUG KUV (1) 134
184. TSWV NTUJ YUG KUV (2) 135
THÁNH THỂ. 136
185. HAWM CIM YUG.. 136
186. HAWM CIM YUG 2. 137
187. HAWM CIM YUG 3. 137
188. HAWM LUB CIM YUG.. 139
189. NCUAV CIAJ SIA. 139
190. PE HAWM.. 140
191. PEB TUAJ NO.. 141
192. TSWV NTUJ HU.. 141
193. TSWV NTUJ KEV HLUB. 142
194. TSWV NTUJ LUB SIAB. 142
195. YES XUS LUB NPE ZOO 391 NSCTTN.. 143
CHÚA THÁNH THẦN.. 144
196. LEEJ NTUJ PLIG 1. 144
197. LEEJ NTUJ PLIG 2. 144
198. LEEJ NTUJ PLIG NTSHIAB, TUS TSIM.. 145
199. LEEJ NTUJ PLIG  XA TXIAJ NTSIM.. 146
200. NTUJ PLIG NQES LOS. 147
201. NTUJ TXIV THOV PUB. 147
202. THOV LEEJ NTUJ PLIG.. 148
203. THOV LEEJ NTUJ PLIG (TP. CV Chiv) 148
204. THOV TSWV NTUJ LEEJ PEB. 149
SINH HOẠT CA.. 150
205. CIAJ SIA IB TXHIS (TP. CV Chiv) 150
206. KUV MUS NRHIAV TSWV NTUJ 150
207. NTSIB  HUAB TAIS PLEEV. 151
208. CẦU XIN CHÚA THÁNH THẦN.. 151
209. TSWV NTUJ LO LUS YOG KEV ZOO SIAB. 152
210. ZOO SIAB TXAIS TOS. 152
TÌM BÀI 153
 
 
Trang inGửi bạn bè Chia sẻ trên facebook  Chia sẻ trên twitterThảo luậnXem thảo luận
Thông tin khác:
GIỜ LỄ (TIMES OF MASS)
NGÀY THƯỜNG (WEEK-DAYS): 19:00

CHÚA NHẬT (SUNDAY): 09:00; 19:00

Chầu MTC: Thứ Năm trước thánh lễ *
* Adoration of Sacrament: before Mass on Thursday *

Giải tội trước và sau thánh lễ *
* Confessions before and after Mass *
Đức Thánh Cha mở cửa Năm Thánh Lòng Thương Xót 8.12.2015
LIÊN KẾT
Tiêu điểm
Thánh ca & Nhạc công giáo
Tâm sự chiếc áo dòng
Bài thánh ca buồn
Mùa đông năm ấy
Thiết kế web: OnIP™